स्थानिक मच्छिमार, प्रकल्पग्रस्त, महिलांनी अर्ज
करण्याचे आवाहन
अमरावती, दि. 28 (जिमाका): जिल्ह्यातील वरुड व नांदगाव खंडेश्वर तालुक्यातील
500 हेक्टर खालील पाटबंधारे, जलसंधारण विभागाचे ‘पवनी सा. तलाव’ (36 हेक्टर) व अजनी
फुलआमला तलाव (27 हेक्टर) हे दोन तलाव मत्स्यव्यसाय विभागाकडे हस्तांतरीत करण्यात आले
आहे. यासाठी तलाव परिसरातील स्थानिक मच्छिमार, प्रकल्पग्रस्त व महिला यांना संस्था
नोंदणी करण्यास प्राधान्य देण्यात येईल. तरी
सदर दोन तलावावर संस्था नोंदणी करण्यास इच्छुक असलेल्या स्थानिक मच्छिमार, प्रकल्पग्रस्त
व मच्छिमार महिलांनी सहायक निबंधक (सहकारी संस्था), अमरावती या कार्यालयाशी संपर्क
साधून बातमी प्रसिद्ध झाल्याच्या दिनांकापासून 30 दिवसांच्या कालावधीत संस्था नोंदणीसाठी
प्रस्ताव सादर करावा, असे आवाहन सहायक आयुक्त मत्स्यव्यसाय एम.एम. मेश्राम यांनी केले
आहे.
000000
No comments:
Post a Comment