जेनरीकार्ट मेडिसीन मोबाईल ॲप्लीकेशनचे पालकमंत्र्यांच्या हस्ते उद्घाटन
गरजूंना घरपोच औषधे हा स्तुत्य उपक्रम
- पालकमंत्री ॲड. यशोमती ठाकूर
कोरोना महामारीच्या संकटकाळात माणूसकीच्या दृष्टीकोनातून केलेली रुग्णसेवा हीच खरी ईश्वरसेवा आहे. जेनरीकार्ट मेडिसीन कंपनीव्दारे गरजूंना घरपोच औषधे हा स्तुत्य उपक्रम असल्याचे गौरवोद्गार पालकमंत्री ॲड. यशोमती ठाकूर यांनी काढले. या मोबाईल ॲप्लीकेशनचा जिल्ह्यातील गरजूंनी लाभ घ्यावा, असे आवानही त्यांनी केले.
१ मे महाराष्ट्र दिनाच्या औचित्याप्रसंगी जेनरीकार्ट मेडिसीनच्या मोबाईल ॲप्लीकेशनचे पालकमंत्र्यांच्या हस्ते उद्घाटन करण्यात आले. त्यावेळी त्या बोलत होत्या, जेनरीकार्ट मेडिसीन कंपनीचे पदाधिकारी यावेळी उपस्थित होते.
श्रीमती ठाकूर म्हणाल्या की, कोरोना महामारीच्या संकटकाळात जीवनावश्यक वस्तू तसेच औषधांची दुकाने वगळता इतर दुकाने बंद आहेत. जिल्ह्यात संक्रमितांचा आलेख वाढता असताना घरातून बाहेर पडणे अत्यंत धोक्याचे आहे. या पार्श्वभूमीवर जेनरीकार्ट मेडिसीन ही कंपनी जेनेरिक औषधी गरजूंच्या घरपोच पोहचविते. हा अतिशय स्तुत्य उपक्रम आहे. नागरिकांनी या मोबाईल ॲप्लीकेशनचा लाभ घ्यावा व घरीच औषधी बोलवून घ्यावीत. म्हणजे कोरोना संक्रमणाचा धोका टाळता येवू शकतो.
0000
No comments:
Post a Comment