दक्षतेचे पालन होण्यासाठी कडक नियंत्रण ठेवा - पालकमंत्री ऍड. यशोमती ठाकूर
- पालकमंत्री ऍड. यशोमती ठाकूर
अमरावती, दि. 28 : होम
क्वारंटाईन केलेल्या व्यक्ती बाहेर फिरत असल्याच्या तक्रारी होत आहेत. बेपर्वाई ठेवून सार्वजनिक आरोग्य धोक्यात आणण्याचा असा प्रकार घडत
असेल तर तत्काळ गुन्हा दाखल करावा. आरोग्य, नगरपालिका व पोलीस विभागाने समन्वय
ठेवून कामे करावीत, असे निर्देश राज्याच्या महिला व बालविकास मंत्री तथा
पालकमंत्री ऍड. यशोमती ठाकूर यांनी आज मोर्शी येथे दिले.
मोर्शी तालुक्यातील
कोरोना उपाययोजनांचा आढावा पालकमंत्री श्रीमती ठाकूर यांनी मोर्शी येथील नपा सभागृहात
घेतला, त्यावेळी त्या बोलत होत्या. आमदार देवेंद्र भुयार, नगराध्यक्ष मेघना मडघे,
पं. स. सभापती यादवराव चोपडे, उपविभागीय अधिकारी नितीनकुमार हिंगोले, तहसीलदार
सिद्धार्थ मोरे आदी उपस्थित होते.
मोर्शी येथे 13 रुग्ण
आढळले व चार कंटेन्मेंट झोन आहेत. ग्रामीण भागात 33
रुग्ण आढळले. या पार्श्वभूमीवर कोरोना प्रतिबंध दक्षता नियमांचे पालन
होणे आवश्यक आहे. साखळी तोडण्यासाठी मोर्शीत लॉकडाऊन जारी करण्यात आले. मात्र,
त्यानंतरही बेजबाबदारीने वागून चालणार नाही. कंटेन्मेंट झोनमध्ये कडक नियंत्रण
ठेवावे, असे निर्देश पालकमंत्री श्रीमती ठाकूर यांनी दिले.
कोरोना उपाययोजनांची
प्रभावी अंमलबजावणी होण्यासाठी नगरपालिका, पोलीस, आरोग्य, महसूल या सर्व
यंत्रणांनी परस्पर समन्वय ठेवून कामे करावीत, असे निर्देशही त्यांनी
दिले.तालुक्यातील आरोग्य सुविधा, कंटेन्मेंट झोन, बफर झोन, विलगीकरण कक्ष,
रुग्णालय व्यवस्था, औषध साठा आदी विविध बाबींबाबत आढावा त्यांनी यावेळी घेतला.
00000
Comments
Post a Comment