राष्ट्रीय निवृत्ती वेतन योजनेचे प्रशिक्षण

23 ऑगस्ट पासुन

       अमरावती, दि.20 (जिमाका): वरिष्ठ कोषागार कार्यालयातर्फे जिल्हा स्तरावर आहरण व संवितरण अधिकाऱ्यांकरीता सहसंचालक कार्यालय, लेखा-कोष भवन, विद्यापीठ रोड, अमरावती येथे प्रशिक्षण आयोजित केले आहे.

          यामध्ये राष्ट्रीय निवृत्ती वेतन योजना व त्यांचे फायदे, सेवानिवृत्ती नंतरचे लाभ, आहरण व संवितरण अधिकाऱ्यांनी करायची विस्तृत कार्यपद्धती, प्राण कीटचा वापर, कर्मचाऱ्यांच्या माहिती दुरुस्ती करण्यासाठी सविस्तर माहिती देण्यात येणार आहे. या प्रशिक्षणात आहरण व संवितरण अधिकारी, वेतन देयक लिपीक व एनपीएस बाबत माहितीगार कर्मचारी यांनी उपस्थित राहावे. आहरण अधिकाऱ्यांनी सीएसआरएफ फार्मची माहिती सोबत आणावी. हे प्रशिक्षण महत्वाचे असून यासाठी संबंधितांनी उपस्थित रहावे. 23 ते 26 ऑगस्ट रोजी सकाळी 10 ते दुपारी 1 वाजेपर्यत प्रशिक्षण होईल, असे वरिष्ठ कोषागार अधिकारी व्यं. व. जोशी यांनी कळविले आहे. 

                                                                        00000

सामाजिक सलोख्यासाठी गणेशोत्सव अभियान राबवावे- पालकमंत्री

       अमरावती, दि.20 (जिमाका): लोकमान्य टिळकांच्या संकल्पनेतुन यावर्षी लोकमान्य महोत्सव व सार्वजनिक गणेशोत्सव अभियान राबविण्यात येणार आहे. सामाजिक सलोख्यासाठी प्रशासनाने गणेशोत्सव अभियान राबवावे, असे आवाहन पालकमंत्री प्रवीण पोटे यांनी केले.

          व्हिडीओ कॉन्फरन्स द्वारे वित्त मंत्र्यांनी याबाबत चर्चा केली. त्यानुसार काल (19 ऑगस्ट) रोजी संगीतसुर्य केशवराव भोसले सभागृहात पालकमंत्री यांच्या अध्यक्षतेखाली बैठक पार पडली. यावेळी अपर जिल्हाधिकारी खुशालसिंह परदेसी, अतिरिक्त पोलीस आयुक्त मकानदार, पोलीस उपायुक्त मोरेश्वर आत्राम उपस्थित होते.

          यावेळी लोकमान्य महोत्सव समिती सदस्य संजय फांजे यांनी सार्वजनिक गणेशोत्सव मंडळांना मार्गदर्शन केले. प्रत्येक तालुक्यातुन सार्वजनिक गणेश मंडळांनी या अभियानात सामील व्हावे, असे आवाहन त्यांनी केले.

          टिळकांनी सुरु केलेल्या गणेशोत्सवात राष्ट्रीय एकात्मता अबाधित राहण्याच्या दृष्टीने उपक्रम राबवावे, पर्यावरण पुरक गणेशोत्सव असावा अशा सुचनाही पालकमंत्री यांनी दिल्या.

                                                                        00000

जलयुक्त शिवार अभियानातील अपुर्ण कामे पूर्ण करण्यासाठी

डिसेंबर पर्यत मुदतवाढ

*विभागात 143327 टीसीएम जलसाठा निर्माण

जलसंधारण मंत्री प्रा. राम शिंदे

       अमरावती, दि.19 (जिमाका): जलयुक्त शिवार हा महाराष्ट्‌र शासनाचा अत्यंत महत्वकांक्षी कार्यक्रम असुन या अभियानांतर्गत सन 15-16 या वर्षापासुन पुढील पांच वर्षे दर वर्षी 5 हजार याप्रमाणे 25 हजार गावें टंचाईमुक्त करण्याचे शासनाने निश्चित केले आहे. त्यानुसार राज्यात सन 15-16 मध्ये 6202 गावांची तर 16-17 मध्ये 5281 गावांची निवड करण्यात आली आहे. अमरावती विभागात 1369 गावें 15-16 मध्ये निवडण्यात आली आहे. या गावातील अपुर्ण असलेली कामे तातडीने पुर्ण करता यावी म्हणुन डिसेंबर 2016 पर्यत मुदतवाढ देण्यात आली आहे. तसेच सन 2016-17 या वर्षातील निवडण्यात आलेल्या गावातील कामे मार्च 2017 पर्यत पूर्ण करण्यात यावी, असे निर्देश जलसंधारण मंत्री राम शिंदे यांनी दिलेत.

येथील विभागीय आयुक्त कार्यालयाच्या सभागृहात जलसंधारण मंत्री प्रा. राम शिंदे यांच्या अध्यक्षतेखाली अमरावती विभागातील जलसंधारण विभागाच्या योजनांचा आढावा घेण्यात आला. यावेळी ते बोलत होते. कृषि मंत्री पांडुरंग फुंडकर, पालकमंत्री प्रवीण पोटे, जिप. अध्यक्ष सतीश उईके, आमदार सर्वश्री डॉ. सुनील देशमुख, डॉ. अनिल बोंडे, रमेश बुंदीले, विरेंद्र जगताप, यशोमती ठाकुर, राजेंद्र पाटणी, आकाश फुंडकर, डॉ. शशीकांत खेडेकर, संजय रायबोलकर, रणधीर सावरकर, अमीत झनक, प्रकाश भारसाकळे, जलसंधारण विभागाचे सचिव पुरुषोत्तम भापकर, प्रभारी विभागीय आयुक्त किरण गित्ते, विभागातील सर्व जिल्हाधिकारी, मुख्य कार्यकारी अधिकारी, कृषि विभागातील वरिष्ठ अधिकारी उपस्थित होते.

ना. शिंदे म्हणाले, अमरावती विभागात सन 15-16 या वर्षात निवडलेल्या 1396 गावांमध्ये 33255 कामे पूर्ण झाली आहे. 3560 कामे प्रगतीपथावर आहेत. सन 16-17 मध्ये निवडलेल्या 998 गावांपैकी 329 गावात 864 कामे पुर्ण झाले असुन 399 कामे प्रगतीपथावर आहेत. या कामावर मागील वर्षी 674 कोटी रुपये खर्च झाले आहेत. या वर्षातही आतापर्यत 22 कोटी निधी खर्च झाला आहे. या सर्व कामामुळे विभागात 149326 टीसीएम एवढा जलसाठा क्षमता निर्माण झाली असुन 2 दोन संरक्षित सिंचन दिल्यास सुमारे 85249 लक्ष हेक्टर क्षेत्रास लाभ होणार आहे.

