पशुधनाची निगा राखण्यासाठी फिरता पशुवैद्यकीय दवाखाना पालकमंत्री ॲड. यशोमती ठाकूर यांच्या हस्ते झाले लोकार्पण

 




पशुधनाची निगा राखण्यासाठी फिरता पशुवैद्यकीय दवाखाना

पालकमंत्री ॲड. यशोमती ठाकूर यांच्या हस्ते झाले लोकार्पण

 

मोबाईल दवाखाना जिल्ह्यात सर्वदूर पोहोचून पुरविणार सुविधा

 

अमरावती, दि. 12 : पशुधनाची आवश्यक काळजी, तसेच विविध आजारांवरील नियंत्रणासाठी उपचारांसाठी मुख्यमंत्री पशुस्वास्थ योजनेअंतर्गत फिरत्या पशुवैद्यकीय दवाखान्याचे पालकमंत्री ॲड. यशोमती ठाकूर यांनी  हिरवी झेंडी दाखवून लोकार्पण केले. 

     जिल्हाधिकारी कार्यालयाच्या प्रांगणात आज फिरत्या दवाखान्याचा शुभारंभ झाला. आमदार बळवंतराव वानखेडे, महापौर चेतन गावंडे,जिल्हा परिषदेचे उपाध्यक्ष विठ्ठलराव चव्हाण, सदस्य शरद मोहोड, जिल्हाधिकारी शैलेश नवाल, मुख्य कार्यकारी अधिकारी अमोल येडगे, पोलीस अधीक्षक हरी बालाजी, महानगरपालिका आयुक्त प्रशांत रोडे, जिल्हा उपायुक्त पशुसंवर्धन विभाग डॉ. मोहन गोहोत्रे, जिल्हा पशुसंवर्धन अधिकारी डॉ. विजय रहाटे आदी उपस्थित होते.

     मुख्यमंत्री पशुस्वास्थ्य योजनेत सुरू झालेल्या या फिरत्या पशुवैद्यकीय दवाखान्यात अद्ययावत यंत्रणा कार्यान्वित आहे. पशुवैद्यकीय अधिका-यांसह इतर आवश्यक मनुष्यबळही उपलब्ध आहे. पशुधनाची निगा राखणे व विविध पशुआजारांच्या साथींवर नियंत्रण ठेवण्यासाठी हा उपक्रम उपयुक्त ठरेल, असे पालकमंत्री श्रीमती ठाकूर यांनी यावेळी सांगितले.

फिरत्या दवाखान्याच्या सेवेसाठी शेतकरी बांधवांना संपर्क साधता यावा म्हणून पशुसंवर्धन कार्यालयाकडून स्वतंत्र कक्ष स्थापण्यात आला असून, 1962 हा टोल फ्री क्रमांक येत्या सोमवारपासून कार्यान्वित करण्यात येणार आहे.  या माध्यमातून सेवेबाबत मागणी प्राप्त होताच कक्षातून थेट फिरत्या दवाखान्याला संदेश प्राप्त होईल व पुढील कार्यवाहीसाठी व्हॅन तत्काळ रवाना होईल, अशी माहिती डॉ. गोहोत्रे व डॉ. रहाटे यांनी दिली.

00000

 

Comments

Popular posts from this blog

शासकीय वसतिगृह प्रवेशासाठी मागासवर्गीय विद्यार्थ्यांकडून अर्ज आमंत्रित

‘प्लेसमेंट ड्राईव्ह’ येत्या 21 फेब्रुवारी रोजी; 62 रिक्तपदांवर होणार भरती: युवक-युवतींना रोजगाराच्या संधी

युवक-युवतींना रोजगाराच्या संधी कौशल्य विकास केंद्राचा ‘प्लेसमेंट ड्राईव्ह’ येत्या 29 ऑगस्ट रोजी 61 रिक्तपदांवर होणार भरती