जिल्हा माहिती कार्यालय,अमरावती: 2026

Sunday, October 25, 2026

दुष्काळाच्या आव्हानात, आपली छोटी कृती करू शकते पाण्याची मोठी बचत! #दुष्काळ #पाणीबचत

दुष्काळाच्या आव्हानात, आपली छोटी कृती करू शकते पाण्याची मोठी बचत!

अमरावती येथे मंगळवारी होणार मतमोजणी मतमोजणी केंद्रात १७५ अधिकारी, कर्मचारी नियुक्त; पोलीस बंदोबस्तही चोख

#अमरावती_विभाग_शिक्षक_मतदारसंघ_निवडणूक_2026

अमरावती येथे मंगळवारी होणार मतमोजणी
मतमोजणी केंद्रात १७५ अधिकारी, कर्मचारी नियुक्त; पोलीस बंदोबस्तही चोख 

अमरावती दि. २५ - महाराष्ट्र विधानपरिषदेच्या अमरावती विभाग शिक्षक मतदारसंघाच्या निवडणुकीसाठी शुक्रवार २३ ऑक्टोबर २०२६ रोजी अमरावती विभाग मतदारसंघात मतदान प्रक्रिया पार पडली आहे. या निवडणुकीच्या मतदानानंतर आता मतमोजणीची तयारी पूर्ण झाली असून मंगळवार २७ ऑक्टोबर २०२६ रोजी अमरावती येथील लोकशाही भवन येथे मतमोजणीची प्रक्रिया पार पाडण्यात येणार आहे. यासाठी एकूण १५२ अधिकारी/ कर्मचारी नियुक्त करण्यात आले असून २३ अधिकारी/ कर्मचारी राखीव ठेवण्यात आले आहेत. याप्रमाणे एकूण १७५ अधिकारी - कर्मचारी नेमण्यात आले आहेत. तसेच या ठिकाणी सुरक्षा व्यवस्था आणि पोलीस बंदोबस्त चोख ठेवण्यात आला आहे.

विद्यापीठ मार्गावरील लोकशाही भवनात सुसज्ज असे मतमोजणी केंद्र स्थापन करण्यात आले आहे. या ठिकाणी मतमोजणीची संपूर्ण व्यवस्था करण्यात आली असून, याच ठिकाणी मतमोजणी कक्ष आणि स्ट्रॉग रूम राहणार आहेत. मतमोजणीसाठीचे सविस्तर प्रशिक्षण मतमोजणी अधिकारी व कर्मचारी यांना दोन टप्प्यांत देण्यात येत आहे. पहिले प्रशिक्षण बुधवारी २१ ऑक्टोबर रोजी विभागीय आयुक्त कार्यालयातील सभागृह क्र. १ येथे देण्यात आले आहे. दुसरे प्रशिक्षण प्रत्यक्ष मतमोजणी केंद्राच्या ठिकाणी सोमवारी २६ ऑक्टोबर रोजी देण्यात येत आहे. तसेच राजकीय पक्षांच्या व उमेदवारांच्या मतमोजणी केंद्रातील नियुक्त प्रतिनिधींना मतमोजणी प्रक्रीयेविषयीची सविस्तर माहिती सोमवारी विभागीय आयुक्त कार्यालयातील सभागृहात आयोजित प्रशिक्षण सत्रात देण्यात येत आहे.

मतमोजणीसाठी १४ टेबलांच्या व एका टपाली मतपत्रिकांसाठीच्या टेबलाच्या प्रस्तावाला भारत निवडणूक आयोगाकडून मंजूरी मिळाली आहे. प्रत्येक ३ टेबलवरील मतमोजणी कार्यावर प्रत्येकी १ जिल्हाधिकारी तथा सहाय्यक निवडणूक निर्णय अधिकारी यांचे नियंत्रण राहणार आहे. अशा पध्दतीने विभागातील पाचही जिल्ह्यांच्या जिल्हाधिकारी यांना ही जबाबदारी सोपविण्यात आली आहे. प्रत्येक टेबलवर चार अधिकारी- कर्मचारी नियुक्त करण्यात येत आहेत. त्यानुसार १४ टेबलांवर एकूण ५६ अधिकारी-कर्मचारी मतमोजणीच्या कामासाठी नियुक्त करण्यात आले आहेत. प्रत्येक टेबलची जबाबदारी उपजिल्हाधिकारी दर्जाच्या एका अधिकाऱ्याकडे सोपविण्यात येणार असून, त्यांच्या अधिपत्याखाली तहसीलदार आणि नायब तहसीलदार दर्जाच्या अधिकाऱ्यांसह अन्य अधिकारी- कर्मचारी काम पाहणार आहेत. याशिवाय आवश्यक नियुक्त अधिकारी -कर्मचारी राखीव ठेवण्यात आले आहेत. एक टेबल टपाली मतपत्रिका गणना करण्यासाठी ठेवण्यात आले आहे. प्रत्येक टेबलवर एक याप्रमाणे निवडणूक आयोगाकडून १४ सुक्ष्म निरीक्षकांची नेमणूक करण्यात आली आहे.

