चिखलदरा मार्गावरील वाहतूक एक-मार्गी पद्धतीने वळवली

 

चिखलदरा मार्गावरील वाहतूक एक-मार्गी पद्धतीने वळवली

             अमरावती, दि.09 (जिमाका) : चिखलदरा हे पर्यटनस्थळ असून आजूबाजूचे जिल्ह्यातील पर्यटक सुट्टीच्या दिवशी, शनिवार व रविवारला भरपूर प्रमाणात चिखलदरा येथे येतात. चिखलदरा मार्ग हा अरुंद व घाट वळणाचा असल्याने अपघात होण्याची शक्यता असते. त्यामुळे परतवाडा-चिखलदार मार्गावरील वाहतूक एक-मार्गी पद्धतीने वळविण्याचे आदेश जिल्हाधिकारी सौरभ कटियार  यांनी जारी केले आहे.

            दि. 1 सप्टेंबर 2024 पर्यंत शासकीय सुट्टीचे दिवशी व महिण्यातील प्रत्येक शनिवार व रविवारी परतवाडावरून चिखलदराकडे जाणारी वाहतुक ही परतवाडावरून धामणगाव मार्गे चिखलदरा तसेच चिखलदरा वरून परतवाडाकडे जाणारी वाहतुक ही चिखलदरावरून घटांगमार्गे परतवाडा या एक-मार्गी पध्दतीने वळविण्यात आली आहे. तसेच या मार्गावरील गावातील स्थानिक नागरिकांना रस्ते वाहतुक वळविण्याच्या आदेशात सुट देण्यात येत आहे, याची नोंद नागरिकांनी घ्यावी.

000000