वैद्यकीय अधिकाऱ्यांचे प्रलंबित वेतन देण्यासाठी जिल्ह्याला 4 कोटी 30 लक्ष प्राप्त पालकमंत्री ॲड. यशोमती ठाकूर यांच्या पाठपुराव्याने तत्काळ निधी मिळाला
वैद्यकीय अधिकाऱ्यांचे प्रलंबित वेतन देण्यासाठी जिल्ह्याला 4 कोटी
30 लक्ष प्राप्त
पालकमंत्री ॲड. यशोमती ठाकूर यांच्या पाठपुराव्याने तत्काळ निधी मिळाला
अमरावती दि
11 : जिल्ह्यात नियमित आरोग्य सेवा देणा-या वैद्यकीय अधिका-यांचे वेतन पाच महिन्यांपासून
प्रलंबित असल्यामुळे वैद्यकीय अधिका-यांतर्फे आरोग्य विभागाला निवेदन देऊन संप आंदोलनाचा
इशारा दिला. या बाबीची तत्काळ दखल घेऊन जिल्ह्याच्या पालकमंत्री श्रीमती ॲड. यशोमती
ठाकूर यांनी घेऊन शासन स्तरावर पाठपुरावा केला. त्यामुळे जिल्ह्याला 4 कोटी 30 लक्ष
रुपयांचा निधी प्राप्त झाला असून, लवकरच हे वेतन अदा करण्यात येईल, असे जिल्हा आरोग्य
अधिकारी डॉ. दिलीप रणमले यांनी आज सांगितले.
प्राथमिक आरोग्य केंद्र, उपकेंद्र येथील
स्थायी व अस्थायी नवनियुक्त वैद्यकीय अधिका-यांचे वेतन काही महिन्यांपासून प्रलंबित
होते. त्यामुळे या अधिका-यांनी आरोग्य विभागाला निवेदनाद्वारे संप आंदोलनाचा इशारा
दिला. या बाबीची माहिती मिळताच पालकमंत्र्यांनी अतिरिक्त मुख्य सचिव डॉ. प्रदीप व्यास,
संचालक डॉ. अर्चना पाटील यांच्याशी चर्चा केली व वैद्यकीय अधिका-यांचे वेतन तत्काळ
अदा करण्याचे निर्देश दिले.
त्यामुळे आरोग्य विभागाकडून सर्व नवनियुक्त
वैद्यकिय अधिकाऱ्यांचे नोव्हेंबर ते मार्च अशा पाच महिन्यांच्या वेतनाचे अदा करण्यासाठी
4 कोटी 30 लक्ष रुपये तात्काळ मंजूर करण्यात आला. हा निधी जिल्ह्याला प्राप्त झाला
आहे, अशी माहिती जिल्हा आरोग्य अधिका-यांनी दिली.
या निधीद्वारे संबंधित वैद्यकीय अधिका-यांचे वेतन
तत्काळ अदा करण्यात यावे. यापुढे कधीही वैद्यकीय अधिकारी, कर्मचा-यांचे वेतन प्रलंबित
राहता कामा नये, असे स्पष्ट निर्देश पालकमंत्र्यांनी दिले आहेत.
00000
Comments
Post a Comment