शेतकरी बांधवांच्या शंका निरसनासाठी कृषी विभागाचा टोल फ्री क्रमांक जाहिर

 

शेतकरी बांधवांच्या शंका निरसनासाठी कृषी विभागाचा टोल फ्री क्रमांक जाहिर

         अमरावती, दि. 26 (जिमाका): कृषी विभागाकडून शेतकऱ्यांच्या शेतीशी निगडित शंका व प्रश्नांचे समर्पक निरसन व मार्गदर्शन करण्यासाठी टोल फ्री कक्ष सुरू केला आहे. टोल फ्री कक्षामध्ये संपर्कासाठी दुरध्वनी  टोल फ्री क्रमांक 1800 233 4000 व भ्रवणध्वनी टोल फ्री क्रमांक 9822446655 उपलब्ध करून दिला आहे.

 

          दुरध्वनी टोल फ्री क्रमांक संपूर्ण वर्षभर सुरू राहिल. खते बियाणे कीटकनाशके यांची खरीप रब्बी हंगामातील किंमत उपलब्धता गुणवत्ता बाबत शंका निरसन करता येईल. कृषी विभागाचे निगडित मृदा संधारण विस्तार सांख्यिकी प्रक्रिया व नियोजन, फलोत्पादन, निविष्ठा व गुणनियंत्रण, कृषी यंत्रीकिकरण इत्यादी संबंधित शंकांचे निरसन तसेच संबंधित जिल्ह्यांचे कृषी विभागाचे संपर्क क्रमांक कृषी विद्यापीठांचे संपर्क क्रमांक आवश्यकता असल्यास दिले जातात.

 

            भ्रमणध्वनी टोल फ्री क्रमांकावर केवळ संदेश पाठवण्यासाठी वापरता येईल. खरीप हंगाम व रब्बी हंगामात कृषी निविष्ठाची गुणवत्ता, किंमत, साठेबाजी  व लिंकिंगबाबतच्या तक्रारी नोंदवताना शेतकऱ्यांनी आपले नाव, पत्ता, संपर्क क्रमांक, अडचणी किंवा तक्रारीचा संक्षिप्त तपशील व्हाट्सअप वर पाठवणेसाठी उपलब्ध आहे.

 

            टोल फ्री क्रमांक कार्यालयीन कामाच्या दिवशी सकाळी 8:00 ते संध्याकाळी 8:00 वाजेपर्यंत सुरु राहील. शेतकरी बांधवांनी सदर टोल फ्री  क्रमांकावर संपर्क साधून व मार्गदर्शन घेवून आपल्या शंकांचे निरसन करावे, असे आवाहन करण्यात आले आहे.

०००