थेट कर्ज योजना; ईश्वर चिठ्ठीव्दारे लाभार्थ्यांची निवड

 

थेट कर्ज योजना; ईश्वर चिठ्ठीव्दारे लाभार्थ्यांची निवड

 

            अमरावती, दि. 07 (जिमाका):   साहित्यरत्न लोकशाहीर अण्णाभाऊ साठे विकास महामंडळामार्फत थेट योजनेअंतर्गत लाभार्थी निवडीसाठी अर्ज मागविण्यात आले होते. त्यानुसार लाभार्थी निवड समितीव्दारे ईश्वर चिठ्ठयाव्दारे लाभार्थ्यांची निवड करण्यात आली आहे. यामध्ये प्रत्येकी 25 पुरुष व महिला लाभार्थीची निवड करण्यात आली आहे, अशी माहिती साहित्यरत्न लोकशाहीर अण्णाभाऊ साठे विकास महामंडळाचे जिल्हा व्यवस्थापक जे. एम. गाभणे यांनी दिली.

 

             साहित्यरत्न लोकशाहीर अण्णाभाऊ साठे विकास महामंडळामार्फत प्रकल्प मर्यादा एक लाख रुपये थेट योजने अंतर्गत 26 जून ते 1 ऑगस्ट 2023 या दरम्यान कर्जाची मागणी अर्ज स्विकारण्यात आले होते.  या योजने अंतर्गत एकूण 49 कर्ज मागणी अर्ज तसेच सन 2022-23 या आर्थिक वर्षातील 97 अर्ज असे एकूण 146 लाभार्थी निवड समितीने मान्यता देण्यात आली आहे. त्यामध्ये 115 पुरुष व 31 महिला आहे. सामाजिक न्याय व विशेष सहाय्य विभागाच्या शासन निर्णयानुसार मान्यता प्राप्त लाभार्थ्यांपैकी 25 पुरुष व 25 महिला लाभार्थीची निवड ईश्वर चिठ्ठयाव्दारे करण्यात आली आहे.

000000