याबरोबरच १ अधिकारी, ५ सहायक अधिकारी हे संपूर्ण मतमोजणीवर नियंत्रण व निवडणूक निर्णय अधिकारी यांना सहाय्य करण्यासाठी, २ अधिकारी हे रो-ऑफिसर म्हणून मतमोजणीचे सर्व अहवाल पर्यवेक्षक यांच्याकडून घेवून निवडणूक निर्णय अधिकारी व टॅब्युलेशन टिमकडे देण्यासाठी, १ अधिकारी, ९ सहायक अधिकारी/कर्मचारी हे संपूर्ण मतमोजणीचे कार्यान्वयन व समन्वयन करण्यासाठी, १ अधिकारी, ५ सहायक अधिकारी/ कर्मचारी पिजन होल व एलिमिनेशन प्रक्रिया पार पाडण्यासाठी, १ अधिकारी, ३ सहायक अधिकारी/ कर्मचारी टपाली मतपत्रिकांसाठी, १० अधिकारी, ४३ सहायक अधिकारी/ कर्मचारी प्राथमिक फेरीनंतर मतमोजणीच्या अनुषंगाने इतर कामकाजासाठी तर ११ अधिकारी/कर्मचारी राखीव मतगणना अधिकारी/कर्मचारी म्हणून नेमण्यात आले आहेत.

अमरावती विभाग शिक्षक मतदारसंघासाठी शुक्रवारी विक्रमी मतदान झाले. ३३ हजार ३४ मतदारांनी आपला मतदानाचा हक्क बजावला आहे. ही टक्केवारी ९२.२५ इतकी आहे. मतदानानंतर सर्व ८१ मतदान केंद्रावरील मतपेट्या स्ट्राँगरुममध्ये रितसर जमा करण्यात आल्या आहेत. या ठिकाणी सुरक्षा व्यवस्था कडक करण्यात आली आहे.

मतमोजणी प्रक्रिया सुरळीत आणि नियोजनबद्ध पद्धतीने पार पाडण्यासाठी प्रशासनाकडून जय्यत तयारी करण्यात आली आहे. मतमोजणीच्या प्रत्येक टप्प्यावर आवश्यक दक्षता घेऊन प्रक्रिया पारदर्शक आणि सुरळीतपणे पूर्ण करण्याच्या दृष्टीने प्रशासनाने नियोजन केले आहे. याकरीता संबंधित अधिकारी आणि कर्मचाऱ्यांच्या नियुक्तीचे आदेशही काढण्यात आले आहेत. अशी माहिती अमरावती विभाग शिक्षक मतदारसंघाच्या निवडणूक निर्णय अधिकारी तथा विभागीय आयुक्त श्रीमती नयना गुंडे यांनी दिली.

००००० 

#महात्माजोतीरावफुले यांचे द्विशताब्दी जयंती वर्ष विशेष. जाणून घेऊया महाराष्ट्र राज्य सांस्कृतिक महामंडळाद्वारे प्रकाशित 'महात्माजोतीराव फुले' पुस्तकातून त्यांच्या जीवन कार्याविषयी. आज जाणून घेऊया त्यांचा 'जन्म व शिक्षण' याविषयी

#महात्माजोतीरावफुले यांचे द्विशताब्दी जयंती वर्ष विशेष.