जलयुक्त शिवार अभियानाची प्रभावी अमलबजावणी करण्यासाठी जलसंधारण, कृषि व जलसंपदा विभागातील रिक्त पदे प्रधान्याने भरण्याचा निर्णय घेण्यात आला आहे. अमरावती, अकोला, बुलढाणा जिल्ह्यातील खारपान पट्ट्यात जलयुक्त अभियानांतर्गत विशेष योजना राबविण्याचे ठरविले आहे. कोल्हापुर पद्धतीच्या बंधाऱ्याची जुनी, नवी कामे तातडीने पुर्ण करण्यासाठी विशेष अनुदान उपलब्ध करुन देऊ, या बंधाऱ्यातील वाया जाणारे पाणी अडविण्यासाठी 15 ऑक्टोंबर पर्यत कार्यवाही करावी, पाणी वाटप संस्था करीता ज्यांनी-ज्यांनी प्रस्ताव सादर केले आहे. त्यास मंजुरी द्यावी, असे ते म्हणाले.

टंचाईची परिस्थितीवर तातडीने मात करण्यासाठी स्थानीक गरजा लक्षात घेऊन पिण्याचे पाणी, जनावरांसाठी पाणी, संरक्षित सिंचन या सर्वांना पुरेल एवढे वॉटर बजट तयार करण्यासाठी सूचना देण्यात आलेल्या आहेत.

 प्रारंभी उपस्थितांचे स्वागत करुन प्रभारी विभागीय आयुक्त किरण गित्ते यांनी विभागातील जलयुक्त शिवार अभियानांतर्गत घेण्यात आलेल्या कामाची माहिती दिली. ते म्हणाले लोक सहभागातुन मागील वर्षी 651 गावात 2618 कामे सुरु आहेत. याद्वारे 10792252 लाख घनमीटर गाळ काढण्यात आला आहे. लोकसहभागाची कींमत 102 कोटी रुपये आहे. यावर्षी 13 गावात 58 लोक सहभागाची कामे सुरु आहेत. 225300 लाख घनमीटर गाळ काढण्यात आला आहे.

यावेळी कृषि मंत्री पांडुरंग फुंडकर, पालकमंत्री प्रवीण पोटे यांनी जलयुक्त शिवार अभियानाच्या यशस्वी अमलबजावणी साठी अधिकाऱ्यांना निर्देश दिले.

                                                                        00000

राज्यमंत्री महसुल संजय राठोड यांचा दौरा

       अमरावती, दि.19 (जिमाका): राज्यमंत्री तथा पालकमंत्री यवतमाळ संजय राठोड यांचा दि. 20 ऑगस्ट रोजीचा दौरा कार्यक्रम पुढील प्रमाणे.

राज्यमंत्री महसुल संजय राठोड हे दि.20 ऑगस्ट रोजी सकाळी 10 वा. शासकीय विश्रामगृह, अमरावती येथे येतील व वेळ राखीव.  सकाळी 10.05 वा. मनोर मांगल्य मंगल कार्यालय येथे आयोजित विवाह सोहळ्यास उपस्थित राहतील. सकाळी 11 वा. शासकीय विश्रामगृह, अमरावती येथे आगमन व राखीव. दुपारी 12 वा. शासकीय वाहनाने नेर कडे प्रयाण करतील.

                                                                        00000

अत्याधुनिक सीटी स्कॅन मशीनचे पालकमंत्र्यांच्या हस्ते लोकार्पण

*अत्याधुनिक आरोग्य सुविधा उपलब्ध करुन देणार- पालकमंत्री

       अमरावती, दि.19 (जिमाका): जिल्हा सामान्य रुग्णालयातील बहुप्रतिक्षीत सीटी स्कॅन मशीनचे लोकार्पण आज पालकमंत्री प्रवीण पोटे पाटील यांच्या हस्ते करण्यात आले. सामान्य रुग्णालयात येणाऱ्या गोरगरीब रुग्णांना या सीटी स्कॅन मशीनच्या माध्यमातून आरोग्य सेवा पुरविण्यात येणार आहे. रुग्णांच्या आरोग्याशी संबंधीत या मशीनच्या उपलब्धतेसाठी जिल्हा नियोजन समितीतुन 2 कोटी 42 लक्ष रुपयांचा निधी पालकमंत्र्यांनी उपलब्ध करुन दिला.

यावेळी व्यासपीठावर महापौर चरणजीत कौर नंदा, आमदार सर्वश्री डॉ. अनिल बोंडे, डॉ. सुनील देशमुख, ॲड. श्रीमती यशोमती ठाकुर, जिल्हा शल्य चिकित्सक डॉ. अरुण राऊत, सुपर स्पेशालीटीचे अधीक्षक डॉ. श्यामसुंदर सोनी व आरोग्य यंत्रणेचे सर्व पदाधिकारी उपस्थित होते.

प्रास्ताविक डॉ. अरुण राऊत यांनी केले. त्यांनी 2011 पासून मशीन बंद असल्यामुळे रुग्णांना आरोग्य सुविधा पुरविण्यास अडचणे येत होती मात्र आता आज लोकार्पण झालेली ही मशीन उद्यापासुन कार्यरत होणार असून रुग्णांसाठी सक्षम सुविधा सामान्य रुग्णालयातर्फे उपलब्ध करुन देण्यात येणार आहे. यावेळी जिल्हा शल्य चिकित्सकांनी रुग्णालयातर्फे पुरविण्यात येणाऱ्या आरोग्य सेवांचा धावता आढावा घेतला. पालकमंत्र्यांनी बर्न वाडर् मध्ये 20 एअर कंडीशनर उपलब्ध करुन दिल्याबद्दल त्यांनी विशेष आभार व्यक्त केले. सीटी स्कॅन मशीन साठी रेडियोलॉजीस्ट म्हणुन काम करणारे डॉक्टर अजय कडुकर, डॉ. काळे, डॉ. कपाळे आदींचा सत्कार पालकमंत्र्यांच्या हस्ते करण्यात आला.

सीटी स्कॅन मशीन उपलब्ध करुन देण्याचा निर्णय हा सर्व आमदारांच्या सहभागाने डीपीसी निधीमधुन सर्व सहमतीने असल्याचे सांगून पालकमंत्री म्हणाले कि, लोकसहभागातून आरोग्य सेवेचा कायापालट करता येऊ शकतो. सामान्य रुग्णालयातील प्रत्येक वार्ड हा सुसज्य व चांगला असला पाहिजे. तीन महिन्यात सामान्य रुग्णालयासाठी 20 एलसीडी टीवी, 10 वॉटर कुलर व 20 एअर कंडीशनर आपण लोकसहभागातून उपलब्ध करुन दिल्याचे डायलीसीस व अन्य महत्वाच्या मशीन लवकर उपलब्ध करुन देण्याचा आपला प्रयत्न असल्याचे त्यांनी सांगितले. अमरावती जिल्ह्यातील कोणत्याही रुग्णाला पुढील उपचारासाठी मुंबई, नागपुरला न जाता शहरातच सामान्य रुग्णालयात सर्व सुविधा उपलब्ध करुन देण्याचा शासनाचा प्रयत्न आहे. इर्विन, डफरीन रुग्णालयातील अधिकारी-कर्मचाऱ्यांचे काम समाधानकारक असल्याचे उदगार त्यांनी काढले. लवकरच अमरावतीत सार्वजनिक खाजगी भागीदारीतून (पीपीपी) वैद्यकीय महाविद्यालय आणणार असल्याचे ही त्यांनी सांगितले. यावेळी सर्व आमदारांनी आपले मनोगत व्यक्त केले.

