महात्मा जोतीराव फुले यांच्या द्विशताब्दी जयंती वर्षानिमित्त वर्षभर विविध कार्यक्रम

 

महात्मा जोतीराव फुले यांच्या द्विशताब्दी जयंती वर्षानिमित्त वर्षभर विविध कार्यक्रम

#MahatmaPhule200

#महात्माफुले200

#MahatmaJyotiraoPhule_BicentenaryBirthYear

#महात्माजोतीरावफुले_द्विशताब्दीजन्मवर्ष

चारा पीक लागवडीच्या अंदाजपत्रकास मान्यता #चारा #दुष्काळ

 

चारा पीक लागवडीच्या अंदाजपत्रकास मान्यता

#चारा

#दुष्काळ

DIO NEWS AMRAVATI 02.11.2026

 

दुष्काळसदृश्य स्थितीत प्रशासकीय यंत्रणेने सतर्क राहावे

-पालकमंत्री चंद्रशेखर बावनकुळे यांचे निर्देश

*७३४ कोटींच्या मदतीचा प्रस्ताव शासनाकडे सादर

*जलसंधारणाची कामे प्राधान्याने करण्यावर भर

*तालुका समन्वय समिती सक्रीय करावी

अमरावती, दि. 2 (जिमाका): अल-निनोचे परिणाम सर्वत्र दिसून येत आहे. जिल्ह्यातही कमी पावसामुळे दृष्काळसदृश परिस्थिती निर्माण झाली आहे. त्यामुळे येत्या काळात जलसंधारणाची कामे करून या परिस्थितीला समोर जावे लागणार आहे. यात प्रशासकीय यंत्रणांची भूमिका महत्वपूर्ण राहणार असून त्यांनी दृष्काळस्थितीमध्ये सतर्क राहावे, असे निर्देश पालकमंत्री चंद्रशेखर बावनकुळे यांनी दिले.

नियोजन भवनात आज जिल्ह्यात निर्माण झालेल्या दुष्काळसदृश्य स्थितीचा आढावा घेण्यात आला. यावेळी खासदार बळवंत वानखेडे, डॉ. अनिल बोंडे, आमदार प्रविण पोटे, केवलराम काळे, प्रताप अडसड, सुलभा खोडके, राजेश वानखेडे, गजानन लवटे, उमेश यावलकर, प्रविण तायडे, विभागीय आयुक्त नयना गुंडे, जिल्हाधिकारी आशिष येरेकर, मनपा आयुक्त डॉ. मंगेश गोंदावले, मुख्य कार्यकारी अधिकारी सत्यम गांधी, उपविभागीय अधिकारी सिद्धार्थ शुक्ला उपस्थित होते.

पालकमंत्री श्री. बावनकुळे यांनी, जिल्ह्यात सरासरीच्या केवळ ५६ टक्के पाऊस झाला आहे. कमी पावसामुळे दृष्काळी परिस्थिती निर्माण झाल्याने शेतकऱ्यांच्या मदतीसाठी पीक पाहणीचे कार्य १०० टक्के पूर्ण झाले आहे. या नुकसानीपोटी भरपाईसाठी राज्य शासनाकडे ७३४ कोटी रुपयांच्या मदतीचा प्रस्ताव सादर करण्यात आला आहे. त्यासोबतच शेतकऱ्यांकडे पुरेसे पाणी उपलब्ध असल्यास रब्बी पिक घेण्यासाठी १२ तास वीज पुरवठा देण्यात येत आहे. तसेच शेतकऱ्यांनी जादा पाणी लागणारी रब्बी पिके घेऊ नयेत, याबाबत मार्गदर्शन व जनजागृती करण्यात येणार आहे.

कमी पावसामुळे जिल्ह्यातील भूजल पातळी खालावली आहे. त्यासोबतच प्रमुख जलाशयांमध्ये निम्मा पाणीसाठी उपलब्ध आहे. उपलब्ध जलसाठ्यापैकी पिण्यासाठी पाणी प्राधान्याने आरक्षित करण्यात आले आहे. मोर्शी भागात बोअरवेलची पाणी पातळी मोठ्या प्रमाणावर खाली गेल्याने या भागात नव्या बोअरवेलला परवानगी दिली जाणार नाही. निकामी झालेल्या बोअरवेलचे पुनरूज्जीवन करण्यासाठी तज्ज्ञांचे मार्गदर्शन घेण्यात येणार आहे.

