.jpeg)
.jpeg)
.jpeg)
अमरावती, दि. 14 (जिमाका) : देशाचे पहिले पंतप्रधान पंडित जवाहरलाल नेहरू यांच्या जयंतीनिमित्त जिल्हाधिकारी कार्यालयात आज अपर जिल्हाधिकारी गोविंद दाणेज यांनी प्रतिमेस पुष्पहार अर्पण करुन अभिवादन केले.
यावेळी विधी अधिकारी नरेंद्र बोहरा उपस्थित होते. उपस्थितांनीही पंडित जवाहरलाल नेहरू यांच्या प्रतिमेस पुष्प अर्पण करुन अभिवादन केले.
0000
थेट प्रक्षेपण | भगवान बिरसा कला संगम २.०
क्रांतिसूर्य भगवान बिरसा मुंडा यांच्या १५१ व्या जयंतीनिमित्त गडचिरोली येथील जिल्हा क्रीडा संकुलात आदिवासी कला, संस्कृती आणि शौर्यगाथांचा भव्य सोहळा!
जिल्हा क्रीडा संकुल, #गडचिरोली
youtube.com/live/HueazDt6q…
अमरावती, दि.13 (जिमाका): 'मुख्यमंत्री मत्स्यसंपदा योजना' साठीची ऑनलाइन अर्ज प्रक्रिया महाडीबीटी २.० प्रणालीवर उपलब्ध झाली असून जिल्ह्यातील सर्व पात्र मत्स्यव्यावसायिकांनी वेळेत अर्ज करून या संधीचा लाभ घ्यावा, असे आवाहन अमरावती मत्स्यव्यवसाय कार्यालयाचे सहायक आयुक्त माँटी मेश्राम यांनी केले आहे.
राज्यातील मत्स्यव्यवसायाला अधिक बळ देण्यासाठी राज्य सरकारने 'मुख्यमंत्री मत्स्यसंपदा योजना' सुरू केली आहे. पारंपरिक शेतीला उत्तम जोडधंदा मिळावा, मत्स्यव्यावसायिकांचे जीवनमान उंचावून त्यांना शाश्वत आर्थिक समृद्धी लाभावी आणि लाभार्थीभिमुख योजनांचा लाभ घेऊन स्वयंरोजगार निर्माण व्हावा, या मुख्य हेतूने ही योजना राबवली जात आहे. विशेषतः अल्पभूधारक आणि लहान शेतकऱ्यांना यातून उत्पन्नाचा एक भरवशाचा स्रोत उपलब्ध होणार आहे. या योजनेअंतर्गत एकूण २८ पैकी २४ प्रमुख उपयोजनांसाठी आता ऑनलाइन पद्धतीने अर्ज करता येणार आहे. ही संपूर्ण अर्ज प्रक्रिया सोपी आणि पारदर्शक ठेवण्यात आली आहे.
इच्छुक लाभार्थ्यांना mahadbt.maharashtra.gov.in या अधिकृत संकेतस्थळावर नोंदणी करुन 'महाआयडी' मिळवावा लागेल. त्यानंतर पोर्टलवर लॉग-इन करू माहिती भरून प्रोफाईल पूर्ण करावे लागेल. शेवटी ‘अप्लाय फॉर स्कीम’ या पर्यायावर जाऊन 'मुख्यमंत्री मत्स्यसंपदा योजना' निवडून आणि आवश्यक कागदपत्रांसह अर्ज ऑनलाइन सबमिट करावा लागेल.योजनेच्या सविस्तर अटी व शर्ती मत्स्यव्यवसाय विभागाच्या शासन निर्णय क्र. मत्स्यवि २०२६/ प्र.क्र.१५३/पदुम-१३ दि. १६ ऑक्टोबर २०२६ मध्ये नमूद आहेत.
अर्ज भरताना किंवा महाआयडी तयार करताना कोणतीही तांत्रिक अडचण आल्यास तत्काळ मदत मिळावी म्हणून जिल्हा कार्यालयात ‘ मुख्यमंत्री मत्स्यसंपदा योजने’चा विशेष कक्ष स्थापन करण्यात आला आहे. त्यासाठी पद्माकर बसवंत (मो. ९०२२०२७७२५) आणि प्रशांत ढेकले (मो. ९४०४२३७१२८) या संपर्क अधिकाऱ्यांची नियुक्ती करण्यात आली आहे.
