एकात्मिक फालोत्पादन विकास अभियानातंर्गत अनुसूचित
जाती आणि जमातीसाठी विशेष मोहिम;अर्ज करण्याचे आवाहन
अमरावती, दि. 07 (जिमाका): एकात्मिक फलोत्पादन
विकास अभियान सन 2024-25 अंतर्गत अनुसूचित जाती व अनुसूचित जमाती प्रवर्गासाठी दि.
15 जुनपर्यंत विशेष मोहिम राबविण्यात येत आहे. मोहिमेतंर्गत कृषी सहायकामार्फत प्रत्येक
गावात अनुसूचित जाती व जमाती प्रवर्गातील शेतकऱ्यांसाठी विशेष मेळाव्याचे आयोजन करुन
महाडीबीटी प्रणालीवरील योजनेची व अर्ज करण्याची कार्यपद्धतीबाबत माहिती देण्यात येणार
आहे. इच्छुक शेतकरी लाभार्थ्यांनी जास्तीत जास्त मेळाव्यास उपस्थित राहुन महाडीबीटी
प्रणालीवर अर्ज करावे, असे आवाहन जिल्हा अधीक्षक कृषी अधिकारी राहुल सातपुते यांनी
केले आहे.
00000
No comments:
Post a Comment