पालकमंत्र्यांच्या हस्ते सुमारे सात कोटी रुपयांच्या विकासकामांचे भूमिपूजन
जिल्ह्यातील महत्वाच्या दोन रस्त्यांच्या सुधारणा कामांचे भूमिपूजन आज पालकमंत्री प्रवीण पोटे पाटील यांच्या हस्ते झाले.
आमदार रमेश बुंदिले, जि. प. सदस्य प्रवीण तायडे, जयंत आमले यांच्यासह अधिकारी- कर्मचारी यावेळी उपस्थित होते.
दर्यापूर ते आसेगाव राज्यमार्ग सुधारणा कामाचे, मार्की- निरूळ गंगामाई- मिर्झापूर- महिमापूर रस्ता सुधारणा कामाचे भूमिपूजन पालकमंत्र्यांच्या हस्ते झाले. दर्यापूर ते आसेगाव मार्ग सुधारणा कामाचे मूल्य चार कोटी रु., तर मार्की महिमापूर रस्ता सुधारणा कामाचे मूल्य तीन कोटी रु. आहे.
केंद्रीय मंत्री नितीन गडकरी व मुख्यमंत्री देवेंद्र फडणवीस यांनी जिल्ह्याला मोठा विकासनिधी मिळवून दिला आहे. त्यामुळे अनेक विकासकामांना चालना मिळाली. या रस्त्यांच्या सुधारणेमुळे परिसरातील नागरिकांना लाभ मिळेल. ही कामे वेळेत पूर्ण करावीत, असे निर्देश पालकमंत्री श्री. पोटे पाटील यांनी यावेळी दिले. अधिकारी व कर्मचा-यांसह परिसरातील नागरिकही यावेळी उपस्थित होते.
Comments
Post a Comment