निवडणूक आचारसंहितेमुळे जिल्हास्तरीय लोकशाही दिन रद्द

 

निवडणूक आचारसंहितेमुळे जिल्हास्तरीय लोकशाही दिन रद्द

अमरावती, दि. 31 (जिमाका):  लोकसभा सार्वत्रिक निवडणुकीची आचारसंहिता दि.16 मार्चपासून लागु झाली आहे. निवडणुकीच्या अनुषंगाने दुसऱ्या टप्प्यात दि. 26 एप्रिल 2024 रोजी 07-अमरावती लोकसभा मतदारसंघासाठी जिल्ह्यात मतदान होणार आहे. जिल्ह्यात आदर्श आचारसंहिता लागू असल्याने जिल्हास्तरीय लोकशाही दिन रद्द करण्यात आला आहे. जिल्ह्यातील सर्व नागरिकांनी याची नोंद घ्यावी, असे आवाहन जिल्हाधिकारी कार्यालयाचे अधिक्षक यांनी केले आहे.‍.

00000

जिल्हाधिकारी सौरभ कटियार मतदारांना संबोधित करणार; फेसबुक लाईव्ह शो मध्ये जिल्ह्यातील वरिष्ठ अधिकाऱ्यांचा सहभाग

 

जिल्हाधिकारी सौरभ कटियार मतदारांना संबोधित करणार;

फेसबुक लाईव्ह शो मध्ये जिल्ह्यातील वरिष्ठ अधिकाऱ्यांचा सहभाग

 

अमरावती, दि. 31 (जिमाका): जिल्ह्यातील मतदानांची टक्केवारी वाढवण्यासाठी सुरू करण्यात आलेल्या ‘मतदानावर बोलू काही’ या फेसबुक लाईव्ह शोचे आयोजन सोमवारला सकाळी 10 वाजता करण्यात आले आहे. यामध्ये जिल्हाधिकारी सौरभ कटियार, पोलिस आयुक्त नवीनचंद्र रेड्डी,  जिल्हा परिषदचे मुख्य कार्यकारी अधिकारी संतोष जोशी, आयुक्त देविदास पवार हे सहभागी होणार असून जिल्ह्यातील सर्व मतदारांना फेसबुक लाईव्ह शोच्या माध्यमातून संबोधित करणार आहेत.

     

जिल्ह्यातील मतदानाची टक्केवारी वाढवण्यासाठी स्वीप टीमच्या माध्यमातून वेगवेगळ्या युक्त्याची अंमलबजावणी करीत आहेत. याचाच एक भाग म्हणून स्वीपचे जिल्हा नोडल अधिकारी डॉ.कैलास घोडके यांच्या संकल्पनेतून सुरू करण्यात आलेल्या मतदानावर बोलू काही या या फेसबुक लाईव्ह शोला मिळत असलेला उदंड प्रतिसाद बघून स्वतः जिल्हाधिकारी आणि वरिष्ठ अधिकारी यामध्ये सहभाग घेऊन मत जिल्ह्यातील मतदारांसोबत संवाद साधणार आहेत. यामध्ये प्रत्येक गावातील नागरिक सहभागी होणार असून प्रतिनिधी स्वरूपात प्रत्येक तालुक्यातील एका गावातील काही ज्येष्ठ नागरिक, महिला, नवीन मतदार, शेतकरी हे जिल्हाधिकारी यांच्या सोबत संवाद साधणार आहेत. या कार्यक्रमाचे अमरावती जिल्ह्यातील गावागावात प्रेक्षपण होणार असून सर्व नागरिकांनी यामध्ये सहभागी व्हावे, असे आवाहन जिल्हाधिकारी सौरभ कटियार यांनी केले आहे.

00000

07- अमरावती लोकसभा मतदार संघात आज एका उमेदवाराचे चार नामनिर्देशन पत्र दाखल

 

07- अमरावती लोकसभा मतदार संघात आज एका उमेदवाराचे चार नामनिर्देशन पत्र दाखल

अमरावती, दि.  30 (जिमाका) :सार्वत्रिक लोकसभा निवडणूक-2024 अंतर्गत 07-अमरावती (अ.जा.) लोकसभा मतदारसंघात आज एका उमेदवाराकडून चार नामनिर्देशन पत्रे दाखल करण्यात आली. उमेदवाराचे नाव – भारतीय राष्ट्रीय काँग्रेसचे उमेदवार बळवंत बसवंत वानखडे. श्री. वानखडे यांनी आज जिल्हाधिकारी कार्यालयात 4 नामांकन अर्ज दाखल केले.

          आज दि. 30 मार्च रोजी 07- अमरावती लोकसभा मतदारसंघात  58 लोकांमर्फत 95 नामनिर्देशन पत्र उचल झालेले असून 04 नामनिर्देशन पत्र प्राप्त झाले आहे.

          4 एप्रिल ही उमेदवारी अर्ज भरण्याची शेवटची तारीख असेल तर 5 एप्रिल रोजी उमेदवारी अर्जांची छानणी करण्यात येणार आहे. 8 एप्रिल ही उमेदवारी अर्ज मागे घेण्याची शेवटची तारीख आहे. शुक्रवार दि. 26 एप्रिल रोजी मतदान होणार आहे. तर मंगळवार दि. 4 जून रोजी मतमोजणी होणार आहे. आदर्श आचारसंहिता गुरुवार दि. 6 जून पर्यंत लागू राहणार आहे.

00000

निवडणूक खर्च निरीक्षकांनी खर्च पथक व माध्यम कक्षाला दिली भेट; निवडणूक खर्च संबंधित यंत्रणेचा घेतला आढावा

 

निवडणूक खर्च निरीक्षकांनी खर्च पथक व माध्यम कक्षाला दिली भेट;

निवडणूक खर्च संबंधित यंत्रणेचा घेतला आढावा

अमरावती, दि. 29 (जिमाका): लोकसभा सार्वत्रिक निवडणूकीसाठी अमरावती मतदार संघांकरिता निवडणूक खर्च निरीक्षक म्हणून अनुप कुमार वर्मा यांची नियुक्ती केली आहे. श्री. वर्मा यांनी खर्च विषयाशी संबंधित यंत्रणेचा आढावा निवडणूक खर्च कक्ष येथे घेतला. तसेच निवडणूक खर्च व माध्यम कक्षाला भेट देऊन निवडणूक संदर्भातील खर्च व्यवस्थापन वेळीच व योग्य प्रकारे करण्याच्या सुचना त्यांनी  दिल्या.

खर्च  निरीक्षक श्री. वर्मा हे मतदार संघात तिन वेळा भेटी देणार असून प्रथम भेटीसाठी गुरुवार  दि. 28 रोजी जिल्ह्यात दाखल झाले. दरम्यान आज सकाळी जिल्हाधिकारी सौरभ कटियार यांच्या सोबत निवडणुक संबंधित कामकाजाचा आढावा घेतला. त्यानंतर सर्व सहायक निवडणूक अधिकारी व नोडल अधिकाऱ्यांकडून निवडणूकीच्या अनुषंगाने केलेल्या कार्यवाहीची माहिती घेतली. उमेदवाराकडून प्रचारासाठी केल्या जाणाऱ्या प्रत्येक खर्चाची काटेकोरपणे नोंद घ्यावी. निवडणूक आयोगाच्या निर्देश व सूचनांचा कुठेही भंग होणार नाही याची दक्षता सर्वांनी घ्यावी, असे निर्देश खर्च निरीक्षकांनी दिले.

