दिव्यांग बांधवांसाठी आवश्यक उपकरणे मिळणार समाजातील सर्व स्तरांच्या विकासासाठी शासन प्रयत्नशील - कृषी मंत्री तथा पालकमंत्री डॉ. अनिल बोंडे

दिव्यांगांची तपासणी व उपकरण नोंदणी शिबीर

अमरावती, दि.१ : समाजातील कुठलाही घटक वंचित राहू नये यासाठी शासन प्रयत्नशील आहे.  दिव्यांग बांधवांसाठी शासनाने अनेक हितकारक निर्णय घेतले आहेत, असे कृषी मंत्री तथा पालकमंत्री डॉ. अनिल बोंडे यांनी आज वरुड येथे सांगितले.

 जिल्हा परिषदेतर्फे  वरुड येथील दीनदयाळ उपाध्याय सभागृहात दिव्यांग तपासणी शिबिराचे आयोजन करण्यात आले.  त्यावेळी ते बोलत होते. श्रीमती वसुधाताई बोंडे, जि. प. उपमुख्य कार्यकारी अधिकारी प्रशांत थोरात,गजाननराव खडसे, विजयभाऊ श्रीराव यांच्यासह अनेक मान्यवर उपस्थित होते.

     या शिबिरात वरुड व मोर्शी तालुक्यातील दिव्यांग बांधव सहभागी झाले. त्यांची तपासणी तज्ज्ञांकडून करण्यात आली व उपकरणासाठी मोजमाप घेण्यात आले. दिव्यांग बांधवाना 'अलिम्को'कडून आवश्यक उपकरणे उपलब्ध करुन दिली जाणार आहेत. 

पालकमंत्री डॉ. बोंडे म्हणाले की, समाजाच्या सर्व स्तरांची दखल घेत देशभरात नव्या योजना व उपक्रमांना प्रधानमंत्री नरेंद्र मोदी यांनी चालना दिली. राज्यातही अनेक निर्णय झाले. संजय गांधी निराधार योजना व श्रावण बाळ योजनेत मानधन वाढविण्यात आले आहे. स्थानिक स्वराज्य संस्थांनी तीन टक्के निधो दिव्यांग कल्याणासाठी वापरण्याची तरतूद करण्यात आली आहे.

श्री. थोरात यांनी प्रास्ताविक केले.