जिल्ह्यातील सर्व न्यायालयात 5 मेला राष्ट्रीय लोकअदालत
अमरावती दि. 08 (जिमाका) : अमरावतीसह जिल्ह्यातील सर्व न्यायालयात रविवार
दि. 5 मे 2024 रोजी राष्ट्रीय लोकअदालतीचे आयोजन करण्यात आले आहे. राष्ट्रीय लोकअदालतीमध्ये
दाखल व दाखलपूर्व प्रकरणे तडजोडीने व सामंजस्याने निकाली काढण्यासाठी ठेवण्यात येणार
आहेत.
राष्ट्रीय विधी सेवा प्राधिकरण व महाराष्ट्र
राज्य विधी सेवा प्राधिकरणामार्फत लोकअदालतीचे
आयोजन होणार असून यामध्ये सहभागासाठी कोणत्याही प्रकारचे अतिरिक्त शुल्क भरावे लागणार
नाही. संबंधितांनी तडजोडप्राप्त प्रलंबित खटले तडजोडीने व सामंजस्याने मिटविण्यासाठी
संबंधित न्यायालयात अर्ज करावा, तसेच दाखलपूर्व प्रकरणांबाबत नजिकच्या संबंधित जिल्हा
किंवा तालुका न्यायालय यांच्याकडे संपर्क साधावा, असे आवाहन करण्यात आले आहे.
राष्ट्रीय लोकअदालती समक्ष प्रकरणे सामंजस्याने
व तडजोडीने मिटवावेत, असे आवाहन जिल्हा विधी सेवा प्राधिकरणाचे अध्यक्ष तथा प्रमुख
जिल्हा व सत्र न्यायाधीश एम. आर. देशपांडे
तसेच सचिव जी. आर. पाटील यांनी केले आहे.
00000
No comments:
Post a Comment