000000
अमरावती, दि.१३ (जिमाका) : राष्ट्रीय कृषी विकास योजना 'प्रति थेंब अधिक पीक' अंतर्गत अनुसूचित जाती आणि अनुसूचित जमाती प्रवर्गासाठी ठिबक व तुषार सिंचन संच खरेदी करिता दिल्या जाणाऱ्या ९० टक्के अनुदान योजनेचा जिल्ह्यातील जास्तीत-जास्त पात्र शेतकऱ्यांनी लाभ घ्यावा, असे आवाहन जिल्हा अधीक्षक कृषी अधिकारी राहुल सातपुते यांनी केले आहे.
प्रधानमंत्री कृषी सिंचन योजना, मुख्यमंत्री शाश्वत कृषी सिंचन योजना आणि डॉ. बाबासाहेब आंबेडकर स्वावलंबन मिशन योजना आणि बिरसा मुंडा योजना या माध्यमांतून हे अनुदान वितरित केले जाते. या योजनेचा लाभ घेऊ इच्छिणाऱ्या शेतकऱ्याकडे स्वतःच्या मालकी हक्काचा ७/१२ आणि ‘८-अ’ उतारा असणे बंधनकारक आहे. संबंधित शेतकऱ्याच्या शेतात ओलिताची (पाण्याची) सोय उपलब्ध असणे आवश्यक आहे.
इच्छुक लाभार्थ्यांनी महाडीबीटी पोर्टलवर 'फार्मर लॉगिन' द्वारे आपला अर्ज ऑनलाइन सादर करणे आवश्यक आहे.जिल्ह्यातील अनुसूचित जाती व अनुसूचित जमाती प्रवर्गातील शेतकऱ्यांनी या योजनेसाठी वेळेत अर्ज करून अनुदानाचा लाभ घ्यावा, असे कृषी विभागामार्फत कळविण्यात आले आहे.
०००००
.jpeg)
.jpeg)
.jpeg)
.jpeg)
असेच पाठबळ देण्याची शेतकऱ्यांनी व्यक्त केली अपेक्षा
अमरावती, दि.१३ (जिमाका) : पुण्यश्लोक अहिल्यादेवी होळकर शेतकरी कर्जमुक्ती योजनेतून मिळालेली २ लाखांची कर्जमाफी आणि दिवाळीपूर्वी शासनाकडून मिळालेल्या ५ हजारांच्या अग्रीम रक्कमेतून दुष्काळाच्या संकटात सापडलेल्या अमरावती तालुक्यातील पिंपरी गावच्या शेतकऱ्यांनी बळ मिळाल्याच्या भावना व्यक्त केल्या आहेत.वेळोवेळी शासनाने शेतकऱ्यांना दिलासा देत पाठबळ द्यावे, अशा अपेक्षाही मांडल्या.
शेतकरी कर्जमुक्ती योजनेच्या पहिल्या टप्प्यात २ लाख रुपयांचे कर्ज माफ झाल्याने ऋषिकेश प्रकाशराव महल्ले या शेतकऱ्याने राज्य शासनाचे आभार मानून असेच संकटात सापडलेल्या शेतकऱ्यांना शासनाने वेळोवेळी मदत करावी अशी अशा भावना व्यक्त केल्या. ऐन दिवाळीला राज्य शासनाने अग्रीम मदत दिल्याने दिलासा मिळाला.शासन असेच वेळोवेळी शेतकऱ्यांच्या पाठीशी खंबीरपणे उभे राहिल्यास शेतकरी आत्महत्याच करणार नाहीत, असे योगेश अंबादास भुयार यांनी सांगितले. दुष्काळी परिस्थितीमुळे यावर्षी शेतकऱ्यांची दिवाळी काळी होण्याचे चित्र होते. मात्र, दिवाळीपूर्वी शेतकऱ्यांच्या बँक खात्यात ५ हजारांची अग्रीम रक्कम देण्याची मुख्यमंत्री देवेंद्र फडणवीस यांनी केलेल्या घोषणेनुसार ४ नोव्हेंबर रोजी बँक खात्यामध्ये अग्रीम जमा झाला आणि आपल्यासह राज्यातील शेतकऱ्यांची दिवाळी आनंदाची झाली. शासनाने वेळोवेळी शेतकऱ्यांना आवश्यक मदत करावी आणि मिळालेल्या निधीचा शेतकऱ्यांनीही उचित विनियोग करावा असे स्वप्निल राजेंद्र महल्ले यांनी सांगितले.
