जिल्हास्तरीय प्राथमिक शालेय क्रीडा व सांस्कृतिक महोत्सवास आजपासून प्रांरभ
अमरावती, दि. 6 (जिमाका): जिल्हा परिषद शिक्षण विभाग प्राथमिकव्दारे जिल्हास्तरीय प्राथमिक शालेय क्रीडा महोत्सव 2023-24 चे आयोजन दि. 7 ते 9 फेब्रुवारी 2024 या कालावधीत विभागीय क्रीडा संकूल, अमरावती येथे करण्यात आले आहे. या क्रीडा स्पर्धा महोत्सवात जिल्ह्यातील पंचायत समिती अधिनस्त असलेल्या जिल्हा परिषद शाळांतील तीन हजार विद्यार्थी व शिक्षक सहभागी होणार आहेत.
या जिल्हास्तरीय शालेय क्रीडा व सांस्कृतिक महोत्सवाचे उद्घाटन सोहळा बुधवार दि. 7 फेब्रुवारी रोजी सकाळी 11 वाजता होणार आहे. या सोहळ्याचे उद्घाटन उच्च व तंत्र शिक्षण, वस्त्रोद्योग, संसदीय कार्य तथा अमरावती जिल्ह्याचे पालकमंत्री चंद्रकांत (दादा) पाटील यांचे हस्ते होणार आहे. यावेळी दिव्यांगाच्या दारी अभियानाचे मुख्य मार्गदर्शक तथा अध्यक्ष ओमप्रकाश उर्फ बच्चू कडू, खासदार डॉ. अनिल बोंडे, खासदार रामदास तडस, खासदार नवनीत रवी राणा, मुख्य कार्यकारी अधिकारी संजिता मोहपात्रा आदी उपस्थित राहणार आहेत.
00000
No comments:
Post a Comment