महाराष्ट्रदिनानिमित्त शासकीय सोहळ्याच्या
पूर्वतयारीबाबत जिल्हाधिका-यांकडून आढावा
अमरावती, दि. 23 : महाराष्ट्रदिनानिमित्त दि. 1 मे रोजी आयोजित शासकीय ध्वजारोहण सोहळ्याच्या पूर्वतयारीबाबत आढावा जिल्हाधिकारी अभिजित बांगर यांनी आज जिल्हाधिकारी कार्यालयात घेतला. निवासी उपजिल्हाधिकारी डॉ. नितीन व्यवहारे यांच्यासह अनेक अधिकारी- कर्मचारी उपस्थित होते.
ध्वजारोहणाच्या मुख्य शासकीय समारंभाची काटेकोर तयारी करावी. तालुका स्तरावर ध्वजारोहणासह प्रभात फे-या आयोजित केल्या जाव्यात. शासकीय कार्यालयांवर रोषणाई केली जावी. आचारसंहितेच्या अनुषंगाने सर्व तरतुदी तपासून नियोजन करावे, अशी सूचना जिल्हाधिका-यांनी यावेळी केली. महाराष्ट्रदिनी सायंकाळी सांस्कृतिक कार्यक्रमाचे आयोजन वनिता समाज येथे करण्यात आले आहे.
No comments:
Post a Comment