जाणून घेऊया महाराष्ट्र राज्य सांस्कृतिक महामंडळाद्वारे प्रकाशित 'महात्माजोतीराव फुले' पुस्तकातून त्यांच्या जीवन कार्याविषयी.
आज जाणून घेऊया त्यांचा 'जन्म व शिक्षण' याविषयी 

#MahatmaPhule200
#महात्माफुले200

महात्मा जोतीराव फुले यांनी स्त्री-शिक्षण, शेतकऱ्यांचे प्रश्न, जातिभेद निर्मूलन आणि मानवाधिकार या क्षेत्रांत दिलेले योगदान आजही आधुनिक भारतासाठी प्रेरणादायी आहे.

महात्मा जोतीराव फुले यांनी स्त्री-शिक्षण, शेतकऱ्यांचे प्रश्न, जातिभेद निर्मूलन आणि मानवाधिकार या क्षेत्रांत दिलेले योगदान आजही आधुनिक भारतासाठी प्रेरणादायी आहे.

#MahatmaPhule200 #महात्माफुले200 #MahatmaJyotiraoPhule_BicentenaryBirthYear #महात्माजोतीरावफुले_द्विशताब्दीजन्मवर्ष

महात्मा जोतीराव फुले यांच्या द्विशताब्दी जयंती वर्षानिमित्त वर्षभर विविध कार्यक्रम #MahatmaPhule200 #महात्माफुले200 #MahatmaJyotiraoPhule_BicentenaryBirthYear #महात्माजोतीरावफुले_द्विशताब्दीजन्मवर्ष

महात्मा जोतीराव फुले यांच्या द्विशताब्दी जयंती वर्षानिमित्त वर्षभर विविध कार्यक्रम

सीबीजी संपीडित जैविक वायू प्रकल्प वर्षभरात ३० ते ४० प्रकल्प सुरू करण्याचे उद्दिष्ट #Biogas #जैविकवायू #MahaDGIPR

सीबीजी संपीडित जैविक वायू प्रकल्प

वर्षभरात ३० ते ४० प्रकल्प सुरू करण्याचे उद्दिष्ट #Biogas #जैविकवायू #MahaDGIPR

Saturday, October 24, 2026

#अमरावती_विभाग_शिक्षक_मतदारसंघ_निवडणूक_2026 दिनांक 23 ऑक्टोबर, 2026 रोजी सकाळी 08.00 वा. ते दुपारी 16.00 वाजे पर्यंत झालेल्या अंतीम मतदानाची आकडेवारी

#अमरावती_विभाग_शिक्षक_मतदारसंघ_निवडणूक_2026

दिनांक 23 ऑक्टोबर, 2026 रोजी सकाळी 08.00 वा. ते दुपारी 16.00 वाजे पर्यंत झालेल्या अंतीम मतदानाची आकडेवारी

राष्ट्रपुरुष महात्मा जोतीराव फुले द्विशताब्दी जन्म वर्ष

#MahatmaPhule200
#महात्माफुले200
#MahatmaJyotiraoPhule_BicentenaryBirthYear
#महात्माजोतीरावफुले_द्विशताब्दीजन्मवर्ष

कौशल्य विकास, रोजगारनिर्मिती आणि वंचित घटकांच्या सक्षमीकरणासाठी 'महाज्योती' #MahatmaPhule200 #महात्माफुले200 #MahatmaJyotiraoPhule_BicentenaryBirthYear #महात्माजोतीरावफुले_द्विशताब्दीजन्मवर्ष

कौशल्य विकास, रोजगारनिर्मिती आणि वंचित घटकांच्या सक्षमीकरणासाठी 'महाज्योती'

पाणी वाचवा, भविष्य सुरक्षित करा! #दुष्काळ #पाणीबचत

पाणी वाचवा, भविष्य सुरक्षित करा!

#दुष्काळ #पाणीबचत

Friday, October 23, 2026

DIO NEWS AMRAVATI 23.10.2026

जिल्ह्यातील 600 सेवा सहकारी संस्थांना कारणे दाखवा नोटीस

कर्जमाफी झालेल्या शेतकऱ्यांना बँकांनी पीककर्ज द्यावे – जिल्हाधिकारी आशिष येरेकर

अमरावती, दि. 23 (जिमाका) : राज्य शासनाने पुण्यश्लोक अहिल्यादेवी होळकर शेतकरी कर्जमुक्ती योजनेत शेतकऱ्यांना लाभ देणे सुरू केले आहे. या योजनेंतर्गत कर्जमुक्तीचा लाभ मिळालेल्या पात्र शेतकऱ्यांना नव्याने पीक कर्ज उपलब्ध करून द्यावे, असे निर्देश जिल्हाधिकारी आशिष येरेकर यांनी दिले. तसेच कर्ज वाटप करण्यासाठी टाळाटाळ करणाऱ्या जिल्ह्यातील 600 सेवा सहकारी संस्थांना सहाय्यक निबंधकांमार्फत कारणे दाखवा नोटीस बचावण्यात आली आहे.