कार्यक्रमाला रुग्णांचे नातेवाईक, नर्सेस व इतर गणमान्य नागरिक मोठ्या संख्येने उपस्थित होते. यावेळी सीटी स्कॅन मशीन उपलब्ध करुन दिल्याबद्दल मैत्री संघठनेतर्फे पालकमंत्र्यांचा सत्कार करण्यात आला. कार्यक्रमाचे संचालन उमेश आगरकर व आभार अजय साखरे यांनी मानले.

* सीटी स्कॅन मशीनची वैशिष्ट्ये

* जापान मेड तोशिबा टेक्नॉलॉजी ची कंपनी

* एकावेळी 10 रुग्णांची तपासणी करणार

* मॉडेल एलेक्झीयन व्ही 6

* रेडियोलॉजीस्ट डॉ. अजय कडूकर व टेक्नीशियन शैलेश काळे हे मशीनचे कामकाज सांभाळतील.

                                                                        00000

राज्यमंत्री डॉ.रणजित पाटील 19 ऑगस्ट रोजी 

अमरावती जिल्हा दौऱ्यावर

          अमरावती, दि.18 : गृह (शहरे), नगरविकास, सामान्य प्रशासन, नगरविकास, बंदरे, विधी व न्याय, संसदिय कार्य, माजी सैनिकांचे कल्याण, कौशल्य विकास आणि उद्योजकता राज्यमंत्री डॉ.रणजित पाटील दि.19 ऑगस्ट, 2016 रोजी अमरावती जिल्हा दौऱ्यावर येत असुन दौरा कार्यक्रम पुढीलप्रमाणे आहे.

          दि. 19 ऑगस्ट, 16 रोजी  सकाळी 9 वाजता शासकीय विश्रामगृह, परतवाडा येथे आगमन, प्रा. तोंडगावकर यांचे घरी सदिच्छा भेट आणि नंतर विविध स्थानिक शाळांना सदिच्छा भेट. दुपारी 1.15 वा. करजगांव ता. चांदूरबाजार येथे आगमन व भाऊसाहेब पुण्यतिथी सोहळ्यास उपस्थिती. दुपारी 2 वा. शिरजगांव कसबा येथील विविध स्थानिक कार्यक्रमांस उपस्थिती. दुपारी 2.30 वा. ब्राम्हणवाडा येथील विविध स्थानिक कार्यक्रमांस उपस्थिती. दुपारी 3.30 वा. घाटलाडकी येथील विविध स्थानिक कार्यक्रमांस उपस्थिती.

          सायं. 5.30 वा. चांदूरबाजार येथील विविध स्थानिक कार्यक्रमांस उपस्थिती. सायं. 6.30 वा. माधान येथील विविध स्थानिक कार्यक्रमांस उपस्थिती. सायं. 7.30 वा. देऊरवाडा येथील विविध स्थानिक कार्यक्रमांस उपस्थिती आणि प्रा. असवार यांचे घरी सदिच्छा भेट. सोयीनुसार देऊरवाडा येथून मोटारीने अमरावती, नेर, दारव्हा, दिग्रस मार्गे पुसद कडे प्रयाण.

00000

कृषि व फलोत्पादन मंत्री पांडुरंग फुंडकर यांचा

19 ऑगस्ट रोजीचा अमरावती जिल्हा दौरा

       अमरावती, दि.18 : कृषि व फलोत्पादन मंत्री पांडुरंग उपाख्य भाऊसाहेब फुंडकर हे दि. 19 ऑगस्ट, 2016 रोजी अमरावती जिल्हा दौऱ्यावर येत आहे. त्यांचा दौरा कार्यक्रम पुढील प्रमाणे.

          दि.19 ऑगस्ट, 16 रोजी दुपारी 12.30 वाजता आगमन व जलसंधारणाच्या योजनांचा विभागीय स्तरावरुन जिल्हानिहाय आढावा घेण्यासाठी आयोजित केलेल्या बैठकिस उपस्थिती. स्थळ- विभागीय आयुक्त यांचे कार्यालय, अमरावती. त्यानंतर 1.30 वा. शासकीय विश्राम गृह अमरावती आगमन व राखीव. दु.4.30 खामगाव जि.बुलडाणा कडे प्रयाण करतील.

00000

राज्यमंत्री डॉ.रणजित पाटील 19 ऑगस्ट रोजी 

अमरावती जिल्हा दौऱ्यावर

          अमरावती, दि.18 : गृह (शहरे), नगरविकास, सामान्य प्रशासन, नगरविकास, बंदरे, विधी व न्याय, संसदिय कार्य, माजी सैनिकांचे कल्याण, कौशल्य विकास आणि उद्योजकता राज्यमंत्री डॉ.रणजित पाटील दि.19 ऑगस्ट, 2016 रोजी अमरावती जिल्हा दौऱ्यावर येत असुन दौरा कार्यक्रम पुढीलप्रमाणे आहे.

          दि. 19 ऑगस्ट, 16 रोजी  सकाळी 9 वाजता शासकीय विश्रामगृह, परतवाडा येथे आगमन, प्रा. तोंडगावकर यांचे घरी सदिच्छा भेट आणि नंतर विविध स्थानिक शाळांना सदिच्छा भेट. दुपारी 1.15 वा. करजगांव ता. चांदूरबाजार येथे आगमन व भाऊसाहेब पुण्यतिथी सोहळ्यास उपस्थिती. दुपारी 2 वा. शिरजगांव कसबा येथील विविध स्थानिक कार्यक्रमांस उपस्थिती. दुपारी 2.30 वा. ब्राम्हणवाडा येथील विविध स्थानिक कार्यक्रमांस उपस्थिती. दुपारी 3.30 वा. घाटलाडकी येथील विविध स्थानिक कार्यक्रमांस उपस्थिती.

          सायं. 5.30 वा. चांदूरबाजार येथील विविध स्थानिक कार्यक्रमांस उपस्थिती. सायं. 6.30 वा. माधान येथील विविध स्थानिक कार्यक्रमांस उपस्थिती. सायं. 7.30 वा. देऊरवाडा येथील विविध स्थानिक कार्यक्रमांस उपस्थिती आणि प्रा. असवार यांचे घरी सदिच्छा भेट. सोयीनुसार देऊरवाडा येथून मोटारीने अमरावती, नेर, दारव्हा, दिग्रस मार्गे पुसद कडे प्रयाण.

00000

कृषि व फलोत्पादन मंत्री पांडुरंग फुंडकर यांचा

19 ऑगस्ट रोजीचा अमरावती जिल्हा दौरा

       अमरावती, दि.18 : कृषि व फलोत्पादन मंत्री पांडुरंग उपाख्य भाऊसाहेब फुंडकर हे दि. 19 ऑगस्ट, 2016 रोजी अमरावती जिल्हा दौऱ्यावर येत आहे. त्यांचा दौरा कार्यक्रम पुढील प्रमाणे.

