‘प्रति थेंब, अधिक पिक’ योजना; अनुसूचित जाती व जमाती शेतकरी लाभार्थ्यांसाठी विशेष मोहिम
‘प्रति थेंब,
अधिक पिक’ योजना;
अनुसूचित जाती
व जमाती शेतकरी लाभार्थ्यांसाठी विशेष मोहिम
अमरावती, दि. 15 (जिमाका): राष्ट्रीय कृषि विकास योजना ‘प्रति थेंब, अधिक पिक’ या योजनेंतर्गत
शेतकऱ्यांसाठी ठिबक व तुषार संचाची खरेदी करण्यासाठी अनुदान दिल्या जाते. सद्यास्थितीत
उपलब्ध निधीच्या तुलनेत अनुसूचित जाती व जमाती प्रवर्गातील लाभार्थ्यांच्या अर्जाची
संख्या कमी असल्याने या प्रवर्गासाठी दि. 18 ते 31 डिसेंबर 2023 या कालावधीत विशेष
पंधरवाडा मोहिम राबविण्यात येत आहे. अनुसूचित
जाती व जमाती प्रवर्गातील शेतकरी लाभार्थ्यांनी या मोहिमेचा लाभ घ्यावा, असे आवाहन
जिल्हा अधिक्षक कृषि अधिकारी राहुल सातपुते यांनी केले आहे.
प्रधानमंत्री कृषि सिंचन योजनेतंर्गत अल्प व अत्यल्प लाभार्थ्यांना ठिबक संच, तुषार संच हे 45 टक्के व 55 टक्के या अनुदान दिले जाते. तसेच मुख्यमंत्री
शाश्वत कृषी सिंचन योजनेतंर्गत ठिबक सिंच व तुषार संच यांच्या खरेदीसाठी 25 टक्के
व 30 टक्के अनुदान दिले जाते. अनुसूचित जातीच्या लाभार्थ्यांना डॉ. बाबासाहेब आंबेडकर
स्वावलंबन मिशन अंतर्गत अल्प व अत्यल्प लाभार्थ्यांना 35 टक्के पुरक अनुदान व इतर लाभार्थ्यांना
45 टक्के पुरक अनुदान असे एकूण 90 टक्के अनुदान दिल्या जाते. अनुसूचित जमाती प्रवर्गातील
लाभार्थ्यांना बिरसा मुंडा योजनेंतर्गत अल्प व अत्यल्प लाभार्थ्यांना 35 टक्के पुरक
अनुदान व इतर लाभार्थ्यांना 45 टक्के पुरक अनुदान असे एकूण 90 टक्के अनुदान दिल्या
जाते.
योजनेंतर्गत ठिबक व तुषार सिंचन संचाचा लाभ घेण्यास
इच्छुक शेतकऱ्याकडे मालकी हक्काचा सातबारा, 8 अ व ओलीताची सोय असणे आवश्यक आहे. तसेच
योजनेचा लाभ घेण्यासाठी लाभार्थ्यांनी महाडीबीटी पोर्टलवर अर्ज करणे आवश्यक राहिल.
0000000
Comments
Post a Comment