एचआयव्ही बाधितांना शासकीय योजनांचा लाभ मिळवून द्या
- जिल्हाधिकारी पवनीत कौर
अमरावती, दि. 25
: महिला व बालकल्याण विभागाअंतर्गत राबविण्यात
येणाऱ्या आरोग्य विषयक योजनांचा, योजनेअंतर्गत देण्यात येणाऱ्या अनुदानाचा लाभ तातडीने
प्रदान करण्यात यावा. एड्स आजाराच्या प्रतिबंधासाठी असलेल्या शासकिय योजनांचा लाभ सर्व
लाभार्थ्यांना मिळावेत यासाठी विशेष प्रयत्न करण्याचे निर्देश जिल्हाधिकारी श्रीमती पवनीत कौर यांनी आज दिले.
आरोग्य विभागाद्वारे देण्यात येणाऱ्या आरोग्यविषयक सुविधांचा आढावा श्रीमती कौर यांनी
घेतला त्यावेळी त्या बोलत होत्या. जिल्हा सामान्य रुग्णालयातील कक्षात घेण्यात आलेल्या
आढावा बैठकिला मुख्य कार्यकारी अधिकारी अविशांत पंडा, अतिरीक्त जिल्हा शल्याचिकित्सक
डॉ. प्रदिप नरवने, अतिरीक्त जिल्हा आरोग्य अधिकारी डॉ. रेवती साबळे, जिल्हा स्त्री
रुग्णालयाच्या वैद्यकिय अधिक्षक डॉ. विद्या वाठोडकर, आरोग्य अधिकारी डॉ. विशाल काळे,
नेत्र विभाग प्रमुख डॉ. नम्रता सोनवणे, जिल्हा कार्यक्रम अधिकारी अजय साखरे आदी उपस्थित
होते.
रुग्णांसाठी आवश्यक त्या सर्व सुविधा रुग्णालयात
उपल्ब्ध कराव्या
रुग्ण कल्याण समितीच्या बैठकीत श्रीमती कौर यांनी रुग्णासाठी आवश्यक त्या सुविधा
उपलब्ध करुन देण्यात याव्या असे निर्देश दिले. रुग्णालयात अतिदक्षता व अपघात विभागातील
वैद्यकिय उपकरणे आदी सुस्थितीत असावे. अद्ययावत उपकरणांची देखभाल वेळोवेळी करण्यात
यावी. रुग्णालयांत किरकोळ साहित्याची कमतरता निर्माण होऊ देऊ नये असे सांगितले.
00000
No comments:
Post a Comment