शास्त्रज्ञ, उद्योजक, प्रगत मत्स्यशेतक-यांकडून मिळेल मार्गदर्शन
‘प्रगत मत्स्यशेती’बाबत मंगळवारी वेबिनार
अमरावती, दि. 11 : आझादी का अमृत महोत्सवाचे औचित्य साधून मत्स्यव्यवसाय विभागातर्फे शेतकरी बांधव व युवकांसाठी ‘प्रगत तंत्रज्ञानावर आधारित मत्स्यशेती’ या विषयावरील वेबिनार झूम ॲपच्या माध्यमातून मंगळवारी (15 फेब्रुवारी) आयोजित करण्यात आल्याची माहिती प्रादेशिक मत्स्यव्यवसाय उपायुक्त डॉ. विजय शिखरे यांनी दिली.
प्रधानमंत्री मत्स्यसंपदा योजनेत मत्स्यव्यवसायासंबंधी कौशल्य विकासासाठी हा उपक्रम घेण्यात येत आहे. मंगळवारी सकाळी साडेदहा ते दुपारी अडीच या वेळेत हे वेबिनार होईल.
या विषयावर मिळेल मार्गदर्शन
वेबिनारमध्ये तज्ज्ञांकडून गोड्या पाण्यातील मत्स्यशेती, पिंजरा मत्स्यसंवर्धन, पुन:अभिसरण मत्स्यपालन प्रणाली, बायोफ्लोक तंत्रज्ञान, तिलापियाची मत्स्यशेती, शोभिवंत मत्स्यव्यवसाय, रोग व्यवस्थापन, मत्स्य विपणन, शासनाच्या विविध योजना आदी विषयांवर मार्गदर्शन करण्यात येणार आहे. शास्त्रज्ञ, प्राध्यापक, उद्योजक, प्रगत मत्स्यशेतकरी आदी मार्गदर्शन करतील.
येथे संपर्क साधा
मत्स्यव्यवसाय करण्यास इच्छूक असलेल्या शेतकरी बांधव व तरूणांसाठी ही सुवर्णसंधी आहे. वेबिनारमधील सहभागासाठी इच्छूकांनी अधिक माहितीसाठी 8329971527 किंवा (0721)2662801 या दूरध्वनी क्रमांकावर संपर्क साधण्याचे आवाहन डॉ. शिखरे यांनी केले आहे.
000
No comments:
Post a Comment