निवडणूक खर्च संनियंत्रणासाठी लेखा पथके, निरीक्षण पथके, भरारी पथके, व्हिडीओ देखरेख पथके, तसेच लेखा, कॅश, बँक रजिस्टर, माध्यम खर्च संनियंत्रण अहवाल, प्राप्तीकर विभाग, तसेच बँकांकडून प्राप्त अहवाल आदींबाबत माहिती खर्च निरीक्षकांनी यावेळी यंत्रणेकडून घेतली. यावेळी खर्च संनियंत्रक नोडल अधिकारी तथा मुख्य लेखा वित्त अधिकारी चंद्रशेखर खंडारे, सहायक नोडल अधिकारी विजय देशमुख, सहायक संचालक दिनेश मेटकर, आयकर विभागाचे नोडल अधिकारी रविंद्र सोनी, राज्य उत्पादन शुल्क विभागाचे नोडल अधिकारी ज्ञानेश्वरी अहिरे आदी उपस्थित होते. 

नागरिकांच्या तक्रारी ऐकण्यासाठी राहणार उपलब्ध : निवडणूक खर्च निरीक्षक अनुप कुमार वर्मा यांचा भ्रमणध्वनी क्रमांक 8830850950 असा आहे. तसेच मतदारसंघात कुठेही आचारसंहितेचा भंग होत असल्यास किंवा उमेदवारांच्या खर्चाबाबत माहिती द्यावयाची असल्यास राजकीय पक्ष अथवा नागरिकांनी संपर्क साधावा, असे आवाहन त्यांनी केले. श्री. वर्मा यांचे संपर्क अधिकारी म्हणून  प्रमोद पालवे असून त्यांचा भ्रमणध्वनी क्रमांक 7588687208 असा आहे.

 

 निवडणूक निरीक्षक यांची बहिरम येथील चेकपोस्टला भेट

आगामी लोकसभा निवडणुकीच्या पार्श्वभूमीवर सीमेवर असलेल्या  बहिरम येथील चेकपोस्टला श्री. वर्मा यांनी भेट देऊन कामकाजाची पाहणी केली. प्रवेश करणाऱ्या प्रत्येक वाहनांची कडक तपासणी झाली पाहिजे. यात कोणताही  निष्काळजीपणा करू नये. चारचाकी  वाहनाच्या डिक्की सह वाहनाच्या सीट जवळील भागसुद्धा तपासावा. काही आक्षेपार्ह आढळल्यास त्याबाबत संबंधित यंत्रणेला माहिती द्यावी, असे निर्देश निवडणूक निरीक्षक श्री. वर्मा यांनी यावेळी दिले. त्यानंतर सहायक निवडणूक निर्णय  अधिकारी, अचलपूर यांच्या कार्यालयाला भेट देऊन निवडणुक कामकाजाचा आढावा घेतला.

00000

 

स्वीप उपक्रमाअंतर्गत नवमतदांरासाठी जनजागृती शिबीर; निवडणूकीत मतदार स्वंयसेवक म्हणून कार्य करण्याचे आवाहन

 

स्वीप उपक्रमाअंतर्गत नवमतदांरासाठी जनजागृती शिबीर;

निवडणूकीत मतदार स्वंयसेवक म्हणून कार्य करण्याचे आवाहन

 

              अमरावती, दि. 29 (जिमाका): अमरावती विधानसभा मतदार संघामार्फत तहसिल कार्यालयाच्या सभागृहात मतदानाची टक्केवारी वाढविण्यासाठी स्वीप उपक्रमाअंतर्गत नवमतदार जागृती व स्पर्धा परिक्षा मागर्दर्शन शिबीर घेण्यात आले. यावेळी मतदानाचे महत्व विद्यार्थ्यांना सांगून निवडणूकीत मतदार स्वंयसेवक म्हणून कार्य करण्याचे आवाहन उपविभागीय अधिकारी अनिल भटकर यांनी केले.

            मार्गदर्शन शिबीराला नवयुकांची मोठ्या प्रमाणावर हजेरी होती. यावेळी सहायक जिल्हाधिकारी तथा निवडणूक निर्णय अधिकारी मीनू पी. एम., मुख्याधिकारी नगरपंचायत तिवसा नरेश अकनुरी, उपमुख्य कार्यापालन अधिकारी डॉ.कैलास घोडके, उपविभागीय अधिकारी तथा सहायक निवडणूक निर्णय अधिकारी अनिल भटकर,  तहसिलदार विजय लोखंडे, महानगरपालीकाचे सीडीपीओ नरेद्र वानखडे आदी उपस्थित होते.

उपस्थित मान्यवरांनी मतदान टक्केवारी वाढविण्यासाठी तसेच स्पर्धा परिक्षेसंदर्भात मार्गदर्शन केले. स्पर्धा परिक्षेच्या तयारीच्या अनुषंगाने  विद्यार्थ्यांनीही मोठ्या प्रमाणावर प्रश्नोत्तराच्या माध्यमातुन मान्यवरांशी संवाद साधला. उपमुख्य कार्यापालन अधिकारी डॉ.कैलास घोडके यांनी सर्वाना मतदानाची शपथ  देऊन कार्यक्रमाची सांगता करण्यात आली. निवासी नायब तहसिलदार सुनिल रासेकर यांनी प्रास्ताविक केले.

00000

 

 

 

 

 

 

राज्यस्तरीय कौशल्य स्पर्धेमध्ये सिद्धान्त मोडक प्रथम; जिल्हाधिकारी सौरभ कटियार यांनी केले कौतूक व अभिनंदन

 

राज्यस्तरीय कौशल्य स्पर्धेमध्ये सिद्धान्त मोडक प्रथम; जिल्हाधिकारी सौरभ कटियार यांनी केले कौतूक व अभिनंदन

            अमरावती, दि. 29 (जिमाका): राज्यस्तरीय पात्रता फेरीत अमरावती येथील सिद्धांत मोडकने पेंटिंग अँड डेकोरेटींग या कौशल्य प्रकारात सुवर्ण पदक पटकविले. सिद्धान्तच्या कामगिरीचे दखल घेऊन  जिल्हाधिकारी सौरभ कटियार यांनी सिद्धांतच्या मातोश्रीस स्मृतीचिन्ह देऊन त्याचा गौरव केला. तसेच त्यास पुढील वाटचाली साठी शुभेच्छा दिल्या. यावेळी जिल्हा कौशल्य विकास, रोजगार ‌उदयोजकता मार्गदर्शन केंद्राचे सहायक आयुक्त प्रांजली बारस्कर, विकास समन्वयक वैभव तेटू व वरिष्ठ-लिपिक प्रविण बांबोळे, तसेच  सिद्धान्त मोडकच्या मातोश्री प्रमिला दिलीप मोडक उपस्थित होत्या.

भारतीय उद्योग महासंघ(CII) राष्ट्रीय कौशल्य विकास महामंडळ(NSDC) आणि महाराष्ट्र शासन यांच्या संयुक्त विद्यमाने तसेच महाराष्ट्र राज्य कौशल्य विकास सोसायटी मार्फत दि. 19 व 20 मार्च 2024 रोजी डॉन बॉस्को सेंटर फॉर लर्निंग, मुंबई येथे राज्यस्तरीय कौशल्य विकास स्पर्धेचे आयोजन करण्यात आले होते.  फ्रान्समधील लियोन येथे आयोजित प्रतिष्ठित जागतिक कौशल्य 2024 कार्यक्रमात भारताचे प्रतिनिधित्व करण्याच्या उद्देशाने ही स्पर्धा आयोजित केली होती.

या स्पर्धेत 60 ट्रेडमध्ये 300 हून अधिक उमेदवारांचा सहभाग होता. या स्पर्धेत 21 हजारहून अधिक अर्ज प्राप्त झाले होते, ज्यामध्ये राज्यस्तरावर 4 हजार 300 स्पर्धकापैकी वेगवेगळ्या निकषानंतर अंतिम 110 स्पर्धकांची निवड करण्यात आली. राज्यस्तरावर झालेल्या या स्पर्धेमध्ये अमरावती शहरातील सिद्धान्त दिलीप मोडक, माजी आय. टी. आय. विद्यार्थी याने राज्यस्तरीय कौशल्य स्पर्धेत सुवर्ण पदक पटकावल्याने राष्ट्रीय कौशल्य स्पर्धेसाठी त्याची निवड करण्यात आली आहे. महाराष्ट्रातील सर्व जिल्ह्यामधून या स्पर्धेमध्ये स्पर्धक सहभागी झाले होते.

