नांदगाव (खंडेश्वर) येथील शासकीय निवासी शाळेतील प्रवेश प्रक्रियेला सुरूवात

 

नांदगाव (खंडेश्वर) येथील

शासकीय निवासी शाळेतील प्रवेश प्रक्रियेला सुरूवात

 

            अमरावती, दि. 1 : सामाजिक न्याय व विशेष सहाय्य विभागाव्दारे चालविण्यात येणाऱ्या अनुसूचित जाती मुलांची शासकीय निवासी शाळा नांदगाव (खंडेश्वर), अमरावती येथील शैक्षणिक सत्र 2023-24 मध्ये प्रवेशासाठी वर्ग 6 वी ते 10 वी (माध्यम सेमी इंग्रजी) साठी प्रवेश अर्ज मोफत उपलब्ध आहेत. निवासी शाळेत मोफत भोजन, निवास, सुसज्ज ग्रथांलय (ई-लायब्ररी), ई-लर्निंग डिजीटल पध्दतीने अध्ययन व अध्यापन, संगणक कक्ष, पिण्यासाठी शुद्ध पाण्याची सुविधा तसेच अन्य आवश्यक शैक्षणिक सुविधा उपलब्ध आहेत.

            निवासी शाळेतील प्रवेशीत जागांचे आरक्षण अनुसूचित जाती 80 टक्के, अनुसूचित जमाती 10 टक्के, व्ही. जे. एन. टी. 5 टक्के, वि. मा. प्र. 3 टक्के, अनाथ व अपंग 2 टक्के या प्रमाणे वर्गनिहाय आरक्षण राहील. प्रवेश अर्ज दि. 15 जून 2023 पर्यंत भरता येईल. याची संबंधितांनी नोंद घेण्याचे आवाहन शाळेचे मुख्याध्यापक एल. झेड. सुरजुसे यांनी पत्रकाव्दारे कले आहे.

00000