जिल्ह्यातील पशुधनासाठी १०० दिवस पुरेल एवढा चारा उपलब्ध आहे. चाऱ्याची तूट भरून काढण्यासाठी गाळपेर जमिनीवर चारा लागवडीस सुरवात करण्यात आली आहे. जिल्ह्यात वैरण विकास कार्यक्रमातून २० हेक्टर गाळपेर भागामध्ये चारा लागवड उपक्रम राबविला जात आहे. तसेच जिल्हाबाहेर चारा जाणार नाही याची कठोर अंमलबजावणी करावी. यासाठी उपाययोजना सुचविण्यासाठी समिती स्थापन करावी. कुटारापासून ब्रिक्स तयार करणाऱ्या उद्योगांना ५० टक्के कुटार राखीव ठेवण्याचे कडक निर्देश दिले आहेत.

भूजल सर्वेक्षण विभागाने भूजल पातळी वाढवण्यासाठी १ हजार ७०० रिचार्ज शाफ्टची कामे सुचविली आहे. तसेच व्हीबी जी राम जी मधून १ हजार ८०० जलसंधारणाची कामे करण्यात येणार आहे. तसेच 42 हजार जलतारा खड्डे खोदण्यात येणार आहे. दुष्काळाशी निगडीत 11 विभागांच्या समन्वयासाठी 'डिस्ट्रिक्ट कनेक्ट ॲप' सुरू करण्यात आले आहे. यातून क्षेत्रिय स्तरावरील यंत्रणांना कामाची माहिती देण्यात येत आहे. तसेच दुष्काळी परिस्थितीची यंत्रणांना जाणिव व्हावी, यासाठी एक दिवसाची कार्यशाळा आयोजित करण्याचे निर्देश त्यांनी यावेळी दिले. दुष्काळ निवारणासाठी सर्व विभागांनी एकत्र येऊन गावाचा विकास आराखडा तयार करावा. तसेच धाराशिव जिल्ह्याच्या पॅटर्नचा अभ्यास करून प्रभावी अंमलबजावणी करावी.

वीज पुरवठा सुरळीत ठेवण्यासाठी जिल्हा नियोजन निधीतून २० कोटी रुपये देण्यात आले आहेत. विजेची समस्या सोडविण्यासाठी महावितरणच्या मुख्य अभियंत्यांनी दर महिन्याला लोकप्रतिनिधींची बैठक घ्यावी. प्रत्येक गावात ग्राम विद्युत व्यवस्थापक नेमण्यात यावा. त्यांना महावितरणच्या सहायाने प्रशिक्षण देण्यात यावे. यामुळे गावातील वीज पुरवठा सुरळीत राहण्यासाठी मदत होणार आहे. येत्या काळात पिण्याच्या पाण्याचा प्रश्न निर्माण होणार असल्याने 75 टक्के काम पूर्ण झालेल्या पाणीपुरवठा योजनांची कामे तातडीने पूर्ण करावीत. याठिकाणी वीज जोडणी देऊन गावातील पाणीपुरवठा सुरू करावा. तसेच सार्वजनिक विहिरीची देखभाल दुरूस्ती करून या विहिरीतून आवश्यकता भासल्यास पाणीपुरवठा करण्यात यावा.

आमदारांच्या अध्यक्षतेखाली तालुकास्तरीय समन्वय समिती आहे. या समितीची बैठक नियमित घेऊन आमदारांनी स्थानिक प्रश्न मार्गी लावावे. प्रामुख्याने येत्या समितीच्या बैठकांमध्ये गावाचा विकास आराखडा तयार करावा. आराखडा तयार करताना जलसंधारणाची कामे प्राधान्याने घ्यावी. तसेच नळ योजना असलेल्या भागात पाणी गळती शोधून त्यावर उपाययोजना करावी. तसेच आवश्यक तेवढेतच पाणी पुरवठा करण्याचे धोरण आखण्यात यावे. वापर आणि विनावापर विहिरींची दुरूस्ती करून तयार ठेवाव्यात, असे निर्देश श्री. बावनकुळे यांनी दिले.

