तंत्रशिक्षण विभागाचे सहसंचालक डॉ. विजय मानकर यांची शासकीय तंत्रनिकेतन अचलपूरला भेट

 

तंत्रशिक्षण विभागाचे सहसंचालक डॉ. विजय मानकर यांची

शासकीय तंत्रनिकेतन अचलपूरला भेट

 

            अमरावती, दि. 21 (जिमाका): तंत्रशिक्षण विभागीय कार्यालयाचे सहसंचालक डॉ. विजय मानकर यांनी शासकीय तंत्रनिकेतन अचलपूर या संस्थेला दि. 17 ऑगस्ट 2024 रोजी भेट दिली. यावेळी मान्यवरांनी संस्थेच्या अणुविद्‌युत व दूरसंचार अभियांत्रिकी विभागाला एनबीए मानांकन प्राप्त करण्यासाठी मोलाचे मार्गदर्शन केले. यावेळी संस्थेचे प्रभारी प्राचार्य अनंत राऊत, शासकीय तंत्रनिकेतनचे विभाग प्रमुख पी. बी उत्तरवार, माहिती तंत्रज्ञान विभाग प्रमुख डॉ. पी. पी. करडे, अणुविद्‌युत व दूरसंचार अभियांत्रिकीचे अधिव्याख्याता डॉ. एस. एम. काळे आदी उपस्थित होते.

 

           याप्रसंगी शासकीय तंत्रनिकेतन अचलपूर येथे नव्याने स्थापित MSBTE संगणक केंद्र-1 चे उ‌द्घाटन  डॉ. विजयराव मानकर यांच्या हस्ते तर MSBTE सगणक केंद्र -2 चे उद्‌घाटन पी. बी. उत्तरवार यांनी केले. कार्यक्रमास संस्थेचे सर्व अधिकारी व कर्मचारी उपस्थित होते. कार्यक्रमाचे प्रास्ताविक शासकीय तंत्रनिकेतन अचलपूरचे प्र.प्राचार्य अनंत राऊत यांनी केले. कार्यक्रमाचे सूत्रसंचालन अणुविद्युत व दूरसंचार अभियांत्रिकीचे अधिव्याख्याता अर्चना बोंडे यांनी तर आभार प्रदर्शन अणुविद्युत व दूरसंचार अभियांत्रिकीचे विभागप्रमुख गवई रंजना यांनी केले.

0000