अनाथ प्रमाणपत्रामुळे जयदीप होणार डॉक्टर

 अनाथ प्रमाणपत्रामुळे जयदीप होणार डॉक्टर

अमरावती, दि. १० : शिकण्याच्या ऐन उमेदीत त्याचे आई-वडील कोरोनामुळे दगावले. खूप शिकून मोठे होण्याची त्याची स्वप्न जवळपास धुळीला मिळाली होती. डोळ्यापुढे कोणताही आशेचा किरण दिसत नव्हता. अत्यंत हुशार असलेल्या जयदीप ला डॉक्टर व्हायचं होतं. पण हे स्वप्न पूर्ण करण्यासाठी त्याचे आई-वडील आता त्याच्यासोबत नव्हते. घरी कोणीही कमावणारा नाही त्यामुळे शिक्षणाचा खर्च कोण करणार आणि वैद्यकीय महाविद्यालयात प्रवेश तरी कसा घ्यायचा अशा अनेक अडचणी त्याच्या समोर उभ्या होत्या. 

बुलढाणा जिल्ह्यातल्या जामखेड तालुक्यातील चिखली या गावचा जयदीप रामभाऊ भाकडे हा विद्यार्थी भविष्याची स्वप्न उराशी कवटाळून निराश झाला होता.पण अशा वेळेस त्याच्यासोबत उभ्या राहिल्या राज्याच्या महिला आणि बालविकास मंत्री एडवोकेट यशोमती ठाकूर. एडवोकेट ठाकूर यांनी जयदीप ला अनाथ प्रमाणपत्र मिळवून देण्यास मदत केली. जयदीप नेम वैद्यकीय प्रवेशासाठी असलेल्या प्रवेश परीक्षेत १४५  गुणांची कमाई केली मात्र या गुणांवर त्याला शासकीय वैद्यकीय महाविद्यालयात प्रवेश मिळू शकत नव्हता आणि खाजगी विद्यालयात जाण्यासाठी त्याच्याकडे पैसे नव्हते. यावेळी त्याला मदत झाली ती केवळ अनाथ प्रमाणपत्राची. या प्रमाणपत्राच्या आधारे मिळालेल्या आरक्षणाच्या सहाय्याने त्याला औरंगाबाद जिल्ह्यातील घाटी येथील शासकीय वैद्यकीय महाविद्यालयात प्रवेश मिळाला. इतकेच काय जयदीप ला प्रवेश मिळाल्यानंतर चिखली येथील दानशूर व्यक्ती श्री कोठारी यांनी पुढील पाच वर्षांकरिता जयदीप ला शिक्षणासाठी दरमहा दहा हजार रुपये देण्याचे कबूल केले आहे. 

राज्याचे महिला आणि बालविकास मंत्री एडवोकेट यशोमती ठाकूर यांनी अनाथ बालकांसाठी आरक्षणाचे विधेयक पास करण्यासाठी घेतलेल्या परिश्रमाचा फायदा आता जयदीपसारख्या अनेक अनाथ विद्यार्थ्यांना होतो आहे. विद्यार्थ्यांना शैक्षणिक आणि नोकरीसाठी मिळालेल्या एक्का आरक्षणातून अनेक तरुणांचे भविष्य उज्ज्वल होणार यात शंका नाही.

०००