दिवाळी सणापूर्वी शासनाची अग्रीम मदत मिळाल्याचे व त्याबद्दल समाधान व्यक करुन राजेंद्र पंजाबराव महल्ले यांनी दुष्काळी परिस्थितीबाबत सांगितले. दुष्काळाची दाहकता सर्वत्र जाणवत आहे. विहीरी व बोअरवेलच्या पाण्याची पातळी कमालीची घटली आहे. पाण्याअभावी तूर आणि कपासीचे पीक सुकून गेले आहे. पावसाच्या कमतरतेमुळे जमिनीला भेगा पडल्या आहेत. शेतकऱ्यांची आर्थिक स्थिती ढासळली आहे. शेतकऱ्यांना शासनाकडून आवश्यक ती मदत मिळावी अशी अपेक्षा त्यांनी व्यकत केली. दिवाळी अग्रीम मदत मिळाल्याचे सांगून संकटात सापडलेल्या सर्व शेतकऱ्यांना शासनाने मदत करावी अशा भावना दिनेश अंबादास भुयार यांनी व्यक्त केल्या.
दरम्यान, 'पुण्यश्लोक अहिल्यादेवी होळकर शेतकरी कर्जमुक्ती योजना,२०२६' अंतर्गत अमरावती जिल्ह्यात चार टप्प्यात एकूण ८१ हजार ६१८ लाभार्थी शेतकरी कुटुंबांना ७८३ कोटी २२ लाख रुपयांचे वितरण करण्यात आले आहे. शेतकऱ्यांना दिलासा देण्यासाठी दिवाळीपूर्वी प्रत्येकी ५ हजार रुपयांप्रमाणे ३ लाखांहून अधिक शेतकऱ्यांच्या खात्यात प्रत्यक्ष रक्कम जमा करण्यात आली आहे.
००००
अमरावतीत १७ नोव्हेंबर रोजी पंडित दीनदयाळ उपाध्याय रोजगार मेळावा
'जाधव गियर्स' कंपनीतील १३० जागांसाठी भरती
अमरावती, दि. १३ (जिमाका): जिल्हा कौशल्य विकास रोजगार व उद्योजकता मार्गदर्शन केंद्र आणि मॉडेल करिअर सेंटर, अमरावती यांच्या संयुक्त विद्यमाने येत्या १७ नोव्हेंबर रोजी जिल्हा कौशल्य विकास रोजगार व उद्योजकता मार्गदर्शन केंद्र अमरावती येथे रोजगार मेळाव्याचे आयोजन करण्यात आले आहे. या मेळाव्यात ' जाधव गियर्स,प्रिसीजन मॅपिंग,जिनस कंपनीमध्ये उमेदवारांना १३० पदांची संधी मिळणार आहे.
नोकरीच्या शोधात असलेल्या सुशिक्षित तरुण-तरुणींसाठी या रोजगार मेळाव्याद्वारे रोजगाराची संधी उपलब्ध झाली आहे. या मेळाव्यात जाधव गियर्स,प्रिसीजन मॅपिंग,जिनस कंपनीमध्ये प्रतिनिधी प्रत्यक्ष उपस्थित राहून उमेदवारांच्या मुलाखती घेतील. मुलाखतीमध्ये पात्र ठरणाऱ्या उमेदवारांना लगेचच नोकरीची संधी दिली जाणार आहे.
