पालकमंत्री कार्यालयाचा ज्येष्ठ नागरिकाच्या हस्ते शुभारंभ
अमरावती, दि.
25 – पालकमंत्री यशोमती ठाकूर यांच्या कार्यालयाच्या शुभारंभ ज्येष्ठ नागरिक
भास्करराव गुडदे यांच्या हस्ते जिल्हाधिकारी कार्यालय परिसरातील नियोजनभवनात आज
झाले.
अमरावतीच्या
नागरिकांच्या समस्यांचे निराकरण करण्यासाठी हे कार्यालय हक्काचे ठिकाण आहे. या
कार्यालयामार्फत नागरिकांच्या प्रश्नांची सोडवणूक करण्यासाठी सदैव तत्पर राहीन,
असे यावेळी पालकमंत्री श्रीमती ठाकूर यांनी यावेळी सांगितले. जिल्हा परिषदेचे
अध्यक्ष बबलू देशमुख, आमदार देवेंद्र भुयार, तिवसा येथील नगराध्यक्ष वैभव वानखडे,
हरीभाऊ मोहोड यांच्यासह अनेक पदाधिकारी, कार्यकर्ते, अधिकारी व कर्मचारी यावेळी
उपस्थित होते.
नागरिकांचे
प्रश्न, मागणी, निवेदने, त्यावरील प्रशासकीय कार्यवाही, प्रलंबित प्रश्नांचे
निराकरण, विविध कार्यालयांशी समन्वय आदी विविध कामकाजासाठी हे कार्यालय सुरू
करण्यात आले आहे. या कार्यालयाच्या विशेष कार्य अधिकारीपदी रणजीत भोसले रुजू झाले
आहेत. कार्यालयात जनसंपर्क अधिकारी म्हणून नायब तहसीलदार अरविंद माळवे काम पाहतील.
त्याचप्रमाणे, प्रशासकीय कामकाजासाठी अधिकारी संध्या गवळी, महेश दुबे
यांच्यासह इतर अधिकारी व कर्मचारी उपस्थित असतील.
यावेळी बेटी
बचाओ, बेटी पढाओ अभियानातील स्त्री सक्षमीकरणाच्या प्रतिज्ञा फलकावर सर्व
मान्यवरांनी स्वाक्षरी केली.
000
Comments
Post a Comment