माहिती अधिकार दिनानिमित्त जनजागृतीपर उपक्रम राबवा; राज्य माहिती आयोगाचे आवाहन
माहिती अधिकार दिनानिमित्त जनजागृतीपर उपक्रम राबवा;
राज्य माहिती आयोगाचे आवाहन
अमरावती, दि. 26: माहितीचा अधिकारी अधिनियमाबाबत सर्वसामान्य नागरिकांमध्ये जनजागृती व्हावी यासाठी दरवर्षी 28 सप्टेंबर रोजी माहिती अधिकार दिन साजरा केला जातो. या दिनाचे औचित्य साधून सर्व शासकीय कार्यालयाने विविध उपक्रमांच्या माध्यमातून जनजागृती मोहिम राबवावी, असे आवाहन राज्य माहिती आयोगाचे उपसचिव देविसिंग डाबेराव यांनी केले आहे.
माहितीचा अधिकारी अधिनियम, 2005 चे कलम 4अंतर्गत प्रत्येक कार्यालयाने जनमाहिती अधिकारी व प्रथम अपिलीय अधिकारी यांची नावे व पदनाम दर्शविणारे फलक लावणे आवश्यक असून नियमित अद्यावत करणे आवश्यक आहे. माहिती अधिकार अन्वये सादर केलेल्या अर्जात भ्रमणध्वनी, ई-मेल आयडीची नोंद करण्यासंदर्भात अर्जदारांना सूचना द्यावी. तसेच याबाबत मार्गदर्शनपर सुचना कार्यालयाच्या दर्शनी भागावर लावण्यात यावे. माहिती अधिकार दिनाचे औचित्य साधून प्रत्येक कार्यालयाने जनजागृती मोहिम राबवावी, असेही आवाहन पत्रव्दारे करण्यात आले आहे.
000000
Comments
Post a Comment