          दि.19 ऑगस्ट, 16 रोजी दुपारी 12.30 वाजता आगमन व जलसंधारणाच्या योजनांचा विभागीय स्तरावरुन जिल्हानिहाय आढावा घेण्यासाठी आयोजित केलेल्या बैठकिस उपस्थिती. स्थळ- विभागीय आयुक्त यांचे कार्यालय, अमरावती. त्यानंतर 1.30 वा. शासकीय विश्राम गृह अमरावती आगमन व राखीव. दु.4.30 खामगाव जि.बुलडाणा कडे प्रयाण करतील.

00000

अमरावती जिल्हा रुग्णालयातील सिटी स्कॅन चा

आज लोकार्पण सोहळा  

       अमरावती, दि.18 (जिमाका) : जिल्हा जिल्हा नियोजन समिती अमरावती यांच्या माध्यमातून प्राप्त झालेल्या 2 कोटी 42 लक्ष रुपये निधीच्या माध्यमातून नव्याने स्थापित करण्यात आलेल्या सिटी स्कॅन मशिनचा शुभारंभ पालकमंत्री प्रविण पोटे यांच्या हस्ते आज दुपारी 2 वाजता ज्ल्हिा रुग्णालय येथे होणार आहे. या समाराभाच्या अध्यक्षस्थानी आमदार सुनिल देशमुख राहणार असून खासदार, आमदार, जिल्हा नियोजन मंडळाचे सदस्य, जिल्हा परिषद व महानगरपालिका यांचे प्रतिनिधी, विविध सामाजिक संघटनेचे प्रतिनिधी यांना निमंत्रीत केले आहे. आरोग्य विभागाच्या सचिव श्रीमती सुजाता सौनिक मॅडम, आरोग्य संचालक डॉ.जाधव , अतिरिक्त संचालक पाटील मॅडम, तसेच पोलिस महासंचालक दत्तात्रय मंडलिक, विशेष पोलिस महानिरिक्षक विठ्ठल जाधव आदि मान्यवर या सोहळ्यास उपस्थित राहाणार आहेत.

          तरी सर्वांनी या समारंभास उपस्थित रहावे असे आवाहन जिल्हा शल्य चिकित्सक डॉ. अरुण राऊत यांनी केले आहे.

                                                00000 

या वर्षाचा गणेशोत्सव शासनाच्यावतीने

लोकमान्य टिळकांच्या संकल्पनेतून साजरा करणार

मंडळांच्या स्पर्धांची माहिती देण्यासाठी

19 ऑगस्ट रोजी 5 वा. सभेचे आयोजन

          अमरावती, दि.17 (जिमाका) : या वर्षीचा गणेशोत्सव शासनाच्या वतीने लोकमान्य महोत्सव व सार्वजनिक गणेशोत्सव अभियान हा लोकमान्य टिळकांच्या संकल्पनेतून साजरा करण्याचे निश्चित केले आहे. राज्याचे वित्त, नियोजन व वनमंत्री सुधिर मुनगंटीवार यांनी नुकतीच व्हिडिओ कॉन्फरन्सद्वारे जिल्हाधिकाऱ्यांशी चर्चा केली यावेळी त्यांनी हे निर्देश दिले असल्याची माहिती जिल्हाधिकारी किरण गित्ते यांनी दिली.  

          गित्ते म्हणाले की, लोकमान्य महोत्सवाच्या निमित्ताने सार्वजनिक गणेशोत्सव मंडळाच्या स्पर्धांचे आयोजन करण्यात आले आहे. या स्पर्धेत प्रत्येक तालुक्यातील सार्वजनिक गणेशोत्सव मंडळांनी सहभागी व्हावे असे अपेक्षित असुन स्पर्धेची सविस्तर माहिती देण्यासाठी व मंडळांना सहभागी करुन घेण्यासाठी शासनाच्या वतीने आवाहन करण्याकरीता लोकमान्य महोत्सव समितीचे सदस्य संजय फांजे हे अमरावती येथे येत असुन दि.19 ऑगस्ट, 16 रोजी सायं.5 वाजता संगितसुर्य केशवराव भोसले सभागृह, शासकीय विदर्भ ज्ञान विज्ञान संस्था, अमरावती (जुने व्हिएमव्ही कॉलेज) येथे आयोजन करण्यात आले आहे. नोंदणीकृत गणेश मंडळाचे अध्यक्ष किंवा सचिवांनी सभेल उपस्थित रहावे असे आवाहन जिल्हाधिकारी यांनी केले आहे.

00000

जलसंधारण व राजशिष्टाचार मंत्री प्रा. राम शिंदे

19 ऑगस्ट रोजी जिल्हा दौऱ्यावर

          अमरावती, दि.17 (जिमाका) : जलसंधारण व राजशिष्टाचार मंत्री प्रा. राम शिंदे हे दि.19 ऑगस्ट रोजी जिल्हा दौऱ्यावर येत आहे. त्यांचा जिल्हा दौरा कार्यक्रम पुढील प्रमाणे.  

दि. 19 ऑगस्ट रोजी सकाळी 8 वा. नागपुर वरुन शासकीय मोटारीने अमरावती कडे निघतील. सकाळी 10 वा. शासकीय विश्रामगृह, अमरावती येथे आगमन. सकाळी 11 वा. विभागीय आयुक्त कार्यालय, अमरावती येथे आगमन व विभागातील सर्व जिल्ह्यातील लोकप्रतिनिधी समवेत आयोजित केलेल्या जलयुक्त शिवार व जलसंधारण विभागाच्या योजनांच्या एक दिवसीय आढावा बैठकीत उपस्थिती. सायं. 5 वा. विभागीय आयुक्त कार्यालय येथे पत्रकार परिषद. सायं. 6 वा. शासकीय मोटारीने गणेश विहार नं. 2 जगदाळे लेआऊट कडे प्रयाण. सायं. 6.15 वा. गणेश विहार नं. 2 जगदाळे लेआऊट येथे तुषार भारतीय यांच्या निवास स्थानी राखीव. रात्री. 7.30 वा. शासकीय मोटारीने बडनेरा रेल्वे स्टेशन कडे प्रयाण. सायं. 7.50 वा. विदर्भ एक्सप्रेस ने नाशिक कडे प्रयाण.

00000

राज्यपाल सी. विद्यासागर राव यांच्या हस्ते पुणे येथे

अमरावती प्रदेशातील 8 वन अधिकारी-कर्मचाऱ्यांचा गौरव

वनसंरक्षण, वन व वन्यजीव व्यवस्थापन व वनविस्तार क्षेत्रात उत्कृष्ट कार्य

       अमरावती,दि.16(जिमाका): वनसंरक्षण,वन्यजिव व्यवस्थापन व वनविस्तार क्षेत्रात सन 2013-14, 2014-15 या वर्षात उत्कृष्ट  कामगिरी करणाऱ्या अमरावती प्रदेशातील 8 वन अधिकारी व कर्मचाऱ्यांना सुवर्ण व रजत पदके देऊन मा.राज्यपाल  सी. विद्यासागर राव यांच्या हस्ते यशदा पुणे येथे नुकतेच गौरविण्यात आले अशी माहिती मुख्य वन संरक्षक संजीव गौड यांनी दिली.

