दुष्काळ परिस्थितीबाबत पाहणीसाठी पालकमंत्र्यांचा जिल्हाभर दौरा दुष्काळ जाहीर करण्याबाबत लवकरच निर्णय - पालकमंत्री प्रवीण पोटे पाटील
-
अमरावती, दि. 21: अमरावती जिल्ह्यातील दुष्काळसदृश परिस्थितीची पाहणी करण्यासाठी पालकमंत्र्यांनी जिल्ह्यात विविध ठिकाणी पाहणी दौरा करत आहेत. दुष्काळ जाहीर करण्याबाबत लवकरच निर्णय जाहीर करण्यात येईल, असे पालकमंत्री प्रवीण पोटे पाटील यांनी आज सांगितले.
जिल्ह्यातील तिवसा,अंजनगाव सुर्जी, दर्यापूर, तसेच चिखलदरा तालुक्यातील आडनदी, मडकी, बोरी, सलोना, लिनझरा गावात व प्रत्यक्ष शेतशिवारात जाऊन दुष्काळग्रस्त भागांची पाहणी पालकमंत्री श्री. पोटे पाटील यांनी केली.
दौ-यादरम्यान पालकमंत्र्यांनी शेतकरी, शेतमजूर, गावकरी यांच्याशी संवाद साधून परिस्थितीची माहिती घेतली. दि. 31 ऑक्टोबरपर्यंत दुष्काळग्रस्त भाग जाहीर करण्यासाठी आवश्यक ती प्रशासकीय कार्यवाही करण्याचे निर्देश त्यांनी जिल्हाधिकारी, जिल्हा कृषी अधिक्षक, तहसीलदार, तालुका कृषी अधिकारी, उपविभागीय महसूल अधिकारी यांना दिले आहेत.
मुख्यमंत्री देवेंद्र फडणवीस यांनी अमरावती दौऱ्यात दुष्काळ जाहीर करण्याबाबतची कार्यवाही लवकरच करू असे जाहीर केले होते. त्याप्रमाणे जिल्हा प्रशासनाकडून कार्यवाही सुरु आहे, असेही ते म्हणाले.
00000
Comments
Post a Comment