जिल्हाधिकारी कार्यालयात गुरूवार, दि. 22 ऑक्टोबर रोजी बँकांच्या कामकाजाचा आढावा घेण्यात आला. मागील आढावा बैठकीमध्ये अमरावती जिल्हा मध्यवर्ती सहकारी बँकेचे नवीन पीक कर्जवाटप अत्यल्प असल्याबाबत जिल्हाधिकारी यांनी नाराजी व्यक्त केली होती. तसेच, सेवा सहकारी संस्थांच्या माध्यमातून पात्र शेतकऱ्यांना नवीन पीक कर्ज उपलब्ध करून देण्यासाठी प्रभावी कार्यवाही करण्याचे निर्देश दिले होते. त्यानुसार जिल्हा उपनिबंधक, सहकारी संस्था यांच्या आदेशानुसार जिल्ह्यातील सर्व सहायक निबंधकांमार्फत जिल्ह्यातील 600 सेवा सहकारी संस्थांना कारणे दाखवा नोटीस बजावण्यात आली आहे.

कर्जमुक्तीचा लाभ मिळालेल्या शेतकऱ्यांना नवीन पीक कर्ज तातडीने उपलब्ध करून देण्यासाठी सेवा सहकारी संस्थांनी सक्रिय भूमिका घ्यावी, तसेच संबंधित शेतकऱ्यांना कर्जप्राप्तीसाठी आवश्यक सहकार्य करावे, असे निर्देश देण्यात आले आहेत. आढावा बैठकीमध्ये जिल्हा मध्यवर्ती सहकारी बँकेने नवीन पीक कर्जवाटपामध्ये मागील आढाव्याच्या तुलनेत सुमारे 7 ते 8 टक्क्यांनी वाढ झाल्याचे निदर्शनास आणून दिले. तथापि, ही वाढ पुरेशी नसल्याचे नमूद करून जिल्हाधिकारी यांनी बँकेने पीक कर्जवाटपाचा वेग आणि प्रमाण वाढविण्याचे निर्देश दिले.

सेवा सहकारी संस्था नवीन पीक कर्जवाटपामध्ये अपेक्षित कामगिरी करणार नाहीत, अशा संस्थांच्या कामकाजाचा सखोल आढावा घेऊन नियमानुसार आवश्यक कार्यवाही करावी. यामध्ये पात्र प्रकरणांमध्ये संस्थेच्या संचालक मंडळाविरुद्ध नियमानुसार कारवाई करण्याबाबतही जिल्हाधिकारी यांनी सहायक निबंधकांना निर्देश दिले. अमरावती जिल्हा मध्यवर्ती सहकारी बँकेसोबतच जिल्ह्यातील सर्व राष्ट्रीयीकृत बँकांनीदेखील नवीन पीक कर्जवाटपाचे प्रमाण आणि वेग वाढवून पात्र शेतकऱ्यांना वेळेत कर्ज उपलब्ध करून द्यावे, असे निर्देश जिल्हाधिकारी यांनी दिले.

कर्जमुक्तीचा लाभ मिळालेल्या सर्व पात्र शेतकरी सभासदांनी संबंधित बँक शाखेशी तातडीने संपर्क साधून नवीन पीक कर्जासाठी अर्ज करावा, असे आवाहन जिल्हाधिकारी यांनी केले. शेतकऱ्यांना वेळेत पीक कर्ज उपलब्ध झाल्यास आगामी हंगामासाठी शेतीच्या कामांचे नियोजन करणे सुलभ होणार असून, यासाठी प्रशासन, सर्व बँका आणि सेवा सहकारी संस्थांनी समन्वयाने कार्यवाही करावी, असेही जिल्हाधिकारी श्री. येरेकर यांनी स्पष्ट केले.

