निवडणूक सामान्य निरीक्षक राजीव शर्मा यांची बडनेरा कार्यालयाला भेट

विधानसभा सार्वत्रिक निवडणूक 2019

                                

अमरावती, दि. 9 : निवडणूक सामान्य निरीक्षक राजीव शर्मा यांनी आज बडनेरा विधानसभा मतदारसंघाच्या भातकुली तहसील कचेरी परिसरातील कार्यालयाला भेट दिली.

निवडणूक निर्णय अधिकारी स्नेहल कनिचे, सहायक निवडणूक निर्णय अधिकारी बळवंत अरखराव आदी यावेळी उपस्थित होते. श्री. शर्मा यांनी यावेळी निवडणूकीच्या अनुषंगाने आचारसंहितेचे पालन, प्राप्त तक्रारी व त्यांचे निराकरण यासह झालेल्या कामकाजाची माहिती घेतली व अभिलेख्याची तपासणी केली. निवडणूक आयोगाच्या निर्देशानुसार सर्व कामकाज पार पाडण्याचे निर्देश त्यांनी यावेळी दिले. त्यानंतर श्री. शर्मा यांनी चांदूर रेल्वे येथील औद्योगिक प्रशिक्षण संस्थेत स्थित स्ट्रॉंगरुमला भेट देऊन पाहणी केली. तेथील व्यवस्था व सुरक्षिततेचा आढावा त्यांनी घेतला. निवडणूक निर्णय अधिकारी रणजीत भोसले, राजेंद्र इंगळे आदी उपस्थित होते.

                                                000