0000

 

"मतदानावर बोलू काही....." मतदारांना आकर्षित करण्यासाठी फेसबुक लाईव्ह शो - जिल्हाधिकारी सौरभ कटियार

 

लोकसभा निवडणूक-2024

"मतदानावर बोलू काही....."

मतदारांना आकर्षित करण्यासाठी फेसबुक लाईव्ह शो

- जिल्हाधिकारी सौरभ कटियार

 

अमरावती, दि. 28 (जिमाका): आगामी लोकसभा निवडणुकीत मतदानाची टक्केवारी वाढविण्यासाठी जिल्हाधिकारी सौरभ कटियार यांच्या मार्गदर्शनाखाली विविध प्रकारचे उपक्रम संपूर्ण जिल्ह्यात राबविण्यात येत आहेत. अमरावती जिल्ह्यात मतदानाची टक्केवारी वाढावी यासाठी सर्वतोपरी प्रयत्न करण्यात येत आहे. याचाच एक भाग म्हणून मतदारांना आकर्षित करण्यासाठी नोडल अधिकारी  डॉ. कैलास घोडके यांनी मतदानावर बोलू काही या फेसबुक लाईव्ह शो चे आयोजन केले असून याला मोठ्या प्रमाणात प्रतिसाद मिळत आहे.

सोशल मीडिया हे युवकांमध्ये आवडीचे माध्यम असून आबालवृद्ध सोशल मीडियावर सक्रिय आहे. या माध्यमाचा उपयोग करून घेतल्यास मतदानाची टक्केवारी वाढवण्यासाठी निश्चितच फायदा होईल, ही बाब लक्षात घेऊन मतदानाची टक्केवारी वाढविण्यासाठी सोशल मीडियाच्या माध्यमातून जास्तीत जास्त युवकापर्यंत आणि मतदारांपर्यंत पोहोचण्यासाठी "मतदानावर बोलू काही......" या लाईव्ह फेसबुक शो चे आयोजन हेमंतकुमार यावले यांच्या फेसबुक अकाऊंटवरून करण्यात येत आहे.  यामध्ये विविध क्षेत्रातील नामांकित व्यक्ती, तज्ज्ञ मार्गदर्शक, वरिष्ठ प्रशासकीय अधिकारी, त्याचबरोबर प्राध्यापक, सामाजिक कार्यकर्ते यांना निमंत्रित करून त्यांच्या सोबत संवाद साधण्यात येत आहे.

मतदानावर बोलू काही या फेसबुक लाईव्ह शो ला मोठ्या प्रमाणात लाईक्स मिळत असून युवकांमधून त्याला चांगला प्रतिसाद मिळत आहेत. मतदारांमध्ये जनजागृती करणे, मतदारांना त्यांच्या मतांचे मूल्य समजावून सांगणे, त्यांना मतदान करण्यासाठी प्रेरित करणे, लोकसभेचा उत्सव जागोजागी मोठ्या प्रमाणात आयोजित करणे, मतदारांमध्ये मतदानाबाबतचे नैराश्य कमी करणे, त्याचबरोबर एकही मतदार मतदानापासून वंचित राहणार नाही यासाठी दक्षता घेणे हा या कार्यक्रमाचा उद्देश आहे.

         मतदानावर बोलू काही हा एक अतिशय उत्तम, दर्जेदार, मनोरंजनात्मक आणि मतदारांना आवडेल, रुचेल असा डॉ.कैलास घोडके यांचा फेसबुक लाईव्ह शो असून जास्तीत-जास्त मतदारांनी हेमंतकुमार यावले यांच्या फेसबुकला भेट देऊन या शोमध्ये सहभागी व्हावे, असे आवाहन जिल्हाधिकारी सौरभ कटियार यांनी केले आहे.

00000

स्वीप उपक्रमाअंतर्गत नवमतदांरासाठी जनजागृती शिबीर; निवडणूकीत मतदार स्वंयसेवक म्हणून कार्य करण्याचे आवाहन

 

स्वीप उपक्रमाअंतर्गत नवमतदांरासाठी जनजागृती शिबीर;

निवडणूकीत मतदार स्वंयसेवक म्हणून कार्य करण्याचे आवाहन

 

              अमरावती, दि. 29 (जिमाका): अमरावती विधानसभा मतदार संघामार्फत तहसिल कार्यालयाच्या सभागृहात मतदानाची टक्केवारी वाढविण्यासाठी स्वीप उपक्रमाअंतर्गत नवमतदार जागृती व स्पर्धा परिक्षा मागर्दर्शन शिबीर घेण्यात आले. यावेळी मतदानाचे महत्व विद्यार्थ्यांना सांगून निवडणूकीत मतदार स्वंयसेवक म्हणून कार्य करण्याचे आवाहन उपविभागीय अधिकारी अनिल भटकर यांनी केले.

 

मार्गदर्शन शिबीराला नवयुकांची मोठ्या प्रमाणावर हजेरी होती. यावेळी सहायक जिल्हाधिकारी तथा निवडणूक निर्णय अधिकारी मीनू पी. एम., मुख्याधिकारी नगरपंचायत तिवसा नरेश अकनुरी, उपमुख्य कार्यापालन अधिकारी डॉ.कैलास घोडके, उपविभागीय अधिकारी तथा सहायक निवडणूक निर्णय अधिकारी अनिल भटकर,  तहसिलदार विजय लोखंडे, महानगरपालीकाचे सीडीपीओ नरेद्र वानखडे आदी उपस्थित होते.

 

उपस्थित मान्यवरांनी मतदान टक्केवारी वाढविण्यासाठी तसेच स्पर्धा परिक्षेसंदर्भात मार्गदर्शन केले. स्पर्धा परिक्षेच्या तयारीच्या अनुषंगाने  विद्यार्थ्यांनीही मोठ्या प्रमाणावर प्रश्नोत्तराच्या माध्यमातुन मान्यवरांशी संवाद साधला. उपमुख्य कार्यापालन अधिकारी डॉ.कैलास घोडके यांनी सर्वाना मतदानाची शपथ  देऊन कार्यक्रमाची सांगता करण्यात आली. निवासी नायब तहसिलदार सुनिल रासेकर यांनी प्रास्ताविक केले.

00000

राज्यस्तरीय कौशल्य स्पर्धेमध्ये सिद्धान्त मोडक प्रथम; जिल्हाधिकारी सौरभ कटियार यांनी केले कौतूक व अभिनंदन

 

राज्यस्तरीय कौशल्य स्पर्धेमध्ये सिद्धान्त मोडक प्रथम;

जिल्हाधिकारी सौरभ कटियार यांनी केले कौतूक व अभिनंदन

 

अमरावती, दि. 29 (जिमाका): राज्यस्तरीय पात्रता फेरीत अमरावती येथील सिद्धांत मोडकने पेंटिंग अँड डेकोरेटींग या कौशल्य प्रकारात सुवर्ण पदक पटकविले. सिद्धान्तच्या कामगिरीचे दखल घेऊन  जिल्हाधिकारी सौरभ कटियार यांनी सिद्धांतच्या मातोश्रीस स्मृतीचिन्ह देऊन त्याचा गौरव केला. तसेच त्यास पुढील वाटचाली साठी शुभेच्छा दिल्या. यावेळी जिल्हा कौशल्य विकास, रोजगार ‌उदयोजकता मार्गदर्शन केंद्राचे सहायक आयुक्त प्रांजली बारस्कर, विकास समन्वयक वैभव तेटू व वरिष्ठ-लिपिक प्रविण बांबोळे, तसेच  सिद्धान्त मोडकच्या मातोश्री प्रमिला दिलीप मोडक उपस्थित होत्या.

