शासकीय निवासी शाळेतील प्रवेश प्रक्रिया सुरु गरजू विद्यार्थ्यांनी लाभ घेण्याचे आवाहन
शासकीय
निवासी शाळेतील प्रवेश प्रक्रिया सुरु
गरजू
विद्यार्थ्यांनी लाभ घेण्याचे आवाहन
अमरावती, दि. ८ : जिल्ह्यामध्ये कार्यरत असलेल्या तालुकास्तरावरील मुलींच्या
३ व मुलांच्या ४ अशा एकुण ७ निवासी शाळेमध्ये सन २०२३ -२४ या शैक्षणिक वर्षासाठी प्रवेश
प्रक्रिया सुरू करण्यात आलेली आहे.
जिल्ह्यातील अनुसूचित जाती व नवबौध्द मुलींची शासकीय निवासी शाळा हिंगणगाव,
ता. धामणगाव रेल्वे, अनुसूचित जाती व नवबौध्द मुलींची शासकीय निवासी शाळा बुरडघाट,
ता. अचलपूर, अनुसूचित जाती व नवबौध्द मुलींची शासकीय निवासी शाळा पांढरी, ता. अंजगावसुर्जी,
अनुसूचित जाती व नवबौध्द मुलांची शासकीय निवासी शाळा सामदा का., ता. दर्यापूर, अनुसूचित
जाती व नवबौध्द मुलांची शासकीय निवासी शाळा तुळजापूर, ता. चांदुररेल्वे, अनुसूचित जाती
व नवबौध्द मुलांची शासकीय निवासी शाळा बेनोडा, ता. बेनोडा तसेच अनुसूचित जाती व नवबौध्द
मुलांची शासकीय निवासी शाळा नांदगाव खंडेश्वर, ता. नांदगाव खंडेश्वर या
शासकीय
निवासी शाळेत प्रवेश प्रक्रिया सुरु झाली आहे. येथे विद्यार्थ्यांना आवश्यक सोयी -सुविधा
पुरविल्या जातात. जसे गणवेश, भोजन, निवास,
आंथरण-पांघरुण मोफत पुरविण्यात येईल. प्रवेशासाठी वर्ग ६ ते १० पर्यंतच्या विद्यार्थ्यांच्या
पालकांनी जिल्ह्यातील तालुकास्तरावरील शासकीय निवासी शाळेच्या मुख्याध्यापकांशी संपर्क
साधावा.
शासकीय
निवासी शाळेतून प्रवेशाबाबत अर्ज प्राप्त करुन इच्छुक पालक व विद्यार्थ्यांनी आवश्यक
त्या कागदपत्रासह अर्ज मुख्याध्यापकांकडे सादर करावा . अधिक माहितीसाठी o७२१- २६६१२६१ या .दूरध्वनी क्रमांकावर
संपर्क साधण्याचे आवाहन समाज कल्याण विभागामार्फत करण्यात आले आहे.
00000
Comments
Post a Comment