महाराष्ट्रदिनानिमित्त शासकीय सोहळ्याच्या पूर्वतयारीबाबत जिल्हाधिका-यांकडून आढावा

मुख्य ध्वजारोहण सोहळा नेहरू स्टेडियमला होणार

अमरावती, दि. 24 :  महाराष्ट्र दिनानिमित्त दि. 1 मे रोजी आयोजित शासकीय ध्वजारोहण सोहळ्याच्या पूर्वतयारीबाबत आढावा जिल्हाधिकारी शैलेश नवाल यांनी आज जिल्हाधिकारी कार्यालयात घेतला. निवासी उपजिल्हाधिकारी डॉ. नितीन व्यवहारे, उपविभागीय अधिकारी उदय राजपूत यांच्यासह अनेक अधिकारी- कर्मचारी उपस्थित होते.  

मुख्य ध्वजारोहण सोहळा नेहरू स्टेडियमला होणार असून ध्वजारोहणाच्या मुख्य शासकीय समारंभाची काटेकोर तयारी करावी. प्रत्येक विभागाने त्यांना सोपवून दिलेली जबाबदारी चोखपणे पार पाडावी. महाराष्ट्र दिन उत्साहपूर्वक साजरा करण्यासाठी सर्वांगिण तयारी करावी. महाराष्ट्र दिनी वाहतूक खोळंबा होणार नाही यादृष्टीने सुरळीत व्यवस्थापन करावे. तालुका स्तरावर ध्वजारोहणासह प्रभात फे-या आयोजित केल्या जाव्यात. शासकीय कार्यालयांवर रोषणाई केली जावी. आचारसंहितेच्या अनुषंगाने सर्व तरतुदी तपासून नियोजन करावे, अशा सूचना जिल्हाधिकाऱ्यांनी यावेळी दिल्या. महाराष्ट्रदिनी सांस्कृतिक कार्यक्रमाचे आयोजन वनिता समाज येथे करण्यात येणार आहे.

00000