 

भारतीय उद्योग महासंघ(CII) राष्ट्रीय कौशल्य विकास महामंडळ(NSDC) आणि महाराष्ट्र शासन यांच्या संयुक्त विद्यमाने तसेच महाराष्ट्र राज्य कौशल्य विकास सोसायटी मार्फत दि. 19 व 20 मार्च 2024 रोजी डॉन बॉस्को सेंटर फॉर लर्निंग, मुंबई येथे राज्यस्तरीय कौशल्य विकास स्पर्धेचे आयोजन करण्यात आले होते.  फ्रान्समधील लियोन येथे आयोजित प्रतिष्ठित जागतिक कौशल्य 2024 कार्यक्रमात भारताचे प्रतिनिधित्व करण्याच्या उद्देशाने ही स्पर्धा आयोजित केली होती.

 

या स्पर्धेत 60 ट्रेडमध्ये 300 हून अधिक उमेदवारांचा सहभाग होता. या स्पर्धेत 21 हजारहून अधिक अर्ज प्राप्त झाले होते, ज्यामध्ये राज्यस्तरावर 4 हजार 300 स्पर्धकापैकी वेगवेगळ्या निकषानंतर अंतिम 110 स्पर्धकांची निवड करण्यात आली. राज्यस्तरावर झालेल्या या स्पर्धेमध्ये अमरावती शहरातील सिद्धान्त दिलीप मोडक, माजी आय. टी. आय. विद्यार्थी याने राज्यस्तरीय कौशल्य स्पर्धेत सुवर्ण पदक पटकावल्याने राष्ट्रीय कौशल्य स्पर्धेसाठी त्याची निवड करण्यात आली आहे. महाराष्ट्रातील सर्व जिल्ह्यामधून या स्पर्धेमध्ये स्पर्धक सहभागी झाले होते.

0000

07- अमरावती लोकसभा मतदारसंघात एक नामनिर्देशनपत्र दाखल; 75 नामनिर्देशन अर्जाची उचल

 07- अमरावती लोकसभा मतदारसंघात एक नामनिर्देशनपत्र दाखल;

75 नामनिर्देशन अर्जाची उचल

 

अमरावती, दि. 28 (जिमाका):  सार्वत्रिक लोकसभा निवडणूक-2024 अंतर्गत 07-अमरावती (अ.जा.) लोकसभा मतदारसंघात आज एक नामनिर्देशनपत्र दाखल करण्यात आले. श्री. व्यंकटेश्वरा महा स्वामीजी ऊफ दीपक (भारतीय जनता पार्टी) यांनी आज नामनिर्देशनपत्र दाखल केले. तसेच आज 43 व्यक्तींनी 75 नामनिर्देशन अर्ज खरेदी केले.

 

07- अमरावती (अ.जा.) लोकसभा मतदारसंघासाठी आज गुरुवार  दिनांक 28 मार्च रोजी अधिसूचना जारी झाली आहे. 4 एप्रिल ही उमेदवारी अर्ज भरण्याची शेवटची तारीख असेल तर 5 एप्रिल रोजी उमेदवारी अर्जांची छानणी करण्यात येणार आहे. 8 एप्रिल ही उमेदवारी अर्ज मागे घेण्याची शेवटची तारीख आहे. शुक्रवार दि. 26 एप्रिल रोजी मतदान होणार आहे. तर मंगळवार दि. 4 जून रोजी मतमोजणी होणार आहे. आदर्श आचारसंहिता गुरुवार दि. 6 जून पर्यंत लागू राहणार आहे.

00000

दिव्यांग व जेष्ठ मतदारांना ‘सक्षम ॲप’ ठरणार मदतगार

 

लोकसभा सार्वत्रिक निवडणुका-2024;

दिव्यांग व जेष्ठ मतदारांना ‘सक्षम ॲप’ ठरणार मदतगार

 

            अमरावती, दि.28 (जिमाका): आगामी लोकसभा निवडणुकीत दिव्यांग आणि जेष्ठ मतदारांना सुलभ रीतीने मतदान करण्यास मदत व्हावी, यासाठी निवडणूक आयोगाने सक्षम नावाचे मोबाईल ॲप तयार केले आहे. या ॲपवर दिव्यांग व जेष्ठ मतदारांसाठी मुलभुत सुविधा उपलब्ध करुन दिले आहे. या सुविधेचा सर्व पीडब्ल्यूडी(पर्सनल व्हीथ डिसॲबेलिटी) मतदारांनी आपल्या मोबाईलमध्ये डाऊनलोड करून मतदारांसाठी दिलेला सोयी सुविधा प्राप्त करून घ्यावे, असे आवाहन पीडब्ल्यूडी नोडल अधिकारी जया राऊत यांनी केले आहे.

 

पीडब्ल्यूडी (पर्सनल व्हीथ डिसॲबेलिटी) मतदारांकरिता आयोगाने तयार केलेले सक्षम ॲपवर विविध सोयी सुविधा देण्यात येत आहे. या सुविधेचा लाभ घेण्यासाठी सर्वप्रथम प्रत्येक पीडब्ल्यूडी मतदाराने सक्षम ॲप आपल्या मोबाईल मध्ये डाऊनलोड करून घ्यावा. निवडणूक संदर्भात सेवा घेण्याकरीता दिव्यांग व वयोवृद्ध मतदारांना त्यांचे नाव पत्ता आणि मोबाईल क्रमांक इत्यादी माहिती ॲपमध्ये भरावी. दिव्यांग वयोवृद्ध मतदारांना या सक्षम ॲपद्वारे मतदानासाठी लागणाऱ्या सहायतेची मागणी नोंदविता येईल. त्याद्वारे मतदार संघातील दिव्यांग वयोवृद्ध मतदानाचे मतदार संघ व स्थाननिश्चिती यंत्रणेला करणे शक्य होईल. ॲपद्वारे नोंदणी झाल्यानंतर पीडब्ल्यूडी मतदारांना ने-आण करण्यासाठी वाहतूक व्यवस्था, व्हील चेअर, सहाय्यक मदतनीस इत्यादी प्रकारची सुविधा या ॲपच्या माध्यमातून पीडब्ल्यूडी मतदार मिळवू शकतो.

 

सक्षम ॲपवर अनेक वैशिष्ट्ये प्रदान करते. दृष्टीहीन असलेल्या पीडब्ल्यूडीसाठी आवाज  प्रदान करते. श्रवण अक्षम असलेल्या पीडब्ल्यूडीसाठी ॲप- टेक्स्ट-टु-स्पीच प्रदान करते. ॲप मध्ये मोठे फॉन्ट आणि उच्च कॉन्ट्रास्ट रंग असल्यामुळे पीडब्ल्यूडीसाठी वापरणे सोपे होते. ॲपमध्ये मतदान केंद्राबद्दल माहिती उपलब्ध असून ज्यामध्ये मतदान केंद्राचे स्थान, मतदान केंद्र उपलब्ध प्रवेश योग्यता वैशिष्ट्ये आणि मतदान अधिकाऱ्यांच्या संपर्क तपशिलांचा समावेश आहे. पीडब्ल्यूडीला निवडणूक प्रक्रियेत सहभागी होतांना येणाऱ्या कोणत्याही समस्याबद्दल ॲपवर तक्रारी नोंदविता येते.

 

पीडब्ल्यूडीसाठी निवडणूक प्रक्रियेत सहभागी होण्यासाठी सक्षम ॲप हे महत्वाचे असून वापरण्यास सोपा आहे.  ज्यामुळे पीडब्ल्यूडीला मतदान करण्यासाठी नोंदणी करणे, त्यांचे मतदान केंद्र शोधणे आणि त्यांचे मत देणे सोपे होते. जिल्ह्यातील सर्व पीडब्ल्यूडी मतदारांनी सक्षम ॲप डाऊनलोड करून विविध सुविधेचा लाभ घ्यावा.

