तीन मतदारसंघात 11, 15 व 19 ला निवडणूक खर्चाची लेखा तपासणी
विधानसभा सार्वत्रिक निवडणूक 2019
अमरावती, दि. 9 : भारत निवडणूक आयोग यांच्या आदेशानुसार 36-धा मणगाव रेल्वे व 37- बडनेरा व 38- अमरावती विधानसभा मतदारसंघातून विधानसभा सार्वत्रिक निवडणूक लढविणा-या सर्व उमेदवारांच्या दैनंदिन निवडणूक खर्चाची तपासणी 11, 15 व 19 ऑक्टोबरला होणार आहे.
निवडणूक खर्च निरीक्षक रामकृष्ण बंडी हे यावेळी विविध ठिकाणी भेट देऊन तपासणी करणार आहेत. या दिवशी धामणगाव रेल्वे मतदारसंघाची लेखा तपासणी चांदूर रेल्वे येथील उपविभागीय अधिकारी कार्यालय परिसरातील निवडणूक कार्यालयात सकाळी 11 वाजता, बडनेरा निवडणूक कार्यालयात (भातकुली तहसील) दुपारी 3 वाजता व अमरावती निवडणूक कार्यालयात (अमरावती तहसील) दुपारी 12 वाजता होणार आहे, अशी माहिती संपर्क अधिकारी नरेंद्र वानखडे यांनी कळवली आहे.
लेखे तपासणीसाठी वेळेत देणे आवश्यक
सर्व उमेदवारांनी आपापल्या खर्चाचे लेखे तपासणीसाठी वेळेत सादर करणे आवश्यक आहे. लेखे सादर न करणा-या उमेदवारांविरुद्ध लोकप्रतिनिधी अधिनियम 1951 मधील बाब क्रमांक 77 मधील तरतूदीनुसार दंडात्मक कार्यवाहीची तरतूद आहे.
Comments
Post a Comment