महिला व बालविकास मंत्री ॲड.यशोमती ठाकूर (सोनवणे) यांनी स्वीकारला कार्यभार
अमरावती, दि. 9 : महिला व बालविकास मंत्री ॲड.यशोमती ठाकूर (सोनवणे) यांनी आज आपल्या पदाचा कार्यभार स्वीकारला. मंत्रालय विस्तार इमारतीत पाचव्या मजल्यावरील दालन क्रमांक 540 येथे कार्यालय आहे.
यावेळी माजी मंत्री अनीस अहमद, महिला व बालविकास सचिव आय. ए. कुंदन, आयसीडीएस आयुक्त इंद्रा मालो, सहसचिव लालसिंग गुजर, उपायुक्त गोकूळ देवरे आदी उपस्थित होते. उपस्थितांनी मंत्री श्रीमती ठाकूर यांना पुष्पगुच्छ देऊन त्यांचे अभिनंदन केले.
श्रीमती ठाकूर (सोनवणे) म्हणाल्या, बचतगट चळवळीद्वारे महिला सक्षमीकरण करण्याच्या दृष्टीने काम करणार आहे. महिला आयोगाचे सेंटर प्रत्येक जिल्ह्यात स्थापन करण्याचा मानस आहे. महिलांना स्वतःच्या पायावर उभे करण्याच्या दृष्टीने काम करणार आहोत. तसेच बालगृह, अनाथ मुले, बालकल्याणसाठी नवीन योजना आणू, असेही त्यांनी सांगितले.
00000
Comments
Post a Comment