000000

निवडणूकीबाबत सूचना

 

निवडणूकीबाबत सूचना

 

             अमरावती, दि. 27 (जिमाका): 07- अमरावती लोकसभा मतदार संघातून एका सदस्याची लोकसभेसाठी निवडणूक घ्यावयाची आहे. नामनिर्देशनपत्रे उमेदवाराला किंवा त्याच्या कोणत्याही सूचकाला, निवडणूक निर्णय अधिकारी, 07- अमरावती लोकसभा मतदार संघ किंवा उपविभागीय अधिकारी, अमरावती उपविभाग तथा सहायक निवडणूक अधिकारी यांच्याकडे  दि. 4 एप्रिल 2024 (गुरूवार) पर्यंत कोणत्याही दिवशी (सार्वजनिक सुट्टी व्यतिरिक्त) सकाळी 11 ते दुपारी 3 वाजेपर्यंत महसुल भवन जिल्हाधिकारी यांचे दालनाशेजारी, जिल्हाधिकारी कार्यालय, अमरावती-444602 येथे दाखल करता येतील.

            नामनिर्देशपत्रे वर उल्लेख केलेल्या ठिकाणी व वेळी मिळू शकतील. नामनिर्देशपत्रे छाननी दि. 5 एप्रिल, 2024 (शुक्रवार) रोजी सकाळी 11 वाजता , महसूल भवन जिल्हाधिकारी यांचे दालनाशेजारी, जिल्हाधिकारी कार्यालय येथे करण्यात येईल. उमेदवारी मागे घेण्याबद्यलची सूचना उमेदवाराला किंवा त्याच्या कोणत्याही सूचकाला किंवा उमेदवाराने लेखी प्राधिकार दिलेल्या निवडणूक प्रतिनिधीला वरील परिच्छेदामध्ये विनिर्दिष्ट केलेल्या कोणत्याही अधिकाऱ्यास उपरोक्त नमुद कार्यालयात दि. 8 एप्रिल, 2024 (सोमवार) रोजी दुपारी 3 वाजेपर्यंत देता येईल.

            निवडणुक लढविली गेल्यास दि. 26 एप्रिल 2024 (शुक्रवार) रोजी सकाळी 7 ते सायंकाळी 6 वाजेपर्यंत मतदान घेण्यात येईल.

00000

लोकसभा निवडणूक-2024 लोकसभा सार्वत्रिक निवडणूक मतदानासाठी ‘इपिक’सह बारा ओळखपत्र ग्राह्य

 

लोकसभा निवडणूक-2024

 

लोकसभा सार्वत्रिक निवडणूक मतदानासाठी ‘इपिक’सह बारा ओळखपत्र ग्राह्य

 

अमरावती, दि. 26 (जिमाका) : लोकसभा सार्वत्रिक निवडणूक 2024 करीता निवडणूक आयोगाने मतदान करण्यापूर्वी मतदारांची ओळख पटविण्याकरीता मतदान ओळखपत्रासह (EPIC) 12 प्रकारचे ओळखीचे पुरावे ग्राह्य धरलेले आहे.

 

07-अमरावती लोकसभा मतदार संघात 26 एप्रिलला मतदान होणार आहे. या पार्श्वभूमीवर मतदारांना मतदानाचा हक्क बजावता यावा यासाठी स्वतःची ओळख पटविण्याकरीता निवडणूक आयोगाने बारा प्रकारचे ओळखीचे पुरावे ग्राह्य धरले आहे.  त्यामुळे आता लोकसभा सार्वत्रिक निवडणूकीत मतदान करतांना मतदारांची ओळख पटविणे शक्य होणार आहेत. या ओळखपत्रात आधार कार्ड, मनरेगा जॉब कार्ड, बँक व पोस्ट ऑफिसने जारी केलेल्या फोटोसह पासबुक, कामगार मंत्रालयाच्या योजनेअंतर्गत जारी केलेले आरोग्य विमा स्मार्ट कार्ड, ड्रायव्हिंग लायसन्स, पॅन कार्ड, कामगार मंत्रालयाने जारी केलेले स्मार्ट कार्ड, भारतीय पासपोर्ट, छायाचित्रासह पेन्शन दस्तऐवज, केंद्र व राज्य सरकार / पीएसयू / पब्लिक लिमिटेड कंपन्यांनी कर्मचाऱ्यांना दिलेली छायाचित्र असलेली सेवा ओळखपत्रे, खासदार, आमदार यांना जारी केलेल्या अधिकृत ओळखपत्रांचा समावेश आहे. यामुळे लोकसभा निवडणुकीत मतदारांना मतदान करताना कोणतीही अडचण येणार नाही. ते आपला मतदानाचा हक्क बजावू शकतील.

00000

गावागावात 'पिंक फोर्स' पुढे येणार , मतदानाची टक्केवारी वाढणार

 

गावागावात 'पिंक फोर्स' पुढे येणार , मतदानाची टक्केवारी  वाढणार

मतदानाची टक्केवारी वाढविण्यासाठी महिलांनी पुढे यावे

- जिल्हाधिकारी सौरभ कटियार

 

              अमरावती, दि. 23 (जिमाका) : महिला शक्ती ही कोणत्याही गोष्टीत परिवर्तन घडवून आणू शकते. महिलांनी मतदान प्रक्रियेमध्ये सहभाग नोंदवल्यास जिल्ह्यातील मतदानाची टक्केवारी निश्चितच वाढेल त्यासाठी सर्व महिलांनी पुढे यावे असे आवाहन जिल्हाधिकारी सौरभ कटियार यांनी केले.

अमरावती जिल्ह्यातील मतदानाची टक्केवारी वाढविण्यासाठी प्रशासनामार्फत वेगवेगळ्या पातळीवर प्रयत्न सुरू आहेत . जिल्हा आणि तालुका पातळीवर मतदान जनजागृती करण्यासाठी मतदार जागृती कक्ष स्थापन करण्यात आले असून गावागावात मतदार जनजागृती करण्यात येत आहे. याचाच एक भाग म्हणून जिल्हाधिकारी  यांच्या अध्यक्षतेखाली मोर्शी येथे महिला मेळाव्यांचे आयोजन करण्यात आले होते. यावेळी अंगणवाडी सेविका, आशा वर्कर, एएनएम, शिक्षिका आणि बचत गटांची महिला यांचा "द पिंक फोर्स" जिल्हाधिकाऱ्यांच्या हस्ते स्थापन करण्यात आला. यावेळी जिल्हाधिकारी बोलत होते.

              मागच्या वेळीच्या लोकसभेच्या तुलनेत यावर्षी मतदानाची टक्केवारी वाढवण्यासाठी जिल्हा स्तरावरून मतदारांना वेगवेगळ्या प्रकारे आकर्षित करण्यात येत आहे. उपमुख्य कार्यकारी अधिकारी डॉ.कैलास घोडके यांची नोडल अधिकारी म्हणून नियुक्ती करून मतदार जनजागृती कक्षांची स्थापना करण्यात आली असून प्रत्येक तालुका स्तरावर तालुका नोडल अधिकारी नेमण्यात आलेले आहेत. जिल्हा कक्ष आणि चौदा तालुक्याचे टीम मोठ्या प्रमाणावर जनजागृतीचा काम करत असून सोशल मीडियाचा मोठ्या प्रमाणावर वापर करण्यात येत आहे. त्याचबरोबर सायकल रॅली, विद्यार्थ्यांची रॅली, विविध स्पर्धा,  कॉलेज कॅम्पस ॲम्बेसिडरची नियुक्ती, सावली सभा, बस स्थानकावर जिंगल, जाऊ तिथे शपथ घेऊ, मतदानावर बोलू काही  यासारख्या अनेक नाविन्यपूर्ण कार्यक्रमात आयोजन केले करण्यात आले असून यावर्षी मतदानाची टक्केवारी निश्चित वाढेल असा विश्वास श्री. कटियार यांनी व्यक्त केला.