0000000

2 नोव्हेंबर रोजी ‘डाक अदालत’

सहा आठवडयात समस्येचे निराकरण न झालेल्या तक्रारी मांडता येणार

अमरावती, दि. 23 (जिमाका) : अमरावती विभागातील स्पीड पोस्ट, काऊंटर सेवा, डाक वस्तु रजिस्टर पार्सल,बचत बँक व मनीऑर्डर आदी तीन आठवडयात निराकरण न झालेल्या तक्रांरींच्या समाधानासाठी सोमवार, 2 नोव्हेंबर 2026 रोजी प्रवर अधीक्षक डाकघर अमरावती यांच्या कार्यालयात सकाळी 11 वाजता डाक अदालतीचे आयोजन करण्यात आले आहे.

तीन आठवडयात निराकरण न झालेल्या व समाधानकारक उत्तर नमिळालेल्या तक्रारींची डाक अदालतीत दखल घेण्यात येणार आहे. या अदालतीत दोन प्रतित अर्ज सादर करावा अर्ज सादर करताना तक्रारीचा सर्व तपशील ,तक्रारीची तारिख, ज्या अधिकाऱ्यांना तक्रार पाठविली त्यांचे नाव व हुद्दा आदींचा उल्लेख असावा. 1 नोव्हेंबर पर्यंत अर्ज पाठवावा.वेळेत प्राप्त अर्जांचा विचार डाक अदालतील केला जाईल, असे प्रवर अधीक्ष डाकघर यांनी कळविले आहे.

00000000

6 नोव्हेंबरला डाक विभागाची पेंशन अदालत

अमरावती, दि.23 (जिमाका): टपाल विभागाच्या निवृतिवेतनधारकासाठी तथा कुटुंबनिवृतवेतनधारकांसाठी 6 नोव्हेंबर 2026 रोजी सकाळी 11 वाजता प्रवर अधीक्षक डाकघर अमरावती विभाग अमरावती येथे पेंशन अदालतीचे आयोजित करण्यात आले आहे.

निवृत्तिवेतनधारकांच्या लाभाशी संबंधित तक्रारी, टपालविभागाच्या सेवेत असताना ज्यांचा मृत्यु झालेला आहे, महाराष्ट्र आणि गोवा राज्यांच्या टपाल विभागाच्या ज्या निवृतिवेतनधारकांची 3 महिन्यांच्या आत पूर्तता झालेली नाही अशा प्रकरणांचा डाक पेंशन अदालत मध्ये विचार केला जाईल. पेंशन अदालतीमध्ये पूर्णपणे कायदेशीर मुद्दयांसह वारसा प्रमाणपत्र, वेतनश्रेणी वाढविणे आणि धोरणात्मक बाबींसह शिस्तभंगाच्या आणि डी.पी.सी. च्या पुनरावलोकनासाठी प्रलंबित प्रकरणांचा विचार केला जाणार नाही. पेन्शनधारकांनी आपली तक्रार वैयक्तिकरित्या (एकत्रित स्वरुपात किंवा इतरांच्या वतीने नाही) योग्य मुन्यात तीन प्रतीमध्ये प्रवर अधीक्षक डाकघर अमरावती विभाग अमरावती ४४४६०२ या पत्त्यावर दिनांक 5 नोव्हेंबर 2026 रोजी किंवा त्यापूर्वी सादर करावी. यानंतर प्राप्त झालेल्या अर्जाचा पेन्शन अदालतमध्ये विचार केला जाणार नाही असे प्रसिद्धी पत्रकात सांगण्यात आले आहे.

००००००

दुसरे महायुद्ध अनुदानधारकांना हयात दाखले सादर करण्याचे आवाहन

अमरावती, दि.23 (जिमाका) : जिल्ह्यातील दुसरे महायुद्ध अनुदान लाभार्थी माजी सैनिक तथा विधवांनी हयात असल्याचे दाखले बँक खाते क्रमांकासह संबंधित बँकेच्या सही व शिक्क्यांसह जिल्हा सैनिक कल्याण कार्यालयात ३१ डिसेंबर २०२६ पर्यंत विना विलंब सादर करण्याचे आवाहन, या कार्यालयाच्या वतीने करण्यात आले आहे.

ज्या लाभार्थ्यांचे हयात दाखले प्राप्त होणार नाहीत त्यांचे जानेवारी २०२७ पासून अनुदान बंद करण्यात येईल असे या कार्यालयाच्या प्रसिद्धी पत्रकात सांगण्यात आले आहे.