बैठकीत उपस्थित लोकप्रतिनिधींनी मांडलेले प्रश्न प्राधान्याने सोडवून त्याचा अहवाल सादर करण्याचे निर्देश प्रशासनाला देण्यात आले. जिल्हाधिकारी श्री. येरेकर यांनी जिल्ह्यातील दुष्काळाच्या स्थितीची माहिती दिली.

000000

अमरावतीच्या मातीतून धनुर्विद्या क्षेत्रात आंतरराष्ट्रीय दर्जाचे खेळाडू घडतील- पालकमंत्री चंद्रशेखर बावनकुळे

 

पालकमंत्र्यांच्या हस्ते स्कूल ऑफ स्कॉलर्सच्या धनुर्विद्या मैदानाचे उद्घाटन

 

आंतरराष्ट्रीय धनुर्धर कुमकुम मोहोड यांची भेट घेऊन केला सत्कार

 

अमरावती, दि. 2 (जिमाका) : कुमकुम मोहोड आणि यशदीप भोगे या धनुर्धरांसह, भारतीय महिला क्रिकेट संघाची खेळाडू भारती फुलमाळी यांनी आशियाई क्रीडा स्पर्धेत केलेल्या उच्च दर्जाच्या कामगिरीमुळे अमरावतीला जागतिक बहुमान मिळाला आहे. स्कूल ऑफ स्कॉलर्स शाळेच्या धनुर्विद्या मैदानाहूनही असेच आंतरराष्ट्रीय स्तरावर या जिल्ह्याचे नाव झळकवणारे खेळाडू तयार होतील, असे प्रतिपादन महसूल मंत्री तथा पालकमंत्री चंद्रशेखर बावनकुळे यांनी आज येथे केले. आंतरराष्ट्रीय धनुर्धर कुमकुम मोहोड यांची भेट घेऊन त्यांनी सत्कार केला.

 

            येथील निंभोरा खुर्द भागात स्थित स्कूल ऑफ स्कॉलर्स मध्ये नव्याने निर्मित धनुर्विद्या मैदानावर पालकमंत्री श्री. बावनकुळे यांच्या उपस्थितीत शाळेच्या प्रशिक्षित तिरंदाज विद्यार्थ्यांनी नेम धरला व औपचारिकरित्या फित कापून धनुर्विद्या मैदानाचे उद्घाटन केले. त्यावेळी ते बोलत होते. खासदार डॉ. अनिल बोंडे,आमदार सर्वश्री प्रताप अडसळ, प्रवीण तायडे, राजेश वानखडे, अग्निहोत्री गृप ऑफ इन्स्टिट्यूटचे सचिव सचिन अग्निहोत्री, शाळेचे मुख्याध्यापक एन. संतोष कुमार आदी यावेळी उपस्थित होते.

    

             पालकमंत्री श्री. बावकुळे म्हणाले शालेय स्तरावर उत्तमोत्तम क्रीडा सुविधा उपलब्ध झाल्याने या क्षेत्रात पुढे जाण्याची दालन उघडतात. स्कूल ऑफ स्कॉलर्सच्या धनुर्विद्या मैदानाहून प्रशिक्षित होऊन जागतिक दर्जाचे खेळाडू घडतील. नुकतेच आशियाई क्रीडा स्पर्धेत धनुर्विद्या खेळात  अमरावतीच्या खेळाडूंचे यशाने ही बाब अधोरेखित झाल्याचे त्यांनी सांगितले. क्रीडा क्षेत्रातील उत्तम सुविधा व खेळाडूंच्या सातत्यपूर्ण मेहनतीने या जिल्ह्यातून येत्याकाळातही आंतरराष्ट्रीय खेळाडू घडतील असेही त्यांनी सांगितले. शाळेचे मुख्याध्यापक एन. संतोष कुमार यांनी स्वागतपर भाषण केले तर अग्निहोत्री गृप ऑफ इन्स्टिट्यूटचे सचिव सचिन अग्निहोत्री यांनी प्रास्ताविक केले.