कार्यक्रमाचे आयोजनासाठी मोर्शीचे उपविभागीय अधिकारी प्रदीप पवार, मोर्शीचे तहसीलदार उज्वला ढोले, मोर्शीचे गटविकास अधिकारी देवयानी पोकळे, मोर्शीचे बालविकास प्रकल्प अधिकारी डॉ.नितीन उंडे, मोर्शीचे गटशिक्षणाधिकारी यांनी पुढाकार घेतला.

00000

 

 

 

 

 

 

संपूर्ण जिल्ह्यात ‘चुनाव की पाठशाला’; मतदारांमध्ये जनजागृती करणारा एक अभिनव उपक्रम: सौरभ कटीयार

 

संपूर्ण जिल्ह्यात ‘चुनाव की पाठशाला’; मतदारांमध्ये जनजागृती करणारा एक अभिनव उपक्रम: सौरभ कटीयार

अमरावती दि.24 (जिमाका) : जिल्ह्यातील मतदानाची टक्केवारी वाढवण्यासाठी विविध उपक्रम राबविण्यात येत आहेत. त्याचाच एक भाग म्हणून मंगळवार दि. 26 मार्चला अमरावती जिल्ह्यातील संपूर्ण मतदान केंद्रावर "चुनाव की पाठशाला" हा उपक्रम आयोजित करण्यात येणार असून यामध्ये  जास्तीत जास्त मतदारांमध्ये मतदान करण्याविषयी जनजागृती करण्यात येईल. मतदार जनजागृती करण्याचा हा एक अभिनव उपक्रम असून यामध्ये सर्व शासकीय यंत्रणांनी सक्रिय सहभागी व्हावे, असे आवाहन जिल्हाधिकारी सौरभ कटियार केले आहेत.

मतदारांमध्ये जनजागृती करण्यासाठी आणि अमरावती जिल्ह्यातील मतदारांची टक्केवारी वाढविण्यासाठी उपमुख्य कार्यकारी अधिकारी डॉ. कैलास घोडके यांच्या मार्गदर्शनाखाली 'स्वीप कक्ष' अर्थात पद्धतशीरपणे मतदारांचे शिक्षण आणि निवडणूक प्रक्रियेतील सहभाग या कक्षांची स्थापना करण्यात आली असून प्रत्येक तालुक्याला एक कक्ष स्थापन करण्यात आला आहे. जिल्ह्यातील गावागावात मतदारांमध्ये जनजागृती करण्यासाठी वेगवेगळ्या युक्त्या अवलंबण्यात येत आहेत. आगामी लोकसभा निवडणुकीत जास्तीत जास्त मतदारांनी आपल्या मतदानाचा हक्क बजावा यासाठी प्रशासनाकडून प्रयत्न करण्यात येत आहे. त्यासाठी मंगळवारी संपूर्ण जिल्ह्यातील 2 हजार 699 मतदान केंद्रावर 'चुनाव की पाठशाला' हा उपक्रम आयोजित करण्यात येणार आहे. यामध्ये मतदारांमध्ये जनजागृती करणे, यांच्या समस्यांची निराकरण करणे, त्यांचे मतदार यादीतील नाव, त्यांचे मतदान केंद्र, त्याचबरोबर मतदान करण्याची पद्धत आणि त्यांच्या मतांचे मूल्ये याविषयी सविस्तर माहिती देण्यात येणार असून हा उपक्रम जिल्ह्यातील सर्व केंद्रावर एकाच दिवशी राबवणारा अमरावती हा महाराष्ट्रातील पहिला जिल्हा आहे.

               हा उपक्रम राबविण्यासाठी जिल्ह्यातील मतदान केंद्र जागृती कक्षा मधील प्रतिनिधी, कॉलेज कॅम्पस अँबेसिडर, मतदान केंद्रस्तरीय अधिकारी त्याचबरोबर 'द पिंक फोर्स' मधील अंगणवाडी सेविका, आशा वर्कर, एएनएम, महिला बचत गटांच्या महिला इत्यादी या उपक्रमामध्ये मोठ्या संख्येने सहभागी होणार आहेत. या उपक्रमांची संपूर्ण जिल्ह्यात प्रभावीपणे अंमलबजावणी करण्यासाठी जिल्हाधिकारी सौरभ कटियार यांनी दिलेल्या निर्देशाप्रमाणे जिल्हास्तरावरून आणि तालुकास्तरावरील वरिष्ठ अधिकारी काही मतदान केंद्रांना भेटी देणार असून ते सुद्धा या उपक्रमामध्ये सहभागी होणार असल्याची माहिती मतदार जनजागृती कक्षाचे नोडल अधिकारी डॉ. कैलास घोडके यांनी दिली आहे.

00000

लोकसभा सार्वत्रिक निवडणूक 2024; मतदान अधिकारी व कर्मचाऱ्यांना प्रशिक्षण

लोकसभा सार्वत्रिक निवडणूक 2024; मतदान अधिकारी व कर्मचाऱ्यांना प्रशिक्षण

अमरावती दि.24 (जिमाका) : लोकसभा सार्वत्रिक निवडणुकीच्या तयारीच्या अनुषंगाने  मनुष्यबळ प्रशिक्षणाच्या  कार्यक्रमात आज मतदान केंद्राध्यक्ष व इतर कर्मचाऱ्यांना प्रशिक्षण देण्यात आले.

येथील संत ज्ञानेश्वर सांस्कृतिक सभागृहात प्रथम प्रशिक्षण कार्यशाळेचे आयोजन करण्यात आले. यावेळी अपर जिल्हाधिकारी सुरज वाघमारे, उपविभागीय अधिकारी अनिल भटकर यांनी मार्गदर्शन केले. मतदान पथकांनी करावयाचे कार्य, मतदान केंद्राध्यक्षाची भूमिका, ईव्हीएम तसेच व्हीव्हीपॅट आदी यंत्रणा आदींबाबत सविस्तर माहिती त्यांनी दिली. निवडणुकीची प्रत्येक जबाबदारी समजून व दक्षतापूर्वक पार पाडावी. राष्ट्रीय निवडणूक आयोगाच्या आदेश व सूचनांचे तंतोतंत पालन करावे, असे निर्देश यावेळी देण्यात आले.

निवडणूक प्रक्रिया कशा प्रकारे पार पाडावी यासाठी प्रात्यक्षिक, सादरीकरणाद्वारे मार्गदर्शन करण्यात आले. निवडणूकीचे प्रथम प्रशिक्षण जिल्ह्यातील सर्व आठ विधानसभा मतदार संघात दि. 23 व 24 मार्च रोजी आयोजित करण्यात आले. यावेळी प्रशिक्षणाकरीता नियुक्त 12 हजार 355 मतदान केंद्राध्यक्ष तसेच इतर कर्मचारी उपस्थित होते.

00000

लोकसभा सार्वत्रिक निवडणूक 2024; मतदान अधिकारी व कर्मचाऱ्यांना प्रशिक्षण

 

 

लोकसभा सार्वत्रिक निवडणूक 2024;

मतदान अधिकारी व कर्मचाऱ्यांना प्रशिक्षण

 

अमरावती दि.24 (जिमाका) : लोकसभा सार्वत्रिक निवडणुकीच्या तयारीच्या अनुषंगाने  मनुष्यबळ प्रशिक्षणाच्या  कार्यक्रमात आज मतदान केंद्राध्यक्ष व इतर कर्मचाऱ्यांना प्रशिक्षण देण्यात आले.

