अमरावती, दि. 16 - ईव्हीएम व व्हीव्हीपॅटच्या सहाय्याने मतदान करताना करावयाच्या कार्यवाहीबाबत निवडणूक आयोगाने नागरिकांसाठी मार्गदर्शक सूचना जारी केल्या आहेत.
मतदान केंद्रात प्रवेश केल्यानंतर मतदान केंद्रांवर कार्यरत असलेले अधिकारी हे मतदान यंत्रणा कार्यान्वित करतील. ईव्हीएम मशीनवरील आपल्या पसंतीच्या उमेदवाराच्या नावासमोरील अथवा चिन्हासमोरील निळे बटन दाबावयाचे आहे. आपण मत दिलेल्या उमेदवाराच्या नावासमोरील किंवा चिन्हासमोरील लाल दिवा पेटेल. प्रिंटर एक मतपावती मुद्रित करेल. त्यावर आपण मत दिलेल्या उमेदवाराचा अनुक्रमांक, नाव आणि चिन्ह असेल. मतदार ही मतपावती सात सेकंद पाहू शकेल. मुद्रित मतपावती व्हीव्हीपॅट मशिनवरील काचेच्या माध्यमातून पाहता येईल. त्यामुळे आपण दिलेले मत संबंधित उमेदवारालाच मिळाल्याची खातरजमा मतदाराला करता येणार आहे.
No comments:
Post a Comment