०००००

आरोग्य सेवा आयुक्तांचा अमरावती जिल्हा दौरा संपन्न; आरोग्य सुविधांची केली पाहणी

अमरावती, दि. 23 (जिमाका) :राष्ट्रीय आरोग्य अभियानाचे आयुक्त, आरोग्य सेवा तथा अभियान संचालक संजय काटकर यांचा 23 ऑक्टोबर रोजीचा एक दिवसाचा दौरा संपन्न झाला. त्यांनी जिल्ह्यातील विविध प्रमुख आरोग्य संस्थांना प्रत्यक्ष भेटी देऊन आरोग्य सुविधांची आणि सुरू असलेल्या मोहिमांची पाहणी केली.

दौऱ्यादरम्यान आयुक्त श्री. काटकर यांनी जिल्हा स्त्री रुग्णालय,विभागीय संदर्भ सेवा रुग्णालय सुपर (स्पेशालिटी हॉस्पिटल) आणि शिराळा येथील प्राथमिक आरोग्य केंद्राला प्रत्यक्ष भेट देऊन सद्यस्थितीत सुरू असलेल्या सर्व आरोग्य अभियानांचा व उपक्रमांचा सविस्तर आढावा घेतला.

शिराळा प्राथमिक आरोग्य केंद्रात आयुक्त श्री काटकर यांनी तेथे कार्यरत आशा स्वयंसेविकांशी थेट संवाद साधला. त्यांच्या उत्कृष्ट कामकाजाबद्दल समाधान व्यक्त केले. यावेळी त्यांनी आशा स्वयंसेविकांकडून मोबाईलवरील ऑनलाईन डेटा एंट्रीच्या कामाची प्रत्यक्षिकासह माहिती जाणून घेतली. आशा स्वयंसेविकांचे काम अधिक सुलभ आणि डिजिटल व्हावे यासाठी त्यांनी टॅब देण्याचे तसेच सर्व आशांसाठी एकसारखा ड्रेस कोड लागू करण्यात येईल असे त्यांनी यावी संवादा दरम्यान सांगितले.

आरोग्य केंद्रात उपचारासाठी आलेल्या रुग्णांशी आयुक्तांनी संवाद साधून त्यांना मिळणाऱ्या सुविधांबद्दल माहिती जाणून घेतली. यावेळी रुग्णांनी वैद्यकीय सेवांबद्दल समाधान व्यक्त केले.एका कॅन्सरग्रस्त रुग्णाने अत्यंत भावूक होत कृतज्ञता व्यक्त केली. "प्राथमिक आरोग्य केंद्राच्या वैद्यकीय अधिकारी डॉ. हर्षा गोहत्रे यांच्या योग्य मार्गदर्शनामुळे आणि वेळेत मिळालेल्या उपचारांमुळे आपले प्राण वाचले आहेत," अशी प्रतिक्रिया रुग्णाने दिली. यावर आयुक्तांनी समाधान व्यक्त करत डॉक्टरांचे कौतुक केले.

या संपूर्ण दौऱ्यात अकोला वैद्यकीय मंडळाच्या सहाय्यक संचालक डॉ. तरंगतुषार वारे, जिल्हा आरोग्य अधिकारी (जिल्हा परिषद) डॉ. प्रवीण परिसे,अतिरिक्त जिल्हा आरोग्य अधिकारी डॉ. हर्षल क्षीरसागर, माता बाल संगोपन अधिकारी डॉ. पराग राठोड, जिल्हा शल्य चिकित्सक डॉ. प्रमोद नरवणे

आदींसह वरिष्ठ अधिकारी उपस्थित होते.

०००००

#अमरावती_विभाग_शिक्षक_मतदारसंघ_निवडणूक_2026 मतदान UPDATE 👇 (दुपारी २ वाजता) #अमरावती विभागातील एकूण ५ जिल्ह्यातील ८१ मतदान केंद्रांवर 62.54 टक्के मतदान

#अमरावती_विभाग_शिक्षक_मतदारसंघ_निवडणूक_2026

मतदान UPDATE  
(दुपारी २ वाजता)

 #अमरावती विभागातील एकूण ५ जिल्ह्यातील ८१ मतदान केंद्रांवर 62.54 टक्के मतदान