 

येथील संत ज्ञानेश्वर सांस्कृतिक सभागृहात प्रथम प्रशिक्षण कार्यशाळेचे आयोजन करण्यात आले. यावेळी अपर जिल्हाधिकारी सुरज वाघमारे, उपविभागीय अधिकारी अनिल भटकर यांनी मार्गदर्शन केले. मतदान पथकांनी करावयाचे कार्य, मतदान केंद्राध्यक्षाची भूमिका, ईव्हीएम तसेच व्हीव्हीपॅट आदी यंत्रणा आदींबाबत सविस्तर माहिती त्यांनी दिली. निवडणुकीची प्रत्येक जबाबदारी समजून व दक्षतापूर्वक पार पाडावी. राष्ट्रीय निवडणूक आयोगाच्या आदेश व सूचनांचे तंतोतंत पालन करावे, असे निर्देश यावेळी देण्यात आले.

 

निवडणूक प्रक्रिया कशा प्रकारे पार पाडावी यासाठी प्रात्यक्षिक, सादरीकरणाद्वारे मार्गदर्शन करण्यात आले. निवडणूकीचे प्रथम प्रशिक्षण जिल्ह्यातील सर्व आठ विधानसभा मतदार संघात दि. 23 व 24 मार्च रोजी आयोजित करण्यात आले. यावेळी प्रशिक्षणाकरीता नियुक्त 12 हजार 355 मतदान केंद्राध्यक्ष तसेच इतर कर्मचारी उपस्थित होते.

000000

लोकसभा सार्वत्रिक निवडणूक 2024; मतदानाच्या दिवशी सार्वजनिक सुट्टी जाहीर

 

लोकसभा सार्वत्रिक निवडणूक 2024; मतदानाच्या दिवशी सार्वजनिक सुट्टी जाहीर

 

अमरावती दि.24 (जिमाका) : भारत निवडणूक आयोगाने लोकसभा सार्वत्रिक निवडणूकीचा कार्यक्रम जाहिर केला आहे. कार्यक्रमानुसार अमरावती लोकसभा मतदार संघासाठी दुसऱ्या टप्प्यात 26 एप्रिल 2024 रोजी मतदान होणार आहे. निवडणुकीत मतदानाचा हक्क बजावता यावा यासाठी राज्य शासनाने अधिसूचनेद्वारे दिनांक 26 एप्रिल 2024 या मतदानाच्या दिवशी सर्व विधानसभा मतदारसंघात सार्वजनिक सुट्टी जाहीर केली आहे. राज्य आणि केंद्र शासनाची कार्यालये, निमशासकीय कार्यालये, महामंडळे, मंडळे, सार्वजनिक उपक्रम, कंपन्या व संस्थाना ही सार्वजनिक सुट्टी लागू राहील. तथापि अपवादात्मक परिस्थितीत पूर्ण दिवस सुट्टी देणे शक्य नसल्यास अशा व्यवस्थापनाने कामगार, अधिकारी, कर्मचाऱ्यांना कमीत कमी दोन तासाची सवलत देता येईल. मात्र त्यासाठी आस्थापना किंवा कारखाना मालकाने जिल्हा निवडणूक अधिकाऱ्यांची पूर्व परवानगी घेणे आवश्यक राहिल.

00000

संपूर्ण जिल्ह्यात ‘चुनाव की पाठशाला’; मतदारांमध्ये जनजागृती करणारा एक अभिनव उपक्रम: सौरभ कटीयार

 

संपूर्ण जिल्ह्यात ‘चुनाव की पाठशाला’;

मतदारांमध्ये जनजागृती करणारा एक अभिनव उपक्रम: सौरभ कटीयार

 

अमरावती दि.24 (जिमाका) : जिल्ह्यातील मतदानाची टक्केवारी वाढवण्यासाठी विविध उपक्रम राबविण्यात येत आहेत. त्याचाच एक भाग म्हणून मंगळवार दि. 26 मार्चला अमरावती जिल्ह्यातील संपूर्ण मतदान केंद्रावर "चुनाव की पाठशाला" हा उपक्रम आयोजित करण्यात येणार असून यामध्ये  जास्तीत जास्त मतदारांमध्ये मतदान करण्याविषयी जनजागृती करण्यात येईल. मतदार जनजागृती करण्याचा हा एक अभिनव उपक्रम असून यामध्ये सर्व शासकीय यंत्रणांनी सक्रिय सहभागी व्हावे, असे आवाहन जिल्हाधिकारी सौरभ कटियार केले आहेत.

 

मतदारांमध्ये जनजागृती करण्यासाठी आणि अमरावती जिल्ह्यातील मतदारांची टक्केवारी वाढविण्यासाठी उपमुख्य कार्यकारी अधिकारी डॉ. कैलास घोडके यांच्या मार्गदर्शनाखाली 'स्वीप कक्ष' अर्थात पद्धतशीरपणे मतदारांचे शिक्षण आणि निवडणूक प्रक्रियेतील सहभाग या कक्षांची स्थापना करण्यात आली असून प्रत्येक तालुक्याला एक कक्ष स्थापन करण्यात आला आहे. जिल्ह्यातील गावागावात मतदारांमध्ये जनजागृती करण्यासाठी वेगवेगळ्या युक्त्या अवलंबण्यात येत आहेत. आगामी लोकसभा निवडणुकीत जास्तीत जास्त मतदारांनी आपल्या मतदानाचा हक्क बजावा यासाठी प्रशासनाकडून प्रयत्न करण्यात येत आहे. त्यासाठी मंगळवारी संपूर्ण जिल्ह्यातील 2 हजार 699 मतदान केंद्रावर 'चुनाव की पाठशाला' हा उपक्रम आयोजित करण्यात येणार आहे. यामध्ये मतदारांमध्ये जनजागृती करणे, यांच्या समस्यांची निराकरण करणे, त्यांचे मतदार यादीतील नाव, त्यांचे मतदान केंद्र, त्याचबरोबर मतदान करण्याची पद्धत आणि त्यांच्या मतांचे मूल्ये याविषयी सविस्तर माहिती देण्यात येणार असून हा उपक्रम जिल्ह्यातील सर्व केंद्रावर एकाच दिवशी राबवणारा अमरावती हा महाराष्ट्रातील पहिला जिल्हा आहे.

 

               हा उपक्रम राबविण्यासाठी जिल्ह्यातील मतदान केंद्र जागृती कक्षा मधील प्रतिनिधी, कॉलेज कॅम्पस अँबेसिडर, मतदान केंद्रस्तरीय अधिकारी त्याचबरोबर 'द पिंक फोर्स' मधील अंगणवाडी सेविका, आशा वर्कर, एएनएम, महिला बचत गटांच्या महिला इत्यादी या उपक्रमामध्ये मोठ्या संख्येने सहभागी होणार आहेत. या उपक्रमांची संपूर्ण जिल्ह्यात प्रभावीपणे अंमलबजावणी करण्यासाठी जिल्हाधिकारी सौरभ कटियार यांनी दिलेल्या निर्देशाप्रमाणे जिल्हास्तरावरून आणि तालुकास्तरावरील वरिष्ठ अधिकारी काही मतदान केंद्रांना भेटी देणार असून ते सुद्धा या उपक्रमामध्ये सहभागी होणार असल्याची माहिती मतदार जनजागृती कक्षाचे नोडल अधिकारी डॉ. कैलास घोडके यांनी दिली आहे.

00000

जिल्हाधिकारी कार्यालयात शहीदांना अभिवादन

 

जिल्हाधिकारी कार्यालयात शहीदांना अभिवादन

 

     अमरावती, दि. 23 : भारतीय स्वातंत्र्य लढ्यात मोलाचे योगदान देणारे शहीद भगत सिंग, राजगुरु,सुखदेव यांना आज शहीद दिनानिमित्त जिल्हाधिकारी कार्यालयात अभिवादन करण्यात आले.

