अमरावती, दि. 7 – भारतीय प्रजासत्ताकदिनानिमित्त ध्वजारोहणाचा मुख्य शासकीय समारंभ 26 जानेवारी 2020 रोजी जवाहरलाल नेहरू स्टेडियम येथे सकाळी 9. 15 वाजता होणार आहे. या कार्यक्रमाच्या यशस्वितेसाठी सर्व विभागांनी समन्वयाने काम करावे, असे निर्देश निवासी उपजिल्हाधिकारी डॉ. नितीन व्यवहारे यांनी आज येथे दिले.
याविषयी जिल्हाधिकारी कार्यालयात आयोजित बैठकीत ते बोलत होते. अधीक्षक गजेंद्र मालठाणे, जिल्हा शल्यचिकित्सक डॉ. श्यामसुंदर निकम, पोलीस निरीक्षक निलिमा आरज यांच्यासह विविध विभागांचे अधिकारी व कर्मचारी उपस्थित होते.
डॉ. व्यवहारे म्हणाले की, प्रजासत्ताक दिनी सर्व शाळांनी सकाळी साडेसहा वाजता प्रभातफे-या काढून मुख्य समारंभासाठी वेळेपूर्वी पोहोचावे. अधिकाधिक लोकांना या समारंभास उपस्थित राहाता यावे, यासाठी यादिवशी सकाळी 8.30 ते सकाळी 10 या वेळेत इतर कार्यालय, संस्थांनी ध्वजारोहण किंवा शासकीय किंवा अर्धशासकीय समारंभ आयोजित करू नये. असे समारंभ सकाळी 8.30 च्या पूर्वी किंवा सकाळी 10 नंतर आयोजित करावेत.
ते पुढे म्हणाले की, कार्यक्रमासाठी स्वागत व समन्वय समिती, ध्वजवंदन संचालन व मैदानावरील कार्यक्रम समिती, सांस्कृतिक कार्यक्रम समिती आदी समित्या गठित करण्यात आल्या आहेत. ध्वजवंदन संचलन, सामूहिक कवायत, मैदानावरील कार्यक्रम, चित्ररथ, आवश्यक सराव यादृष्टीने नियोजनपूर्वक कार्यवाही करावी. सार्वजनिक बांधकाम विभागाकडून फर्निचर, स्वागतद्वार उभारणी, सजावटीच्या दृष्टीने कार्यवाही करण्यात यावी. अतिथी व उपस्थितांची बैठक व्यवस्था, आवश्यक स्वयंसेवक, ध्वनीयंत्रणा आदी व्यवस्था काटेकोर असावी. महापालिकेकडून स्वच्छता, पेयजल सुविधा, मुख्य कार्यक्रमाच्या ठिकाणी मुलांना खाऊवाटप आदी व्यवस्था पुरविण्यात यावी.
सायंका
प्रजासत्ताक दिनी सायंकाळी 7 वाजता वनिता समाज येथे सांस्कृतिक कार्यक्रम होणार आहेत. त्यासाठी स्वतंत्र समिती नेमण्यात आली असून, शिक्षण उपसंचालक हे आमंत्रक असतील. माध्यमिक शिक्षणाधिकारी यांनी कार्यक्रम यथोचितरीत्या साजरा होण्याच्या दृष्टीने कार्यवाही करण्याचे निर्देश डॉ. व्यवहारे यांनी दिले. कार्यक्रमापूर्वी रंगीत तालीम 24 जानेवारीला 4 वाजता जवाहरलाल नेहरू स्टेडियमवर होईल.
00000
No comments:
Post a Comment