लोकशाही दिनात 10 प्रकरणांवर सुनावणी
अमरावती, दि.5 : जिल्हाधिकारी कार्यालयात जिल्हाधिकारी अभिजित बांगर यांच्या अध्यक्षतेखाली लोकशाही दिनाचे कामकाज झाले. यावेळी 10 प्रकरणांवर सुनावणी घेण्यात आली.
महसूल विभागाशी संबंधित 2 प्रकरणांपैकी 1 प्रकरण निकाली काढण्यात आले, तर 1 प्रलंबित ठेवण्यात आले. जिल्हा परिषदेशी संबंधित 1 प्रकरण निकाली काढण्यात आले. त्याशिवाय, भूमी अभिलेख कार्यालय, गटविकास अधिकारी, पंचायत समिती, अचलपूर व अमरावती, व्यवस्थापक, जिल्हा अग्रणी बँक, मुख्याधिकारी, नगरपरिषद, दर्यापूर यांच्याशी संबंधित प्रकरणे प्रलंबित ठेवण्यात आली.
नागरिकांनी आज विविध विभागांशी संबंधित 20 निवेदने दाखल केली. या निवेदनांवर संबंधित कार्यालयप्रमुखांनी तातडीने कारवाई करुन निवेदनकर्त्याचे समाधान करण्याबाबत निर्देश यावेळी देण्यात आले.
00000
Comments
Post a Comment