          या समारंभास वित्त, नियोजन व वनमंत्री सुधीर मुनगंटीवार, जलसंपदा राज्यमंत्री विजय शिवतारे, राज्यमंत्री राजे अम्ब्रीशराव आत्राम, वन विभागाचे सचिव विकास खारगे, प्रधान मुख्य वनसंरक्षक (वनबल) सर्जन भगत यावेळी प्रामुख्याने उपस्थित होते.

          गौड म्हणाले की, मा.राज्यपाल महोदयांच्या हस्ते पुणे येथे झालेल्या गौरव समारंभात राज्यातील एकुण 48 अधिकारी व कर्मचाऱ्यांना सन्मानित करण्यात आले. मा.राज्यपाल यांच्या हस्ते असा कार्यक्रम राज्यात प्रथमच पार पडला आहे. वन मंत्री सुधिर मुनगंटीवार यांनी पदक विजेत्यांचे अभिनंदन करुन भविष्यातही उत्कृष्ट कामगिरी करण्याचा यावेळी संदेश दिला.

अमरावती प्रदेशातील 8 अधिकारी आणि कर्मचारी आहेत. यामध्ये निरंजन विवरेकर, सय्यद सलीम, गणेश माधव हिंगणीकर, परिक्षित डंभारे यांना सुवर्ण पदक तसेच शंकर बाबाराव बारखडे, अमोल चौधरी, सतिश दिलीप राठोड, राजेश घागरे यांना रजत पदक प्राप्त झाले.

          मेळघाट व्याघ्र प्रकल्पाचे क्षेत्र संचालक तथा मुख्य वन संरक्षक डॉ.दिनेशकुमार त्यागी, मुख्य वनसंरक्षक (प्रादेशिक) अमरावती संजीव गौड यांनीही पदक प्राप्त अधिकारी कर्मचाऱ्यांचे अभिनंदन केले आहे.

00000

राज्यपाल सी. विद्यासागर राव यांच्या हस्ते पुणे येथे

अमरावती प्रदेशातील 8 वन अधिकारी-कर्मचाऱ्यांचा गौरव

वनसंरक्षण, वन व वन्यजीव व्यवस्थापन व वनविस्तार क्षेत्रात उत्कृष्ट कार्य

       अमरावती,दि.16(जिमाका): वनसंरक्षण,वन्यजिव व्यवस्थापन व वनविस्तार क्षेत्रात सन 2013-14, 2014-15 या वर्षात उत्कृष्ट  कामगिरी करणाऱ्या अमरावती प्रदेशातील 8 वन अधिकारी व कर्मचाऱ्यांना सुवर्ण व रजत पदके देऊन मा.राज्यपाल  सी. विद्यासागर राव यांच्या हस्ते यशदा पुणे येथे नुकतेच गौरविण्यात आले अशी माहिती मुख्य वन संरक्षक संजीव गौड यांनी दिली.

          या समारंभास वित्त, नियोजन व वनमंत्री सुधीर मुनगंटीवार, जलसंपदा राज्यमंत्री विजय शिवतारे, राज्यमंत्री राजे अम्ब्रीशराव आत्राम, वन विभागाचे सचिव विकास खारगे, प्रधान मुख्य वनसंरक्षक (वनबल) सर्जन भगत यावेळी प्रामुख्याने उपस्थित होते.

          गौड म्हणाले की, मा.राज्यपाल महोदयांच्या हस्ते पुणे येथे झालेल्या गौरव समारंभात राज्यातील एकुण 48 अधिकारी व कर्मचाऱ्यांना सन्मानित करण्यात आले. मा.राज्यपाल यांच्या हस्ते असा कार्यक्रम राज्यात प्रथमच पार पडला आहे. वन मंत्री सुधिर मुनगंटीवार यांनी पदक विजेत्यांचे अभिनंदन करुन भविष्यातही उत्कृष्ट कामगिरी करण्याचा यावेळी संदेश दिला.

अमरावती प्रदेशातील 8 अधिकारी आणि कर्मचारी आहेत. यामध्ये निरंजन विवरेकर, सय्यद सलीम, गणेश माधव हिंगणीकर, परिक्षित डंभारे यांना सुवर्ण पदक तसेच शंकर बाबाराव बारखडे, अमोल चौधरी, सतिश दिलीप राठोड, राजेश घागरे यांना रजत पदक प्राप्त झाले.

          मेळघाट व्याघ्र प्रकल्पाचे क्षेत्र संचालक तथा मुख्य वन संरक्षक डॉ.दिनेशकुमार त्यागी, मुख्य वनसंरक्षक (प्रादेशिक) अमरावती संजीव गौड यांनीही पदक प्राप्त अधिकारी कर्मचाऱ्यांचे अभिनंदन केले आहे.

00000

‘सृजन’ या ई-मासिकासाठी साहित्य पाठवावे

          अमरावती, दि.16 (जिमाका) : सहसंचालक, लेखा व कोषागरे कार्यालयामार्फत ‘सृजन’ ई-मासिक सुरु करण्यात आले असुन यासाठी सर्व शासकीय अधिकारी-कर्मचाऱ्यांनी त्यांच्यातील साहित्यीक गुणांना अभिव्यक्त करण्यासाठी दर महिन्याच्या 5 तारखेपर्यत लेख तथा कविता पाठवाव्यात. सुशासनाबद्दल अपेक्षा व अभिनव प्रशासकीय प्रयोग याबद्दल सर्व माहिती पीडीएफ फॉर्मेट मध्ये पाठवावी. साहित्य पाठविण्याचा पत्ता- jd.amravati@mahakosh.in, adtrainingdat.amr_mh@gov.in वर पाठविण्यात यावी. काही अडचण असल्यास 0721-2553871 संपर्क साधाण्यात यावा. असे सहसंचालक, लेखा व कोषागरे कार्यालय यांनी कळविले आहे.

         

00000

राज्यमंत्री डॉ.रणजित पाटील 

अमरावती जिल्हा दौऱ्यावर

          अमरावती, दि.16 (जिमाका) : गृह (शहरे), नगरविकास, सामान्य प्रशासन, नगरविकास, बंदरे, विधी व न्याय, संसदिय कार्य, माजी सैनिकांचे कल्याण, कौशल्य विकास आणि उद्योजकता राज्यमंत्री डॉ.रणजित पाटील दि. 16 ऑगस्ट रोजी अमरावती जिल्हा दौऱ्यावर येत असुन दौऱ्यावर असुन कार्यक्रम पुढीलप्रमाणे आहे.

          दि.16 ऑगस्ट, 16 रोजी सकाळी 11 वाजता साबू मंगल कार्यालय मोर्शी येथे पदवीधारकांच्या बैठकीस उपस्थिती. दुपारी 12.30 वा. मोर्शी येथुन मोटारीने बेनोडा कडे प्रयाण. दुपारी 1 वा. बेनोडा येथे आगमन व अशोकराव फरकाडे यांची सदिच्छा भेट. दुपारी 3 वा. शहीद स्मृती विद्यालय बेनोडा येथे शहीदांना मानवंदना कार्यक्रम. सायं. 4.30 वा. बेनोडा वरुन मोटारीने वरुड कडे प्रयाण. सायं. 5 वा. वरुड येथे आगमन व पदवीधारकांच्या बैठकीस उपस्थिती. सोईनुसार वरुड येथून मोटारीने अमरावती कडे आगमन व शासकीय विश्रामगृह येथे मुक्काम.

