चिखलदरा रस्त्याची 15 दिवसांत सुधारणा करा
पालकमंत्री यशोमती ठाकूर यांचे निर्देश
अमरावती, दि. 10 : परतवाडा ते चिखलदरापर्यंत डांबरी रस्त्याचे नुतनीकरण पंधरा दिवसामध्ये पूर्ण करण्याबाबत निर्देश पालकमंत्री यशोमती ठाकूर यांनी आज चिखलदरा येथे दिले. पालकमंत्री श्रीमती ठाकूर यांच्या अध्यक्षतेखाली चिखलदरा नगर पालिका सभागृह येथे विविध विकास कामांबाबत आढावा बैठक आयोजित करण्यात आली होती. त्यावेळी त्या बोलत होत्या.
श्रीमती ठाकूर म्हणाल्या की,वन विभागामार्फत आवश्यक परवानग्यांसाठी पाठपुरावा करण्यात येईल. आवश्यक रस्त्याची तात्काळ दुरुस्ती करावी.
परतवाडा रस्त्याची 15 दिवसांत दुरुस्ती व्हावी.
सिडको मार्फत चिखलदरा पर्यटन करीता होत असलेल्या विकासाबाबत आढावा त्यांनी यावेळी घेतला. ही कामे गतीने व नियोजनपूर्वक पूर्ण करावीत, असे निर्देश त्यांनी दिले.चिखलदरा तालुक्यातील अतिदुर्गम गावातील रस्ते व इतर दळणवळण सोयीसुविधांबाबत आढावा त्यांनी यावेळी घेतला.
चिखलदरा नगर परिषद करीत पर्यटन वाढीसाठी करण्यात येणाऱ्या उपक्रमासाठी निधी उपलब्ध करण्याबाबत पाठपुरावा करून निधी मिळवून देऊ, असे त्यांनी यावेळी सांगितले.या बैठकीसाठी नगराध्यक्ष श्रीमती विजयाताई सोमवंशी, उपाध्यक्ष शेख अब्दुल शेख हैदर, बांधकाम सभापती राजेश मंगलेकर, शिक्षण सभापती अरुण तायडे, राजेंद्रसिंह सोमवंशी, श्रीमती सुषमा मालवीय, श्रीमती प्रमिला कंदिलवर, श्रीमती शोभाताई तिडके, अन्वर हुसेन, प्रमोद नाईक, नगर परिषद सदस्य शैलेंद्र पाल उपस्थित होते. त्याचप्रमाणे डी एफ ओ व्ही शिवकुमार, तहसीलदार चंदनशिव, मुख्याधिकारी नगर परिषद चिखलदरा बी पिदूरकर, सा बा विभाग अभियंता पाटणकर, तसेच सिडको, जिल्हा परिषद, पंचायत समिती, आरोग्य विभाग व नगर परिषद कर्मचारी उपस्थित होते
00000
Comments
Post a Comment