दिलखुलास कार्यक्रमात श्राव्य लोकराज्य एकच लक्ष्य 13 कोटी वृक्ष

                मुंबई, दि. 25 : माहिती व जनसंपर्क महासंचालनालयाच्या जुलै महिन्यात प्रसिद्ध झालेला लोकराज्य अंक “एकच लक्ष्य 13 कोटी वृक्ष” यातील लेख “श्राव्य लोकराज्य” या स्वरूपात दिलखुलास कार्यक्रमात प्रसारित होणार आहे. आकाशवाणीच्या अस्मिता वाहिनीवरून गुरूवार दि. 26 आणि शुक्रवार दि. 27 जुलै रोजी सकाळी 7.25 ते 7.40 या वेळेत या श्राव्य स्वरूपातील लेखांचे प्रसारण होणार आहे. निवेदक राजेश राऊत यांनी कार्यक्रमाचे निवेदन केले आहे.

           लोकराज्य अंकात वन विभागाचे सचिव विकास खारगे लिखित ‘हवा सर्वांचा सहभाग’, बांबू संशोधन व प्रशिक्षण केंद्राचे संचालक राहुल पाटील लिखित ‘बांबू जीवनदायी कल्पतरू’,तसेच वन विभागाचे विशेष अधिकारी डी. एल. थोरात लिखित ‘वेगळी हरित क्रांती’ या लेखांतून त्यांनी हरित महाराष्ट्र घडविण्याचा संदेश दिला आहे.

००००