या भरती प्रक्रियेद्वारे विविध १३० पेक्षा जास्त जागा भरल्या जाणार आहेत. या पदांसाठी उमेदवार पदवीधर असणे आवश्यक असून एम.बी.ए. पदवी धारकाला प्राधान्य असेल किंवा उमेदवार पदव्युत्तर पदवी धारक असावा. उमेदवाराकडे उत्तम संभाषण कौशल्य असणे आवश्यक आहे. तसेच इंग्रजी, हिंदी आणि मराठी या भाषांचे ज्ञान असणे अनिवार्य आहे. इच्छुक उमेदवारांनी १७ नोव्हेंबर रोजी स्वखर्चाने बायोडाटा, पासपोर्ट साईझ फोटो आणि सर्व आवश्यक मूळ कागदपत्रांसह (व छायांकित प्रतींसह) केंद्रावर प्रत्यक्ष उपस्थित राहावे, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त प्रांजली बारस्कर यांनी केले आहे. याबाबत काही अडचण किंवा अधिक माहिती माहितीसाठी दूरध्वनी क्रमांक ०७२१-२५६६०६६ / ८३०८९५६२३६ / ७६२०५६०१२५ / ८६०५६५४०२५ वर तसेच amravatirojgar@gmail.com या ईमेलवर संपर्क साधता येणार आहे.
०००००
.jpeg)
.jpeg)
अमरावती, दि.१७ (जिमाका) : राज्य शासनासह इतर सर्व निवृत्तीवेतनधारकांना वार्षिक जीवन प्रमाणपत्र (हयातीचा दाखला) सादर करण्याची प्रक्रिया अधिक सुलभ व वेगवान व्हावी, या उद्देशाने जिल्हा कोषागार कार्यालय, अमरावती यांच्या वतीने अमरावतीसह, धारणी, अचलपूर आणि वरुड येथे विशेष शिबिरांचे आयोजन करण्यात आले आहे. जिल्ह्यातील जास्तीत जास्त निवृत्तीवेतनधारकांनी या विशेष अभियानाचा लाभ घेऊन आपले जीवन प्रमाणपत्र विहित मुदतीत अद्ययावत करावे, असे आवाहन वरिष्ठ जिल्हा कोषागार अधिकारी विजय जवंजाळ यांनी केले आहे.
निवृत्तीवेतनधारकांना डिजिटल पद्धतीने घरबसल्या जीवन प्रमाणपत्र सादर करता यावे, यासाठी ‘जीवन प्रमाण’ पोर्टल तसेच फेस ऑथेंटिकेशन सुविधेबाबत मार्गदर्शन करण्यात येणार आहे. यासोबतच प्रत्यक्ष नोंदणीची सुविधाही उपलब्ध करून देण्यात येणार आहे.
या अभियानांतर्गत उपकोषागार कार्यालय, वरुड येथे १७ नोव्हेंबर, धारणी येथे १९ नोव्हेंबर आणि अचलपूर येथे २० नोव्हेंबर २०२६ रोजी विशेष शिबिर आयोजित करण्यात आले आहे. तसेच जिल्हा कोषागार कार्यालय, अमरावती येथील जिजाऊ सभागृहात १६ ते २० नोव्हेंबर २०२६ या कालावधीत विशेष शिबिराचे आयोजन करण्यात आले आहे.
या शिबिराचा लाभ घेण्यासाठी निवृत्तीवेतनधारकांनी आधार कार्ड (मोबाईल क्रमांकाशी संलग्न), पीपीओ क्रमांक किंवा निवृत्तीवेतन पुस्तिका, बँक पासबुकची छायांकित प्रत आणि ओटीपी पडताळणीसाठी स्मार्ट मोबाईल फोन सोबत आणणे आवश्यक असल्याचे वरिष्ठ जिल्हा कोषागार अधिकारी कार्यालयाकडून कळविण्यात आले आहे.
०००००
जिल्हाधिकारी कार्यालयात पंडित जवाहरलाल नेहरू यांना अभिवादन अमरावती, दि. 14 (जिमाका) : देशाचे पहिले पंतप्रधान पंडित जवाहरलाल नेहरू यांच्य...
.jpeg)
