व्यसनमुक्तीसाठी प्रसारमाध्यमांची  महत्वाची जबाबदारी

*व्यसनमुक्तीसाठी साहित्यीक व प्रसार माध्यमांची जबाबदारी परिसंवादातील वक्तयांचा सूर

अमरावती दि.20 (जिमाका): व्यसनमुक्तीसाठी प्रसारमाध्यमांची जबाबदारी मोठी असुन प्रसारमाध्यमातुनच व्यसनमुक्तीबाबत जाणीवजागृती करता येईल असे मत आज पाचव्या राज्यस्तरीय व्यसनमुक्ती साहित्य संम्मेलनातील परिसंवादात मांडण्यात आले.

 संत ज्ञानेश्वर सांस्कृतिक भवन येथे सामाजिक न्याय व विशेष सहाय्य विभागाच्या वतीने देशातील पाचवे राज्यस्तरीय व्यसनमुक्ती साहित्य संम्मेलनाचा आजचा दुसरा दिवस होता. व्यसनमुक्तीसाठी साहित्यीक व प्रसार माध्यमांची जबाबदारी  व  संत साहित्यातील व्यसनमुक्तीचा संदेश या दोन्ही परिसंवादात  अभिनेत्री मधुरा वेलनकर, नितिन कुळकर्णी, सचिन परब, प्राध्यापक अरविंद देशमुख, डॉ.हेमंत खडके यासह कवी श्यामसुंदर सोन्नर, डॉ.दिपक पुनसे उपसिथत होते.

गुरूदेव मासिकाचे संपादक डॉ.दीपक पुनसे यांनी ग्रामगीतेतील तुकडोजी महाराजांच्या चरणाव्दारे व्यसनमुक्तीचा संदेश समजावुन सांगीतला. व्यसनमुक्तीचा कार्यक्रम एक दिवसाचा न राहता ती एक निरंतर प्रकीया राहावी. डॉ.हेमंत खडके यांनी तुकाराम महाराजांनी व्यसनावर ओढलेल्या आसुडाचे दाखले देऊन साही त्यात व्यसनाची यादी असल्याचे दाखले दिले. गुलाबराव महाराज, तुकडोजी महाराज, गाडगे महाराज आदीच्या कार्याचा आढावा घेतला.

गुलाबराव महाराजांच्या साहित्याचे गाढे अभ्यासक प्राचार्य अरविंद देशमुख यांनी संतानी महाराष्ट्रात भक्तीमार्गाच रोपण केल्याचे सांगीतले. रोगापेक्षा उपचार प्रभावी असतो असे सांगुन तत्कालीन संत साहित्याने विवेकाची काजळी घालवण्याचे महान कार्य केल्याचे सांगीतले. प्रजापिता ब्रम्हाकुमारी परिवारात व्यसनमुक्तीचे काम ध्यानधारणेव्दारे करण्यात येते हे सांगुन सचिन परब यांनी  12 लाख विद्यार्थी 140 देशात ब्रम्हाकुमारीचे कार्य चालत असल्याचे सांगीतले. व्यसनमुक्ती होण्यासाठी छंदाची आवड जोपासण्याचे आवाहन दिले. विवेकानंदानी सांगीतल्याप्रमाणे आम्ही अमृताचे पुत्र आहोत या भावनेने तरुण पिढीने व्यसनापासुन दुर राहण्याचे आवाहन केले.

 पत्रकार नितीन कुळकर्णी यांनी प्रसारमाध्यमांनी महसुलाचा विचार  न करता व्यसनमुक्तीसारख्या दुष्प्रवृतीवर माध्यमांनी लिहीत राहण्याचे आवाहन केले. परिसंवादाला सुरू करण्याआधी दोन चित्रफीती दाखविण्यात आल्या. परिसंवादात अंत्यत ओघवत्या शैलीत वक्तयांनी श्रोत्यांना खिळवुन ठेवले.कार्यक्रमाला विद्यार्थी नागरीकांची उपस्थित होते.

आज व्यसनमुक्ती समेंलनात नशाबंदी ऑकेस्ट्रा, नशाबंदीची लावणी, बतावणी, पोवाडा, व्यसनमुकतीची प्रेरणागीते आदीचे मनोहारी सादरीकरण करण्यात आले.

00000