 

     जिल्हाधिकारी कार्यालयाच्या महसूल भवन सभागृहात आयोजित कार्यक्रमात तहसिलदार निलेश खटके यांनी शहीदांच्या प्रतिमेस पुष्प अर्पण करून अभिवादन केले. उपस्थित कर्मचाऱ्यांनी प्रतिमेस पुष्प अर्पण करून अभिवादन केले.

00000

कॉलेज कॅम्पस अँबेसेडर वाढविणार मतदानाचा टक्का !

 

कॉलेज कॅम्पस अँबेसेडर वाढविणार मतदानाचा टक्का !

अमरावती, दि. 23 (जिमाका) : अमरावती जिल्ह्यातील मतदानाची टक्केवारी वाढविण्यासाठी वेगवेगळ्या प्रकारे मतदारांमध्ये जनजागृती केली जात आहे. यासाठी मतदारांना आकर्षित करण्यासाठी वेगवेगळ्या क्लृप्त्याही वापरण्यात येत आहेत. याचाच एक भाग म्हणून प्राचार्य डॉ. स्मिता देशमुख यांच्या अध्यक्षतेखाली आणि उपमुख्य कार्यकारी अधिकारी डॉ.कैलास घोडके  यांच्या उपस्थितीत विमलाताई देशमुख महाविद्यालयात जिल्ह्यातील प्रत्येक कॉलेजमधील दोन अशा शंभर विद्यार्थ्यांची  कार्यशाळा घेण्यात आली. या सर्व विद्यार्थ्यांची कॉलेज कॅम्पस अँबेसेडर म्हणून नेमणूक करण्यात आली असून ते महाविद्यालयातील इतर विद्यार्थ्यांच्या मदतीने मतदानाची टक्केवारी वाढवण्यासाठी तसेच मतदारांमध्ये जनजागृती करणार आहेत.

         शहरी तसेच ग्रामीण भागातील मतदानाची टक्केवारी वाढविण्यासाठी जास्तीत -जास्त लोकांनी मतदान करावे आणि आपल्या मतदानांचा हक्क बजावावा म्हणून प्रशासन मोठ्या प्रमाणावर प्रयत्न करत आहे. यासाठी मतदारांचे शिक्षण आणि मतदान प्रक्रियेतील सहभाग (स्वीप) या माध्यमातून मोठ्या प्रमाणावर ग्रामीण आणि शहरी भागात प्रचार प्रसिद्धीचे काम हाती घेण्यात आले आहे. असून  जिल्हाधिकारी सौरभ कटियार यांच्या अध्यक्षतेखाली  अकरा लोकांची टीम तयार केली असून ते मतदारांमध्ये जनजागृती करण्यासाठी गावोगाव रॅली, महाविद्यालयात विविध स्पर्धा, सावली सभा, पिंक फोर्स, बस स्थानकावर जिंगल्स, चुनाव की पाठशाला इत्यादी माध्यमातून मोठ्या प्रमाणावर प्रचार प्रसिद्धी करीत आहेत. यासाठी कॉलेजमधील तरुण वर्गाने पुढे यावे. त्यांनी मतदारांमध्ये जनजागृती करावी. वेगवेगळ्या माध्यमांचा वापर करून लोकांना मतदान करण्यासाठी तयार करावे. मतदारांमधील नैराश्य घालवून अमरावती जिल्ह्यात जास्तीत -जास्त मतदान कसे होईल , यासाठी कॉलेजमधील तरुण वर्गांना पुढे आणत कॉलेज कॅम्पस अँबेसिडरची नेमणूक करण्यात आली आहे . कॉलेज कॅम्पस अँबेसिडर गावात जाऊन प्रचार प्रसिद्धीचे काम करणार आहेत.  अचलपूर तहसीलदार संजय गरकल,  ज्ञानेश्वर घाटे, संजय राठी, नितीन माहुरे, पंकज मेश्राम आदींनी मार्गदर्शन केले.

0000

 

 

गावागावात 'पिंक फोर्स' पुढे येणार , मतदानाची टक्केवारी वाढणार मतदानाची टक्केवारी वाढविण्यासाठी महिलांनी पुढे यावे - जिल्हाधिकारी सौरभ कटियार

 

गावागावात 'पिंक फोर्स' पुढे येणार , मतदानाची टक्केवारी  वाढणार

मतदानाची टक्केवारी वाढविण्यासाठी महिलांनी पुढे यावे

- जिल्हाधिकारी सौरभ कटियार

              अमरावती, दि. 23 (जिमाका) : महिला शक्ती ही कोणत्याही गोष्टीत परिवर्तन घडवून आणू शकते. महिलांनी मतदान प्रक्रियेमध्ये सहभाग नोंदवल्यास जिल्ह्यातील मतदानाची टक्केवारी निश्चितच वाढेल त्यासाठी सर्व महिलांनी पुढे यावे असे आवाहन जिल्हाधिकारी सौरभ कटियार यांनी केले.

अमरावती जिल्ह्यातील मतदानाची टक्केवारी वाढविण्यासाठी प्रशासनामार्फत वेगवेगळ्या पातळीवर प्रयत्न सुरू आहेत . जिल्हा आणि तालुका पातळीवर मतदान जनजागृती करण्यासाठी मतदार जागृती कक्ष स्थापन करण्यात आले असून गावागावात मतदार जनजागृती करण्यात येत आहे. याचाच एक भाग म्हणून जिल्हाधिकारी  यांच्या अध्यक्षतेखाली मोर्शी येथे महिला मेळाव्यांचे आयोजन करण्यात आले होते. यावेळी अंगणवाडी सेविका, आशा वर्कर, एएनएम, शिक्षिका आणि बचत गटांची महिला यांचा "द पिंक फोर्स" जिल्हाधिकाऱ्यांच्या हस्ते स्थापन करण्यात आला. यावेळी जिल्हाधिकारी बोलत होते.

              मागच्या वेळीच्या लोकसभेच्या तुलनेत यावर्षी मतदानाची टक्केवारी वाढवण्यासाठी जिल्हा स्तरावरून मतदारांना वेगवेगळ्या प्रकारे आकर्षित करण्यात येत आहे. उपमुख्य कार्यकारी अधिकारी डॉ.कैलास घोडके यांची नोडल अधिकारी म्हणून नियुक्ती करून मतदार जनजागृती कक्षांची स्थापना करण्यात आली असून प्रत्येक तालुका स्तरावर तालुका नोडल अधिकारी नेमण्यात आलेले आहेत. जिल्हा कक्ष आणि चौदा तालुक्याचे टीम मोठ्या प्रमाणावर जनजागृतीचा काम करत असून सोशल मीडियाचा मोठ्या प्रमाणावर वापर करण्यात येत आहे. त्याचबरोबर सायकल रॅली, विद्यार्थ्यांची रॅली, विविध स्पर्धा,  कॉलेज कॅम्पस ॲम्बेसिडरची नियुक्ती, सावली सभा, बस स्थानकावर जिंगल, जाऊ तिथे शपथ घेऊ, मतदानावर बोलू काही  यासारख्या अनेक नाविन्यपूर्ण कार्यक्रमात आयोजन केले करण्यात आले असून यावर्षी मतदानाची टक्केवारी निश्चित वाढेल असा विश्वास श्री. कटियार यांनी व्यक्त केला.

कार्यक्रमाचे आयोजनासाठी मोर्शीचे उपविभागीय अधिकारी प्रदीप पवार, मोर्शीचे तहसीलदार उज्वला ढोले, मोर्शीचे गटविकास अधिकारी देवयानी पोकळे, मोर्शीचे बालविकास प्रकल्प अधिकारी डॉ.नितीन उंडे, मोर्शीचे गटशिक्षणाधिकारी यांनी पुढाकार घेतला.

00000