'जय महाराष्ट्र' कार्यक्रमात आरोग्यमंत्री डॉ. दीपक सावंत
मुंबई, दि. 6 : माहिती व जनसंपर्क महासंचालनालयनिर्मित 'जय महाराष्ट्र' या कार्यक्रमात 'स्क्रब टायफस आणि अन्य साथीचे रोग : असा करू मुकाबला' या विषयावर सार्वजनिक आरोग्य व कुटुंबकल्याण मंत्री डॉ. दीपक सावंत यांची मुलाखत घेण्यात आली आहे. ही मुलाखत दूरदर्शनच्या सह्याद्री वाहिनीवरून उद्या शुक्रवार दि. ७ सप्टेंबर रोजी संध्याकाळी ७.३० ते ८ या वेळेत प्रसारित होईल. निवेदक सुरेश ठमके यांनी ही मुलाखत घेतली आहे.
राज्यातील आरोग्य सेवेचे बळकटीकरण करण्यासाठी शासनाने उचललेली ठोस पाऊले, पावसाळ्यात साथीचे आजार उद्भवू नये म्हणून आरोग्य विभागाने घेतलेली खबरदारी, स्वाईन फ्ल्यू,लेप्टो, डेंग्यू, स्क्रब टायफस या आजाराविषयी घ्यावयाची काळजी, साथीचे आजार रोखण्यासाठी आरोग्य विभागाने घेतलतली खबरदारी, विषाणूजन्य रोगांच्या अभ्यासासाठी उभारण्यात आलेली व्हॉयरॉलाजी प्रयोगशाळा याविषयाची माहिती डॉ. सावंत यांनी 'जय महाराष्ट्र' कार्यक्रमातून दिली आहे.
Comments
Post a Comment