दिलखुलास कार्यक्रमात गृहविभागाचे प्रधान सचिव अमिताभ गुप्ता
मुंबई, दि. 9 : माहिती व जनसंपर्क महासंचालनालयनिर्मित दिलखुलास कार्यक्रमात ‘राज्यातील कायदा व सुव्यवस्था’ या विषयावर गृहविभागाचे प्रधान सचिव अमिताभ गुप्ता यांची मुलाखत राज्यातील आकाशवाणीच्या सर्व केंद्रांवरून बुधवार दि.10 आणि गुरूवार दि.11 ऑक्टोबर रोजी सकाळी ७.२५ ते ७.४० या वेळेत प्रसारित होणार आहे. विभागीय संपर्क अधिकारी श्रीमती अर्चना शंभरकर यांनी ही मुलाखत घेतली आहे.
राज्यात सणासुदीच्या काळात कायदा व सुव्यवस्था सुरळीत ठेवण्याचे नियोजन, अफवांना बळी पडून मारहाणीच्या व हिंसेच्या घटनांवर नियंत्रणासाठी पोलीस विभागाकडून राबविण्यात येणाऱ्या उपाययोजना, सोशल मीडियावर अफवा पसरविणा-यांवर करण्यात येणारी कारवाई, राज्यातील महिला, बालके आणि वृध्दांच्या सुरक्षिततेसाठी गृहविभागामार्फत राबविण्यात येणाऱ्या उपाययोजना, सामाजिक ऐक्य व शांतता राखण्यासाठी जिल्हास्तरावर तसेच गावस्तरावर केले जाणारे प्रयत्न, ट्रान्सफॅार्म महाराष्ट्र संकल्पना याबाबतची माहिती श्री. गुप्ता यांनी दिलखुलास कार्यक्रमातून दिली आहे.
००००
Comments
Post a Comment