मातोश्री वृद्धाश्रम भानखेडा येथे विविध कार्यक्रमांचे आयोजन
मातोश्री वृद्धाश्रम भानखेडा येथे विविध कार्यक्रमांचे आयोजन
अमरावती, दि. 6 (जिमाका): जेष्ठ नागरिक दिनानिमित्त समाज कल्याण विभागामार्फत रविवार दि. 1 ऑक्टोंबर रोजी मातोश्री वृद्धाश्रम, भानखेडा येथे ज्येष्ठ नागरिकांसाठी विविध कार्यक्रमांचे आयोजन करण्यात आले. यावेळी जेष्ठ नागरिकांसाठी आरोग्य तपासणी व विविध योजनांची माहिती देण्यात आली.
अमरावती विभागाचे प्रादेशिक उपायुक्त सुनील वारे, आकाशवाणी केंद्राचे वरिष्ठ उदघोषक संजय ठाकरे यांनी आश्रमातील जेष्ठ नागरिकांसोबत संवाद साधला. त्यानंतर समाज कल्याण विभागातील अधिकारी व कर्मचारी यांच्या उपस्थितीत ज्येष्ठ नागरिक दिन साजरा करण्यात आला.
ज्येष्ठ नागरिकांचे समाजातील स्थान विचारात घेता त्यांना वृध्दापकाळ चांगल्या तऱ्हेने घालविता यावा, समाजामध्ये त्यांचे जीवन सुसह्य व्हावे, शारिरीक, मानसिक आरोग्य सुस्थितीत राहावे, वृध्दापकाळामध्ये त्यांच्या आर्थिक क्षमता, कामाचा हक्क, शिक्षणाचा हक्क आणि सार्वजनिक मदत मिळावा यासाठी सामाजिक न्याय व विशेष सहाय्य विभागाचे शासन निर्णय दि. 9 जुलै 2008 नुसार राज्याचे सर्वसमावेशक धोरण जाहिर केले आहे. याबाबत जेष्ठ नागरिकांना माहिती देण्यात आली. तसेच विविध कार्यक्रमांच्या माध्यमातून ज्येष्ठ नागरिकांसाठी कायदे, योजना, वृध्दांचे हक्क, ज्येष्ठ नागरिकांना देण्यात येणाऱ्या सोयी-सुविधा, ज्येष्ठ नागरिकांच्या मदतीसाठी हेल्पलाईन इत्यादीबाबत मार्गदर्शन करण्यात आले.
00000
Comments
Post a Comment