दि. 17 ऑगस्ट रोजी अमरावती येथील स्थानिक कार्यक्रमास उपस्थिती व शासकीय विश्रामगृह येथे मुक्काम. दि. 18 ऑगस्ट रोजी अमरावती येथील स्थानिक कार्यक्रमास उपस्थिती व रात्री 7.05 वा. अंबा एक्सप्रेस ने मुंबई कडे प्रयाण.

         

00000

जिल्हास्तर शालेय क्रीडा स्पर्धा तारखांमध्ये बदल

          अमरावती दि. 16 (जिमाका): जिल्हा स्तरीय शालेय क्रीडा स्पर्धांचे आयोजन 25 जुलै, 16 पासुन सुरु झालेले आहे. यापैकी तांत्रिक कारणास्तव बदल झालेल्या क्रीडा स्पर्धा पुढील प्रमाणे.  

          बास्केट बॉल 14, 17, 19 वर्ष मुले-मुली स्पर्धेचा दिनांक 29 ते 30 ऑगस्ट 2016, 30 ते 31 ऑगस्ट, 16 व 31 ऑगस्ट ते 1 सप्टेंबर, 16 दरम्यान विभागीय क्रीडा संकुल अमरावती येथे होतील. जलतरण स्पर्धा 14, 17, 19 वर्षे मुले-मुली 1 ते 2 सप्टेंबर, 16 रोजी हनुमान व्यायाम प्रसारक मंडळ येथे होतील. रायफल शुटींग 14, 17, 19 वर्षे मुले-मुली 3 ते 4 सप्टेंबर रोजी वीर शुटींग स्पोटर्स अकादमी, पारश्री हॉस्पीटल, खापर्डे बगीचा अमरावती येथे होतील.

वरील बदल लक्षात घेता शाळांनी सुधारीत तारखेत वयोगट निहाय सकाळी 9 वा. संघ उपस्थित ठेवावे, असे जिल्हा क्रीडा अधिकाऱ्यांनी कळविले आहे.

00000

राष्ट्रीय लोक अदालत मध्ये

80 प्रलंबित व 111 दाखलपुर्व प्रकरणाचा निपटारा

1 कोटी 40 लक्ष 196 रुपयांचा न्याय निवाडा

प्रमुख जिल्हा व सत्र न्यायाधिश पृथ्वीराज चव्हाण यांच्या हस्ते उद्घाटन

          अमरावती दि. 16 (जिमाका): येथील जिल्हा व सत्र न्यायालयात आयोजित राष्ट्रीय लोक अदालती मध्ये दाखल प्रकरणांपैकी 80 प्रलंबित व 111 दाखलपुर्व प्रकरणाचा निपटारा करण्यात आला असून एकुण 1 कोटी 40 लाख 64 हजार 196 रुपयांचा न्यायनिवाडा करण्यात आला.  प्रमुख जिल्हा व सत्र न्यायाधिश पृथ्वीराज चव्हाण यांच्या हस्ते राष्ट्रीय लोक अदालतीचे उद्घाटन संपन्न झाले.

 अदालतीच्या उद्घाटन प्रसंगी जिल्हा न्यायाधीश डी.डब्ल्यु. मोडक, श्रीमती व्ही.डी.इंगळे, जिल्हा विधी सेवा प्राधिकरणाचे सचिव तथा दिवाणी न्यायाधीश वरिष्ठ स्तर एस. एस.ओझा, सह दिवाणी न्या. वरिष्ठ स्तर एस.बी.भाजीपाले, सह दिवाणी न्या.कनिष्ठस्तर एस. डी.कुऱ्हेकर,पी.ए.पत्की, श्रीमती जी.व्ही.जांगडे-देशपांडे आदि प्रामुख्याने उपस्थित होते.

या लोक अदालतमध्ये दिवाणी व फौजदारी प्रकरणे, बँकेचे प्रलंबित व दाखल पुर्व प्रकरणे, चेक न वटल्याचे प्रकरणे (निगोशिएबल इन्स्टुमेंट ॲक्ट), बँक व इतर वित्तीय संस्थांची दाखलपुर्व प्रकरणे तसेच दिवाणी व फौजदारी अपील व इतर दिवाणी प्रकरणे आदि एकुण 621 प्रलंबित प्रकरणे व 6371 दाखलपुर्व प्रकरणे लोक अदालती समक्ष ठेवण्यात आलेली होती. त्यापैकी 80 प्रलंबित प्रकरणे, 111 दाखलपवूर्व प्रकरणांचा निपटारा करण्यात आला. ज्यामध्ये 1,40,64,196/- रुपयांचा न्यायनिवाडा करण्यात आला. अदालतीमध्ये ठेवलेल्या प्रकरणांची पुर्तता करण्यासाठी न्यायाधिश, तज्ज्ञ वकील, सामाजिक कार्यकर्ता यांचा समावेश असलेल्या 5 पॅनलची निर्मिती करण्यात आली असल्याची माहिती प्रबंधक रविंद्र कांबे यांनी दिली.

00000

पालकमंत्री पोटे यांच्याहस्ते

नरदोडा येथील शेततळे व गावतळ्यात जलपूजन

          अमरावती दि. 15 (जिमाका): महाराष्ट्र ग्रामीण रोजगार हमी योजनेंतर्गत दर्यापूर तालुक्यातील नरदोडा येथे संजय नामदेवराव पोटे यांच्या शेतातील शेततळ्याचे तसेच गाव तलावात जलपूजन पालकमंत्री प्रविण पोटे यांनी केले. या गावातील प्राथमिक शाळेतील व्यायाम शाळेचे उद्घाटन ही त्यांनी केले. त्यानंतर हनुमान मंदिरात आयोजित ग्राम सभेत मार्गदर्शन केले.  

          या बैठकीस आ.रमेश बुंदिले, रोहयो उपजिल्हाधिकारी काळे, उपविभागीय अधिकारी चौधरी आदी मान्यवर उपस्थित होते.

          ना.पोटे म्हणाले, शासन शेवटच्या घटकापर्यंत योजना राबवित आहे. या योजनांचा लाभ संबंधितांपर्यंत पोहचविण्याची गरज आहे. दरवर्षी आपण टंचाईला सामोरे जातो. महाराष्ट्र ग्रामीण रोजगार हमी योजनेंतर्गत आपल्या गावात पडणारे पाणी आपल्याच गावात जिरविण्यासाठी शोष खड्डे ही योजना अतिशय उपयुक्त आहे. या योजनेंतर्गत सर्वांनी शोषखड्डे घ्यावेत. तसचे शौचालय बांधकामाची योजना, रोपवाटिका, वृक्षलागवड, फळबाग लागवड या योजनाही घेण्याची गरज आहे. गावाचे हित पाहणाऱ्या किमान 10-12 लोकांनी पुढे येवून शासनाच्या विविध योजनांचा लाभ सर्वांपर्यंत पोहचविण्यासाठी पुढाकार घ्यावा.

