18 डिसेंबर अल्पसंख्यांक हक्क दिवस
18 डिसेंबर अल्पसंख्यांक हक्क दिवस
अमरावती, दि. 15 (जिमाका): 18 डिसेंबर हा अल्पसंख्यांक हक्क दिवस म्हणून
दरवर्षी साजरा करण्यात येतो. या दिनाचे औचित्य साधून अल्पसंख्यांक नागरीकांना
त्यांच्या घटनात्मक व कायदेशीर हक्कांची जाणीव, माहिती देण्यासाठी विविध कार्यक्रमाचे
आयोजन सोमवार दि. 18 डिसेंबर रोजी होणार आहे.
जिल्ह्यातील विविध शाळा व महाविद्यालयांत
समाजसेवी संस्थांच्या मदतीने सामाजिक कार्यकर्ते, स्वयंसेवी गट व विद्यार्थी
यांच्याकरीता भित्तीपत्र स्पर्धा, वक्तृत्व स्पर्धा व निबंध स्पर्धांचे आयोजन
करण्यात यावे. या स्पर्धेतील विजेत्यांना पारितोषीके देण्यात यावी. तसेच
अल्पसंख्यांक हक्क दिवसानिमित्त चर्चासत्र, व्याख्यानमाला व परिसंवादाचे आयोजन
देखील करण्यात यावे. तसेच राज्य अल्पसंख्यांक आयोगामार्फत अल्पसंख्यांक समाजासाठी
राबविण्यात येणाऱ्या विविध योजनांची माहिती देण्यासाठी मेळावे व चर्चासत्राचे
आयोजन करण्यात यावे, अशा सूचना जिल्हाधिकारी सौरभ कटियार यांनी दिल्या.
000000
Comments
Post a Comment