2 कोटी 12 लक्ष रुपयाच्या विकास कामाचे पालकमंत्री यांच्या हस्ते भूमिपूजन
अमरावती, दि. 18 : वरुड तालुक्यातील लिंगा येथील 2 कोटी 12 लक्ष रुपये निधीच्या विविध विकास कामांचे पालकमंत्री डॉ. अनिल बोंडे यांच्या हस्ते आज भूमीपूजन करण्यात आले.
यावेळी डॉ. वसुधाताई बोंडे, लिंगाच्या सरपंच सतीबाई मेवलिया, भाजपा पदाधिकारी राजकुमार राऊत, ज्योतीताई कुकडे यांचेसह अनेक ग्रामस्थ उपस्थित होते.
एकल विहीर ते लिंगा रस्त्याचे रुपये 2 कोटी रुपये निधीतून बांधकामाचे भूमिपूजन पालकमंत्र्यांच्या हस्ते झाले.लिंगा येथे पाण्याच्या टाकीचे व गोविंद सोमकुंवर यांच्या घरापर्यंत रूपये पाच लक्ष रुपये निधीचे रस्ता बांधकाम, तसेच लिंगा येथे व्यायाम शाळेचे रुपये सात लक्ष रुपये निधीचे बांधकाम करणे आदी कामाचा शुभारंभ पालकमंत्र्यांच्या हस्ते झाला.
रस्तेविकासात राज्यात ऐतिहासिक निर्माण कार्य होत आहे. सर्वदूर पायाभूत सुविधां च्या उभारणीतून राज्याची विकासाकडे वाटचाल होत आहे, असे पालकमंत्री डॉ. बोंडे यांनी यावेळी सांगितले.
Comments
Post a Comment