          अमरावती जिल्ह्यात 2 लाख 24 हजार लोकांना कृषि विमा योजनेचा लाभ मिळाला आहे असे सांगून मागेल त्याला घर, मागेल त्याला शेततळे ही योजना घराघरात राबविण्याचे शासनाची योजना आहे. त्यादृष्टीने शासन पुरेपूर प्रयत्न करते याचा सर्वांनी लाभ घेण्याचे आवाहन पोटे यांनी केले. यावेळी लाभार्थ्यांना धनादेश वाटप ना.पोटे यांच्या हस्ते करण्यात आले. यावेळी आ.बुंदिले यांनी गावाच्या विकासाचे प्रश्न मांडले

00000

काचावार/गावंडे/सागर/15-08-2016/15-30 वाजता

जिल्हाधिकारी कार्यालयात स्वातंत्र्य दिन सोहळा संपन्न

          अमरावती दि. 15 (जिमाका): भारतीय स्वातंत्र्याचा 69 वा वर्धापन दिनानिमित्त आज जिल्हाधिकारी कार्यालय येथे ध्वजारोहण जिल्हाधिकारी किरण गित्ते यांच्या हस्ते संपन्न झाले. यावेळी अप्पर जिल्हाधिकारी खुशालसिंग परदेशी, निवासी उपजिल्हाधिकारी मोहन पातुरकर, उपजिल्हाधिकारी विनोद शिरभाते, रमेश काळे, जिल्हा नियोजन अधिकारी रविंद्र काळे, जिल्हा पुरवठा अधिकारी वानखडे, तहसलिदार शरयु आडे, जिल्हा माहिती अधिकारी सुरेश काचावार व सर्व अधिकारी-कर्मचारी उपस्थित होते.

00000

वाघ/गावंडे/सागर/15-08-2016/12-59 वाजता

गुन्हेगारीला आळा घालण्यासाठी सायबर लॅब प्रकल्प उपयुक्त

पालकमंत्री प्रविण पोटे

          अमरावती, दि.15 (जिमाका) : जिल्ह्यातील गुन्हेगारीला आळा घालण्यासाठी सायबर लॅब प्रकल्प उपयुक्त असल्याचे प्रतिपादन पालकमंत्री प्रविण पोटे यांनी केले. येथील पोलिस अधिक्षक ग्रामीण कार्यालयात अत्याधुनिक अशा प्रकारची सायबर लॅब सुरु करण्यात आली असुन त्याचे उद्घाटन व मोबाईल फॉरेन्सीक वाहन लोकार्पण सोहळा ना.पोटे यांच्याहस्ते झाला यावेळी ते बोलत होते.

          आ.डॉ.सुनिल देशमुख, विभागीय आयुक्त जे.पी.गुप्ता, विशेष पोलिस महानिरीक्षक विठ्ठल जाधव, पोलिस आयुक्त दत्तात्रय मंडलिक, पोलिस अधिक्षक लखमी गौतम, फॉरेन्सीक लॅबचे उपसंचालक डॉ.विजय ठाकरे, पोलिस उप अधिक्षक महानवर, कदम आदी उपस्थित होते.

          पोटे म्हणाले की, मा.मुख्यमंत्री यांच्या संकल्पनेतून गृह विभाग, विशेष पोलिस महानिरीक्षक व महिला अत्याचार प्रतिबंध सेल यांच्या मार्फत प्रत्येक जिल्ह्यात सायबर लॅब हा प्रकल्प राबविण्यात येत आहे. राज्यातील प्रत्येक जिल्ह्यामध्ये सायबर लॅबची स्थापना करण्यात आली आहे. सायबर क्राईम गुन्ह्याचे वाढते प्रमाण लक्षात घेवून तपास जलद गतीने होण्यासाठी लागणाऱ्या तपासाकरीता लागणारी माहिती लवकरात लवकर प्राप्त करुन घेण्यासाठी सायबर लॅबची स्थापना करण्यात आली आहे.

          विशेष पोलिस महानिरीक्षक विठ्ठल जाधव म्हणाले की, या सायबर लॅबमध्ये ब्लड डिटेक्शन, फिमेल डिटेक्शन, क्राईम सिन इन्स्टुमेंटशन, नार्कोटिक्स, स्फोटके, बुलेट होल टेस्टींग, गन शॉट, फॉरेन्सीक लाईट, मॅगनिफायर सेट, जनरल फोटोग्राफी आदी तपासणीच्या सुविधा या लॅबमध्ये राहणार आहे. याशिवाय अत्याधुनिक फिरते फॉरेन्सीक वाहनाचा लोकार्पण सोहळा यावेळी झाला.

          पोलिस व फॉरेन्सीक या कामामध्ये अत्याधुनिकता आणणारे पहिले पाऊल देशात महाराष्ट्राने सुरु केले आहे. चालु काळामध्ये प्रत्येक गुन्ह्यामध्ये गुन्हेगारीस शिक्षेपर्यंत पोहचविण्यासाठी पोलिसांनी फॉरेन्सीक लॅब यांच्याकडे भौतिक, जैविक, रासायनिक नमुने, त्याचे जतन व विश्लेषण, वैज्ञानिक पद्धतीने होणे यावर अवलंबुन असते. फॉरेन्सीक हा फार मोठा विषय असुन प्रत्येकाला अवगत होणे कठिण आहे म्हणून नमुन गोळा करतांना घ्यावयाची काळजी व उपाय यावर बरेच मार्गदर्शन झाले.

          या फॉरेन्सीक लॅबमध्ये अत्याधुनिक सुविधाचित देण्यात आले आहे. यात स्कॉटलँड यार्ड, युएफए सारख्या अत्याधुनिक किट, एक वैज्ञानिक अधिकारी, वैज्ञानिक सहाय्यक, एक प्रयोगशाळा परिचर राहणार आहे. या सर्वाचे नैतृत्व वैज्ञानिक अधिकारी करतील व हे संबंधित पोलिस अधिक्षक कार्यालयास सलग्न होतील. 

          न्यायालयामध्ये भक्कमपणे पुरावे सादर करता यावेत म्हणून पोलिस अधिक्षक व पोलिस आयुक्त कार्यालयात फॉरेन्सीक वाहन देण्याचे ठरविले आहे. या वाहनाचे डिझाईन फॉरेन्सीक लॅबच्या तज्ज्ञांनी तयार केले आहे. राज्यात अशी 47 वाहने असुन पहिल्या टप्प्यात मा.मुख्यमंत्री महोदयांच्याहस्ते पुणे येथून पाठविण्यात आले. त्यातील पहिल्या 10 मधील वाहन अमरावती ग्रामीणला मिळाली.

          या वाहनामध्ये साधारणत: 13 विविध प्रकारच्या किट असुन खुन, बलात्कार, डिएनए, फिंगर प्रिंट, स्फोट, गोळीबार, अंमली पदार्थ अशा प्रकारातील गुन्ह्यामध्ये नमुने, ॲडव्हांस सायंटिफिक मेथड या माध्यमातून करण्याकरीता याचा उपयोग होईल. यात आधुनिक टॉर्च असुन त्यामुळे खुन, बलात्कार या सारख्या गुन्ह्यामध्ये नमुने गोळा करण्याकरीता विशेष मदत होणार आहे. वाहनामध्ये कोल्ड स्टोरेजची विशेष व्यवस्था आहे. गुन्हे अन्वेषणासाठी विशेष गती मिळणार आहे. हे अत्याधुनिक वाहन व सुविधा लोकार्पण शासनाच्यावतीने आज झाले आहे.

