दारिद्र्यरेषेखालील दहावी उत्तीर्ण मुलींसाठी विनामूल्य अभ्यासक्रम
दारिद्र्यरेषेखालील दहावी उत्तीर्ण मुलींसाठी विनामूल्य अभ्यासक्रम
अमरावती, दि. 21 : सिंबायोसिस विद्यापीठ आणि फियाट इंडिया ऑटोमोबाईलमार्फत गरीब घटकातील मुलींना गुणवत्तापूर्ण शिक्षण मिळण्यासाठी दोन वर्षांचा निवासी विनामूल्य अभ्यासक्रम राबविण्यात येत आहे. त्यासाठी जिल्ह्यातील विद्यार्थींनीनी अर्ज करण्याचे आवाहन जिल्हाधिकारी पवनीत कौर यांनी केले आहे.
दहावी उत्तीर्ण झालेल्या दारिद्र्यरेषेखालील गटातील दहावी उत्तीर्ण विद्यार्थिनींसाठी ‘डिप्लोमा इन मॅन्युफॅक्चरिंग एक्सलन्स’ हा दोन वर्षाचा निवासी विनामूल्य अभ्यासक्रम सुरु करण्यात आला आहे. या अभ्यासक्रमाला प्रवेश घेण्याची अंतिम मुदत 30 जुलै 2022 आहे. इच्छुक विद्यार्थिनींनी अर्ज करण्याचे आवाहन करण्यात आले आहे.
या अभ्यासक्रमात उत्पादन, गुणवत्ता, देखभाल, पुरवठा साखळी, माहिती तंत्रज्ञान, औद्योगिक सुरक्षा, कार्यसंस्कृती, टीमवर्क आणि कम्युनिकेशन स्किल्स यांचा समावेश आहे. हा अभ्यासक्रम विनामूल्य राहील. हा सेवा आणि उत्पादन क्षेत्रातील रोजगारभिमुख पदविका अभ्यासक्रम आहे.
प्रवेशासाठी दहावी उत्तीर्ण व महाराष्ट्रातील रहिवाशी असल्याचे प्रमाणपत्र असणे आवश्यक आहे. वयोगट 16 ते 19 वर्षे दरम्यानच्या विद्यार्थिनींनी दि. 30 जुलैपूर्वी अर्ज करावा. अधिक माहितीसाठी 9588467393 तसेच 9699179680 या दूरध्वनी क्रमांकावर संपर्क साधण्याचे आवाहन करण्यात येत आहे.
0000
Comments
Post a Comment