नझूल पट्टे धारकांनी 31 डिसेंबरपूर्वी कराचा भरणा करावा - भूमी अभिलेख उपअधिक्षक अनिल फुलझेले
नझूल
पट्टे धारकांनी 31 डिसेंबरपूर्वी कराचा भरणा करावा
- भूमी अभिलेख उपअधिक्षक अनिल फुलझेले
अमरावती,
दि. 11 (जिमाका):
नझूल पट्टे धारकांनी कर व थकबाकीचा भरणा 31 डिसेंबरपूर्वी करावा, अन्यथा जमीन
महसूल अधिनियमानुसार कारवाई करण्यात येईल, असा इशारा भूमी अभिलेख उपअधिक्षक अनिल
फुलझेले यांनी दिला आहे.
शहरात अनेक नझूल पट्टे धारक आहेत.
त्यांनी दरवर्षी कराचा भरणा नियमित करणे आवश्यक आहे. तथापि, नझूल पट्टे धारकांनी एकूण
रक्कम 1 कोटी 39 लक्ष 6 हजार 708 रुपयांचा अद्यापही नझूल कर भरलेला नाही. भूमी अभिलेख कार्यालयाने वारंवार विनंती, सूचना करूनही अनेकांनी
कराची रक्कम भरली नाही. या बाबीची गंभीर दखल घेण्यात आली आहे. संबंधित पट्टे धारकांनी
31 डिसेंबरपूर्वी कर न दिल्यास थकित नझूल करवसुलीसाठी महाराष्ट्र जमीन महसूल
अधिनियम 1966 मधील तरतुदीनुसार नझूल भाडेपट्टा रद्द करुन नझूल मिळकत शासनजमा
करण्याची कार्यवाही करण्याचा इशारा श्री. फुलझेले यांनी दिला आहे.
00000
Comments
Post a Comment