 

               या शाळेचे माजी विद्यार्थी आंतरराष्ट्रीय धनुर्धर यशदीप भोगे यांचे प्रशिक्षक गणेश विश्वकर्मा यांच्या उपस्थितीत यशदीप यांचे वडील संजय भोगे यांचा यावेळी श्री. बावनकुळे यांच्या हस्ते सत्कार करण्यात आला.

 

पालकमंत्र्यांनी केला धनुर्धर कुमकुम मोहोडचा सत्कार

 

             जपान येथे नुकत्याच आयोजित आशियाई क्रीडा स्पर्धेतील सुवर्णपदक विजेत्या आंतरराष्ट्रीय कीर्तीच्या धनुर्धर कुमकुम मोहोड यांच्या साई नगर परिसरातील गोसावी कॉलनीत स्थित घरी जाऊन पालकमंत्री चंद्रशेखर बावनकुळे यांनी त्यांचा सत्कार केला. खासदार डॉ. अनिल बोंडे, आमदार सर्वश्री प्रताप अडसळ, प्रवीण तायडे, राजेश वानखडे, कुमकुम यांचे वडील अनिल मोहोड, आई रुपाली मोहोड आणि कुटुंबीय आदी यावेळी उपस्थित होते.

 

              श्री. बावनकुळे यांनी यावेळी कुमकुम यांच्याशी अनौपचारिक गप्पा मारल्या व तिरंदाजीतील त्यांच्या प्रवासाविषयी आणि आशियाई क्रीडा स्पर्धेतील यशासह विविध आंतरराष्ट्रीय स्पर्धेतील यशाबाबत माहिती जाणून घेतली. ऑलिम्पिक स्पर्धेतही कुमकुम यांनी यश मिळवून देशाचे नाव उज्ज्वल करावे अशा अपेक्षा व्यक्त करून त्यांच्या पुढील वाटचालीसाठी शुभेच्छा दिल्या.

००००००

चारा लागवडीमुळे पशुपालकांना दिलासा मिळणार - जिल्हाधिकारी आशिष येरेकर

चारा लागवडीमुळे पशुपालकांना दिलासा मिळणार

- जिल्हाधिकारी आशिष येरेकर

*चारा लागवडीची जिल्हाधिकाऱ्यांकडून पाहणी

अमरावती, दि. 1 : दुष्काळाच्या पार्श्वभूमीवर जनावरांना चारा कमी पडू नये यासाठी गाळपेर जमिनीवर चारा लागवडीचे जिल्ह्यात नियोजन करण्यात आले आहे. या ठिकाणी दोन महिन्यात चारा तयार होणार आहे.  यामुळे पशुपालकांना दिलासा मिळण्यास मदत मिळणार आहे, अशी माहिती जिल्हाधिकारी आशिष येरेकर यांनी दिली.

जिल्हाधिकारी श्री. येरेकर यांनी आज मोर्शी उपविभागातील दापोरी, वाघोली, घोडदेव येथील गाळपेर जमिनीवर लागवड करण्यात आलेल्या चाऱ्याची पाहणी केली. यावेळी  उपजिल्हाधिकारी ज्ञानेश्वर घ्यार, उपविभागीय अधिकारी प्रदीपकुमार पवार, जिल्हा पशुसंवर्धन उपायुक्त डॉ वल्लभ जोशी, गटविकास अधिकारी स्वप्निल मकदुम उपस्थित होते.

मोर्शी उपविभागात पहिल्या टप्प्यात अप्पर वर्धा धरणाच्या दापोरी, वाघोली आणि घोडदेव येथे प्रत्येकी चार हेक्टरवर चारा लागवड लागवड करण्यात आली आहे. चाराटंचाईच्या अनुषंगाने तलावातून  चारा लागवडीसाठी जमीन उपलब्ध करण्यात आली आहे. त्यानुसार याठिकाणी वैरण बियाणांची लागवड केली आहे. लागवड करण्यात आलेल्या उत्कृष्ट बियाण्यामुळे कापणी केल्यानंतरही चारा उपलब्ध पाण्यानुसार पुन्हा येणारा आहे.

