रस्ते बांधकामामुळे वाहतुक मार्गात बदल
अमरावती दि. 24 : अमरावती शहरातून जाणारा रस्ता पंचवटी इर्विन चौक, जयस्तंभ चौक, राजकमल चौक, बडनेरा या रस्त्याच्या कॉक्रीटकरणाचे काम केंद्रीय मार्गनिधी अंतर्गत मंजूर असून ते सुरु करण्यात आलेले आहे. हे काम शहरामधून टप्याटप्याने पुढे नेण्यात येणार आहे.
पंचवटी चौक ते रोशनी हॉटेलपर्यंत उजवी बाजू व इर्विन येथे कॉक्रीटकरणाचे काम सुरु करावयाचे आहे. यासाठी या रस्त्याच्या उजव्या बाजुची वाहतूक दि. 24 एप्रिल ते 23 मे पर्यंत सहायक पोलीस आयुक्त वाहतूक, अमरावती यांच्या परवानगीनुसार वाहतूक बंद करण्यात आली आहे.
सार्वजनिक बांधकाम विभागातर्फे नागरिकांना सूचित करण्यात येते की, या कालावधीत एका बाजूने सावकाश काळजीपूर्वक वाहतूक करावी. खापर्डे बगीचा व रेल्वे स्टेशनकडून इर्विन चौकाकडे येणारी वाहतूक मर्चुरी टी पॉईंटकडून तात्पुरत्या स्वरुपात वळविण्यात येत आहे. असे सहायक अभियंता यांनी कळविले आहे.
00000
Comments
Post a Comment