‘क्रेडिट आऊटरिच कॅम्प’द्वारे बुधवारी होणार विविध योजनांचे लाभवितरण

 

आझादी का अमृत महोत्सव

‘क्रेडिट आऊटरिच कॅम्प’द्वारे बुधवारी होणार विविध योजनांचे लाभवितरण

अमरावती, दि. 6 : ‘आयकॉनिक वीक’अंतर्गत विविध योजनांचे लाभार्थी व ग्राहकांना मिळणा-या सेवेची परिणामकारता वाढविण्यासाठी आर्थिक संस्था व बँकांच्या सहभागातून विविध कार्यक्रमांचे आयोजन करण्यात येत आहे. त्यात लीड बँकेतर्फे बुधवारी (दि. 8 जून) सकाळी 10 वाजता नियोजनभवनात ‘क्रेडिट आऊटरिच कॅम्प’चे आयोजन करण्यात आले आहे, अशी माहिती लीड बँकेचे व्यवस्थापक जितेंद्रकुमार झा यांनी दिली.

आर्थिक सेवांप्रति लाभार्थी, ग्राहक यांचा विश्वास वाढविणे, सेवेची परिणामकारता वाढविणे यासाठी कार्यक्रम घेण्यात येत आहेत. त्याचअनुषंगाने बुधवारी कॅम्पचे नियोजन करण्यात आले आहे. या कार्यक्रमाच्या पूर्वतयारीसाठी नुकतीच निवासी उपजिल्हाधिकारी आशिष बिजवल यांच्या अध्यक्षतेखाली जिल्हाधिकारी कार्यालयात बैठकही झाली. लीड बँकेचे व्यवस्थापक श्री. झा, नाबार्ड बँकेचे जिल्हा विकास व्यवस्थापक राजेंद्र राहाटे यांच्यासह अनेक बँकर्स उपस्थित होते.

अटल पेंशन योजना, जीवन ज्योती, जीवन विमा, सुकन्या समृद्धी योजना यासह विविध ‘फ्लॅगशिप प्रोग्राम’ व योजनांच्या लाभाचे प्रत्यक्ष वितरण यावेळी प्रमाणपत्र, धनादेश देऊन करण्यात येणार आहे.  विविध मान्यवर पदाधिकारी, अधिकारी या कार्यक्रमाला उपस्थित राहतील, अशी माहिती व्यवस्थापक श्री. झा यांनी दिली.

00000