सणउत्सव कालावधीत पोलीस अधिनियम कलम 36 अन्वये आदेश जारी
सणउत्सव
कालावधीत पोलीस अधिनियम कलम 36 अन्वये आदेश जारी
अमरावती, दि. 22 (जिमाका): जिल्ह्यात आगामी
काळात सण उत्सव साजरा होणार आहे. तसेच केंद्रीय व माध्यमिक व उच्च माध्यमिक शालांत
परिक्षा होणार आहे. या कालावधीत कायदा व सुव्यवस्था अबाधित राखण्यासाठी महाराष्ट्र
पोलीस अधिनियमाच्या कलम 36 अन्वये सर्व पोलीस आयुक्तालयाच्या परिसरातील सर्व पोलिस
ठोणेदार, अंमलदार त्यांच्यावरील अधिका-यांना दि. 23 मार्च ते दि. 6 एप्रिल 2024 दरम्यान
अधिकार प्रदान करण्याचे आदेश पोलिस आयुक्त नविनचंद्र रेड्डी यांनी निर्गमित केले आहे.
रस्त्यावरून
जाणारी मिरवणूक सुरळीत ठेवणे, उपासनास्थळी गर्दी होणार असेल किंवा अडथळ्याचा संभव असेल
तर अडथळा होऊ न देणे, मिरवणूकांचे मार्ग विहित करणे, नदी, घाट याठिकाणी बंदोबस्त ठेवणे,
वाद्यांबाबत नियम व नियंत्रण ठेवणे, सार्वजनिक जागेत ध्वनीक्षेपकाच्या वापराबाबत नियम
व नियंत्रण ठेवणे आवश्यक आहे. सक्षम अधिका-यांनी या अधिनियमाच्या कलम 33, 35, 37 ते
40, 44 व 45 अन्वये कार्यवाही करावी, असे पोलीस आयुक्त यांच्या आदेशात नमूद केले आहे.
0000
Comments
Post a Comment