          प्रारंभी पोलिस आयुक्त मंडलिक यांनी मंत्री महोदयांचे व उपस्थित मान्यवरांचे स्वागत केले. यावेळी पालकमंत्र्यांनी सायबर लॅबची व फॉरेन्सीक वाहनाची पाहणी केली.

00000

काचावार/गावंडे/सागर/हरदुले/15-08-2016/ 12-56 वाजता

भारतीय स्वातंत्र्याचा 69 वा वर्धापन दिन उत्साहात साजरा

पालकमंत्री प्रविण पोटे यांच्याहस्ते मुख्य शासकीय ध्वजारोहण

शेतकरी केंद्रबिंदु मानुन शासनाची भरीव कामगिरी  

          अमरावती, दि.15 (जिमाका) : भारतीय स्वातंत्र्याचा 69 वा वर्धापन दिनानिमित्त आज विभागीय आयुक्त कार्यालय येथे मुख्य शासकीय ध्वजारोहन पालकमंत्री प्रविण पोटे यांच्याहस्ते संपन्न झाले. त्यानंतर राष्ट्रगीत व मानवंदना देण्यात आली. यावेळी विभागीय आयुक्त जे.पी.गुप्ता, अप्पर जिल्हाधिकारी खुशालसिंह परदेशी, पोलिस आयुक्त दत्तात्रय मंडलिक, विशेष पोलिस महानिरीक्षक विठ्ठल जाधव, पोलिस अधिक्षक ग्रामीण लखमी गौतम उपस्थित होते.

          यावेळी पालकमंत्र्यांनी जिल्ह्यातील विकासपर कामांवर प्रकाश टाकला. त्यामध्ये प्रामुख्याने जलयुक्त शिवार अभियान हे शेतकऱ्यांसाठी संजिवनी ठरले असुन जिल्ह्यातील 253 गावांमध्ये 33703 टिएमसी जलसाठा निर्माण झाला असल्याचे त्यांनी सांगितले. 253 पैकी 127 गावांना 100 टक्के जलयुक्त घोषित करण्यात आले आहे. राज्य शासनाने शेतकऱ्याला केंद्र बिंदू मानून अनेक योजना यशस्वीरित्या राबवित आहे. त्यामध्ये पांदन रस्ते विकास योजनेतून 985 किलोमीटर पांदण रस्ते निर्माण झाले आहे. लोकसहभागातून या कामासाठी 7 कोटी तर रोजगार हमी योजनेतून 32 कोटी खर्च करण्यात आले आहे.या कार्यक्रमाचे महत्व लक्षात घेता हा अमरावती पॅटर्न राज्याच्या इतर भागातही राबविण्याचा शासनाचा मानस आहे.  राज्यात मागेल त्याला शेततळे ही योजना लोकप्रिय ठरली असुन या योजनेला चांगला प्रतिसाद मिळत आहे. त्यामध्ये 3159 शेतकऱ्यांनी मागणी केली असुन 363 शेततळे पहिल्या तीन महिन्यात पुर्ण करण्यात आले आहे.

    टेक्सटाईल पार्कमध्ये आलेल्या वस्त्रोद्योग कंपन्यामुळे जिल्ह्यात उद्योग विकासाची नांदी होत आहे. जिल्ह्याचे सुपुत्र व उत्कृष्ट संसदपटू रा.सु.गवई यांचे भव्य स्मारक लवकरच साकारणार आहे. या स्मारकाचे भुमीपुजन नुकतेच विद्यापीठ परीसरात झाले आहे. शहरातील रस्ते व पुलाकरीता सिआरएफ फंडातुन निधी उपलब्ध झाल्याचेही त्यांनी सांगीतले.

          पंतप्रधान पीक विमा योजनेचा लाभ 2 लक्ष 16 हजार शेतकऱ्यांना दिला गेला आहे. यासोबतच प्रधानमंत्री आवास योजना, पीक कर्ज वाटप, कृषि समृद्धी महामार्ग, माझी कन्या भाग्यश्री आदी  योजनांचा प्रगतीपर संक्षिप्त आढावा त्यांनी मांडला.  

          यानंतर कृषि समृद्धी समन्वयीत कृषि विकास प्रकल्प तर्फे प्रकाशित कृषि समृद्धी यशोगाथा या पुस्तिकेचे प्रकाशन पालकमंत्र्यांच्या हस्ते करण्यात आले. यावेळी उल्लेखनीय काम करणाऱ्या अधिकारी-कर्मचाऱ्यांचा व गुणवंत विद्यार्थ्यांचा सत्कार करण्यात आला. पोलिस आयुक्त शहर विभागातील शारदाचरण हरीनारायण तिवारी यांना 2016 करीता गुणवत्ता सेवेबद्दल मा.राष्ट्रपती भारत सरकारद्वारे आयपीएम पदक प्रदान करण्यात आले त्याबाबत प्रमाणपत्र देवून गौरवण्यात आले. यामध्ये पी.के.देवरणकर, राष्ट्रीय प्रज्ञा शोध परिक्षेतील गुणवंत ऋषिल हेडा, खुशबु हेडा, आयएसओ अंतर्गत उत्कृष्ट काम केल्याबद्दल ग्राम पंचायत चेनुष्टा व वऱ्हा येथील सरपंच व सचीव पुजा आमले, गणेश कांबळी यांचा सत्कार करण्यात आला तर माझी कन्या योजनेंतर्गत कन्यारत्न जन्माला आलेल्या जोडप्यांचा प्रशस्ती पत्र देवून सत्कार करण्यात आला. त्यामध्ये सौ.निकिता गौरकर, सौ.रोशनी पेठेकर, सौ.प्रियंका सराफ, सौ.अंकिता येवतकर, सौ.सोनाली धनसांडे. मौजा काटसुर, ता.तिवसा व मौजा लासुर, ता.दर्यापूर येथे पुरामध्ये अडकलेल्या नागरीकांना सुखरुप काढण्याच्या बचाव कार्याबद्दल तहसिलदार राम लंके व चमू व तहसिलदार राहुल तायडे व चमू यांचा पालकमंत्र्यांच्या हस्ते सत्कार करण्यात आला. दि.28 जुन, 16 रोजी टारखेडा येथील गुटखा साठा जप्त करुन त्याची विल्हेवाट लावण्याबाबत तहसिलदार अमरावती सुरेश बगळे यांचा सत्कार करण्यात आला.

          ध्वजारोहण झाल्यानंतर पालकमंत्र्यांच्या हस्ते विभागीय आयुक्त कार्यालयाच्या परिसरात वृक्षारोपण करण्यात आले.   

          यावेळी आमदार डॉ. अनिल बोंडे, डॉ.राजेन्द्र गवई, मनपा आयुक्त हेमंत पवार यासह सर्व विभागाचे महत्वाचे अधीकारी नागरीक उपस्थित होते.

00000

वाघ/गावंडे/सागर/झिमटे/हरदुले/15-08-2016/12-51 वाजता