लेखा व कोषागारे विभागाची कला व क्रीडा स्पर्धा 27 जानेवारीपासून
लेखा व कोषागारे विभागाची कला व क्रीडा स्पर्धा 27 जानेवारीपासून
अमरावती, दि. 19 : वित्त विभागांतर्गत संचालनालय, लेखा व कोषागारे तथा स्थानिक निधी लेखा कर्मचारी कल्याण समितीमार्फत दि. 27 ते 29 जानेवारीदरम्यान श्री. हनुमान व्यायाम प्रसारक मंडळ येथे राज्यस्तरीय कला व क्रीडा स्पर्धेचे आयोजन करण्यात आले आहे. या स्पर्धेतंर्गत श्री. छत्रपती शिवाजी महाराज सांस्कृतिक सभागृह, मोर्शी रोड येथे सायंकाळी सांस्कृतिक कार्यक्रमाचे आयोजन करण्यात आले आहे.
राज्यस्तरीय कला व क्रीडा स्पर्धेत 13 वैयक्तिक व 4 सांघिक खेळांचा समावेश आहे. या स्पर्धेत वित्त विभागांतर्गत राज्यभरातून सुमारे 1500 खेळाडू व कलावंत सहभागी होणार आहेत. श्री. हनुमान व्यायाम प्रसारक मंडळाचे पद्मश्री प्रभाकरराव वैद्य यांच्या मार्गदर्शनाखाली हनुमान व्यायाम प्रसारक मंडळातील नामवंत खेळाडू, प्रशिक्षक व पंच, क्रीडा समितीच्या विभागीय अध्यक्षा शिल्पा पवार, स्थानिक निधी लेखा सहसंचालक दीपक भिलपवार, नगरपालिका लेखा परीक्षक राम चव्हाण तसेच संघटनचे पदाधिकारी, वित्त विभागील अधिकारी-कर्मचारी यांची क्रीडा स्पर्धेच्या नियोजनाबाबत नुकतीच बैठक झाली.
Comments
Post a Comment