यावेळी जिल्हाधिकारी श्री. येरेकर यांनी पशुपालकांना वैरण बियाणे संचाचे वाटप केले. तसेच भागातील चाऱ्याची सद्यस्थिती जाणून घेतली. वाघोलीचे सरपंच अक्षय तायवाडे यांनी चाऱ्याचे यशस्वीपणे संगोपन करून पशुसाठी चारा उपलब्ध करण्यासाठी संपूर्ण सहकार्य करण्याचे आश्वासन दिले. तसेच जिल्हाधिकारी श्री. येरेकर यांनी अप्पर वर्धा धरणातून उपलब्ध झालेली दापोडी येथील 4 हेक्टर जमिनीवरील वैरण बियाणे लागवडीस्थळी प्रत्यक्ष भेट देऊन पाहणी केली. सदरील ठिकाणी होणाऱ्या चारा पिकांचे संरक्षणासाठी उपाययोजना करण्याबाबत सूचना दिल्या.

 

मोर्शी तालुक्यातील तीन ठिकाणावर व्हीबी जी राम जी अंतर्गत बारा हेक्टर गाळपेर जमिनीवर चारा लागवडीचे नियोजन करण्यात आले आहे. यातून सुमारे तीनशे मॅट्रिक टन चारा उत्पादन होणार आहे. चारा लागवडीसाठी डॉ. प्रवीण सारडे, मिलिंद राऊत, पोहराचे वैरण विकास अधिकारी चंद्रशेखर गिरी यांनी पुढाकार घेतला आहे.

0000

 

#महात्माजोतीरावफुले यांचे द्विशताब्दी जयंती वर्ष विशेष.(भाग ८) महाराष्ट्र राज्य सांस्कृतिक मंडळाद्वारे प्रकाशित 'महात्माजोतीराव फुले'पुस्तकातून त्यांच्या जीवन कार्याविषयी. जाणून घेऊया या पुस्तकातील चिपळूणकर आणि फुले' या प्रकारणाविषयी #MahatmaPhule200

 #महात्माजोतीरावफुले यांचे द्विशताब्दी जयंती वर्ष विशेष.(भाग ८)

महाराष्ट्र राज्य सांस्कृतिक मंडळाद्वारे प्रकाशित 'महात्माजोतीराव फुले'पुस्तकातून त्यांच्या जीवन कार्याविषयी. जाणून घेऊया या पुस्तकातील चिपळूणकर आणि फुले' या प्रकारणाविषयी #MahatmaPhule200

#महात्माजोतीरावफुले यांचे द्विशताब्दी जयंती वर्ष विशेष.(भाग ७) महाराष्ट्र राज्य सांस्कृतिक मंडळाद्वारे प्रकाशित 'महात्माजोतीराव फुले'पुस्तकातून त्यांच्या जीवन कार्याविषयी. जाणून घेऊया 'सत्यशोधक समाजाच्या स्थापने' विषयी #MahatmaPhule200

#महात्माजोतीरावफुले यांचे द्विशताब्दी जयंती वर्ष विशेष.(भाग ७) महाराष्ट्र राज्य सांस्कृतिक मंडळाद्वारे प्रकाशित 'महात्माजोतीराव फुले'पुस्तकातून त्यांच्या जीवन कार्याविषयी. जाणून घेऊया 'सत्यशोधक समाजाच्या स्थापने' विषयी #MahatmaPhule200

 

गुजरातमधील एकतानगरमध्ये दि. १ ते १५ नोव्हेंबरदरम्यान होत असलेल्या ‘भारत पर्व’मध्ये सहभागी व्हा! #सरदारपटेल #राष्ट्रीयएकतादिवस२०२६ #SardarPatel #RashtriyaEktaDiwas2026 #NationalUnity

 गुजरातमधील एकतानगरमध्ये दि. १ ते १५ नोव्हेंबरदरम्यान होत असलेल्या ‘भारत पर्व’मध्ये सहभागी व्हा!

#सरदारपटेल #राष्ट्रीयएकतादिवस२०२६ #SardarPatel #RashtriyaEktaDiwas2026 #NationalUnity