जुलै-ऑगस्टमध्ये होणाऱ्या दहावी व बारावी परीक्षेचे प्रवेशपत्र ऑनलाईन उपलब्ध
जुलै-ऑगस्टमध्ये होणाऱ्या
दहावी व बारावी परीक्षेचे प्रवेशपत्र ऑनलाईन उपलब्ध
अमरावती, दि. 15 (विमाका) : इयत्ता बारावीच्या जुलै-ऑगस्ट 2022 मध्ये होणाऱ्या परीक्षेची प्रवेशपत्रे ऑनलाईन पध्दतीने मंडळाच्या www.mahahsscboard.in याा संकेतस्थळावर शनिवार दि. ९ जुलैपासुन तर इयत्ता दहावीची प्रवेशपत्रे ऑनलाईन पध्दतीने दि. १४ जुलैपासून संकेतस्थळावर उपलब्ध आहेत. या संदर्भात काही तांत्रिक अडचण उद्भवल्यास उच्च माध्यमिक शाळा/कनिष्ठ महाविद्यालयांनी विभागीय मंडळाकडे संपर्क साधावा. असे राज्य मंडळाकडुन कळविण्यात आले आहे.
प्रवेशपत्रामध्ये विषय व माध्यम बदल असतील तर त्यांच्या दुरुस्त्या उच्च माध्यमिक शाळा/कनिष्ठ महाविद्यालयांनी विभागीय मंडळात जाऊन करुन घ्यावयाच्या आहेत. फोटो सदोष असल्यास त्यावर विद्यार्थ्यांचा फोटो चिकटून त्यावर संबंधित मुख्याध्यापक/प्राचार्य यांनी शिक्का मारुन स्वाक्षरी करावी.
जुलै-ऑगस्ट २०२२ मध्ये उच्च माध्यमिक प्रमाणपत्र इयत्ता बारावी परीक्षेसाठी प्रविष्ठ झालेले सर्व विद्यार्थी, पालक, शिक्षक, मुख्याध्यापक/प्राचार्य, सर्व उच्च माध्यमिक शाळा/कनिष्ठ महाविद्यालये या बाबींची नोंद घेऊन त्याप्रमाणे उचित कार्यवाही करावी. प्रवेशपत्र ऑनलाईन पध्दतीने प्रिंटीग करताना महाविद्यालयांनी विद्यार्थ्यांकडून वेगळे शुल्क घेऊ नये. या प्रवेशपत्राची प्रिंट काढून त्यावर मुख्याध्यापकांचा/प्राचार्यांचा शिक्का मारुन स्वाक्षरी करावी व ते ओळखपत्र विद्यार्थ्यांना देण्यात यावे. असे राज्य मंडळाचे सचिव डॉ. अशोक भोसले यांनी कळविले आहे.
००००००
Comments
Post a Comment